ស្លាប់១របួសធ្ងន់១ ​ដោយសារគ្រោះ ថ្នាក់ចរាចរម៉ូតូបុកម៉ូតូ

កំពង់ធំ ៖ គ្រោះថ្នាក់ចរាចររវាងម៉ូតូបុក ម៉ូតូកាលពីវេលាម៉ោង៦និង៤២នាទីល្ងាចថ្ងៃ ទី២២ ខែកុម្ភៈ ឆ្នាំ២០១២ បានបណ្ដាលឱ្យ ស្លាប់ម្នាក់ និងរបួសធ្ងន់ម្នាក់ ស្ថិតនៅលើផ្លូវ លំក្រាលគ្រួសក្រហម ភូមិបន្ទាយយមរាជ ឃុំប្រាសាទ ស្រុកសន្ទុក ខេត្ដកំពង់ធំ ។

មន្ដ្រីនគរបាលចរាចរណ៍បានឱ្យដឹងថា ជនរងគ្រោះដែលស្លាប់ មានឈ្មោះអ៊ឹម កែវ ភេទប្រុស អាយុ៥០ឆ្នាំ រស់នៅភូមិព្រែក ក្រោល ឃុំត្នោតជុំ ស្រុកបារាយណ៍ ។ រីឯ ជមរងគ្រោះដែលរងរបួសធ្ងន់ មានឈ្មោះ យិន ប៊ុនឡេង ភេទប្រុស អាយុ២៤ឆ្នាំ រស់ នៅភូមិត្នោតជុំ ឃុំត្នោតជុំ ស្រុកបារាយណ៍ ។

មន្ដ្រីនគរបាលបានបន្ដថា គ្រោះថ្នាក់ចរាចរណ៍នេះបានកើតឡើង បណ្ដាលមកពីជនរងគ្រោះដែលស្លាប់ជិះម៉ូតូ C100កូរ៉េ បានបុកជាមួយភាគីម្ខាងទៀត ស្ថិតនៅកណ្ដាលទ្រូងផ្លូវ បណ្ដាលឱ្យស្លាប់និងរបួសតែម្ដង៕