រាជធានីភ្នំពេញ ៖
គ្រោះថ្នាក់ចរាចណ៍មួយបានកើតឡើង រវាងរថយន្ដ និងម៉ូតូ
បណ្ដាលឱ្យយុវជន២នាក់រងរបួស។
ករណីនេះបានកើតឡើងកាលពីវេលាម៉ោង១២
និង៣០នាទីថ្ងៃត្រង់ថ្ងៃទី២៥ កុម្ភៈ ២០១២
តាមបណ្តោយផ្លូវភ្នំពេញ-ហាណូយក្នុងសង្កាត់ទឹកថ្លា ខណ្ឌសែនសុខ ។
ប្រភពព័ត៌មាននៅកន្លែងកើតហេតុបានឱ្យដឹងថា
មុនពេលកើតហេតុរថយន្ដឡិចស៊ីស៤៧០បានធ្វើដំណើរពីជើងទៅត្បូងតាម
បណ្ដោយផ្លូវភ្នំពេញ-ហាណូយ ស្រាប់តែមកដល់ចំណុចកើតហេតុ
ក៏បានបត់ស្ដាំចូលផ្លូវលំមួយ
ដោយមិនស៊ីញ៉ូភ្លើងជាហេតុបណ្ដាលឱ្យម៉ូតូហុងដាឌ្រីមសេ១២៥
បើកបរដោយយុវជន២នាក់ធ្វើដំណើរស្របគ្នាជាន់ហ្វ្រាំងមិនទាន់
ក៏បុករថយន្ដមួយទំហឹង បណ្ដាលឱ្យរងរបួសធ្ងន់ដោយបាក់ដៃស្កាំ
និងអ្នកជិះពីក្រោយរងរបួសស្រាល
ហើយត្រូវបានគេបញ្ជូនទៅសង្គ្រោះនៅមន្ទីរពេទ្យភ្លាមៗ។
ក្រោយពីកើតហេតុនគរបាលចរាចរខណ្ឌសែនសុខបាន
នាំយករថយន្ដ
និងម៉ូតូទៅរក្សាទុកនៅអធិការដ្ឋានខណ្ឌដើម្បីរងចាំធ្វើការដោះ
ស្រាយ ៕(កោះសន្តិភាព)
