ម៉ុងខនគ្រីត ផ្ទាល់ និងចុះទៅដល់រោងចក្រជីបម៉ុងខនគ្រីត មានទីតាំងនៅសង្កាត់ឃ្មួញ ខណ្ឌសែនសុខ ។ នេះមិនមែនជាលើកដំបូងទេ ដែលក្រុមនិស្សិតចុះធ្វើទស្សនកិច្ចសិក្សាបែបនេះ ។
លោកសាស្ដ្រាចារ្យហេង ម៉េងហូ
នាយកផ្នែកវិស្វកម្មសំណង់ស៊ីវិល
ដែលបានដឹកនាំនិស្សិតផ្នែកស្ថាបត្យកម្មសំណង់ស៊ីវិលចំនួន៥០រូបនៃ
សាកលវិទ្យាល័យមេគង្គកម្ពុជាទៅចុះកម្មសិក្សាលើកទីមួយនៅក្រុមហ៊ុន
ជីបម៉ុងខន គ្រីតមានប្រសាសន៍ថា
គោលបំណងចុះកម្មសិក្សាថ្ងៃនេះគឺចង់ឱ្យនិស្សិតស្គាល់ពីផលិតផល
ក្នុងស្រុក និងបានឃើញពីគុណភាពផលិតផលក្នុងស្រុក
មិនតែប៉ុណ្ណោះឃើញពីសង្វាក់ផលិតកម្មរបស់រោងចក្រ
ដែលបញ្ជាក់ធានាពីគុណភាពផលិតផលក្នុងស្រុកយ៉ាងពិតប្រាកដ។
ម្យ៉ាងទៀត
រោងចក្រក៏អាចទទួលបាននូវមតិរិះគន់ពីអ្នកប្រើប្រាស់តាមរយៈ
និស្សិតដែលអាចស្គាល់ពីរបៀបពង្រីកគុណភាពផលិតធ្វើយ៉ាងណាឱ្យសមស្រប
នៅក្នុងប្រទេសកម្ពុជា ។ ទៅថ្ងៃអនាគត
និស្សិតអាចខ្ចីរោងចក្រនេះធ្វើការស្រាវជ្រាវផ្ទាល់ពេលណាគេចង់ផលិត
បេតុងប្រភេទថ្មី ទាំងនេះសបញ្ជាក់ថា
ជាការធ្វើសហប្រតិបត្ដិការជាមួយគ្នាដើម្បីអភិវឌ្ឍន៍ក្រុមហ៊ុនតាម
រយៈការអប់រំ ។
តំណាងនិស្សិតផ្នែកស្ថាបត្យកម្មសំណង់
ស៊ីវិលនៃសាកលវិទ្យាល័យមេគង្គកម្ពុជាបានចាប់អារម្មណ៍ថា
កន្លងមកធ្លាប់តែសិក្សាទ្រឹស្ដីនៅសាលាមិនបានស្វែងយល់ពីសង្វាក់
ការងារនៃការផលិតពិតប្រាកដ ។
បន្ទាប់ពីចុះកម្មសិក្សានៅក្រុមហ៊ុនជីបម៉ុងខនគ្រីតផ្ទាល់ក៏ដូចជា
នៅរោងចក្របេតុងក្នុងសង្កាត់ឃ្មួញនេះ
ធ្វើឱ្យនិស្សិតទាំងអស់បានស្វែងយល់ពីសង្វាក់ផលិតកម្មបេតុងនៅ
ក្រុមហ៊ុនដែលប្រើប្រាស់សុទ្ធតែគ្រឿងចក្រទំនើបៗ
និងការលាយបេតុងដោយប្រព័ន្ធកុំព្យូទ័រតែម្ដង ។
លោកអៀង សេងតុង តំណាងក្រុមហ៊ុនជីបម៉ុងខនគ្រីត
មានប្រសាសន៍ថា ក្រុមហ៊ុនជីបម៉ុងខនគ្រីត មានរោងចក្របេតុង
ចំនួន៣កន្លែងនៅក្នុងរាជធានីភ្នំពេញ
ក្នុងនោះរោងចក្រទីមួយនៅសង្កាត់ស្ទឹងមានជ័យ
រោងចក្រទីពីរនៅសង្កាត់ឃ្មួញ រោងចក្រទីបីនៅសង្កាត់ច្រាំងចំរេះ
និងរោងចក្រមួយកន្លែងទៀតនៅខេត្ដព្រះសីហនុ ។
ចំពោះផ្នែកសេវាកម្មវិញ
ក្រុមហ៊ុនមានរថយន្ដបូមបេតុងដ៏ទំនើបម៉ូដែលភូតម៉ាយស៊័រ
ដែលអាចប្រើប្រាស់បានគ្រប់ស្ថានភាព មិនថាអគារតូច ធំ ទាប ខ្ពស់
បានយ៉ាងឆាប់រហ័សទាន់ពេលវេលា
ដែលរថយន្ដនេះមានដងបំពង់បាញ់បេតុងប្រវែង៤២ម៉ែត្រ
អាចកាច់បត់បែនដល់ទីតាំងចង្អៀតៗ និងបត់បែនតាមចិត្ដបាន ។
លើសពីនេះទៀត
ក្រុមហ៊ុនទើបនាំចូលរថយន្ដបូមបេតុងម៉ូដែលភូតម៉ាយស៊័រប្រវែង៣៦
ម៉ែត្រចំនួន២គ្រឿងទៀតផងដែរ ។
លោកតំណាងក្រុមហ៊ុនជីបម៉ុងខនគ្រីត
មានប្រសាសន៍ទៀតថា ជានិច្ចកាលក្រុមហ៊ុនជីបម៉ុង ខនគ្រីត
ផ្ដល់ឱកាសដល់គ្រប់សាកលវិទ្យាល័យទាំងអស់
ដែលមានបំណងមកធ្វើទស្សនកិច្ចសិក្សាក៏ដូចជាចុះកម្មសិក្សា
គឺក្រុមហ៊ុនរង់ចាំស្វាគមន៍
ដើម្បីផ្សារភ្ជាប់ការអភិវឌ្ឍក្រុមហ៊ុនទៅនឹងវិស័យអប់រំ ៕(kohsantepheap)
