Hot News: ពីនេះ ពីនោះ

Showing posts with label ពីនេះ ពីនោះ. Show all posts

Wednesday, March 27, 2013

ម៉ូតូ Scooter ប្រើថាមពលអគ្គិសនីអាចបត់ដូចវ៉ាលីសតម្លៃ3.045ដុល្លារ

ម៉ូតូ Scooter ថ្មីដែលដើរដោយថាមពលអគ្គិសនីបានលេចេចញជារូបរាងយ៉ាងស្រស់ ស្អាត និងបង្កលក្ខណៈងាយស្រួលដល់អ្នកប្រើប្រាស់ដោយសារវាអាច បត់ជាពីរក្នុងរយៈពេលប៉ុន្មានវិនាទីមានរាងដូចជាវ៉ាលីស មានកង់អាចទាញអូសបានយ៉ាងស្រួល ។

ម៉ូតូដ៏ទំនើបនេះមានតម្លៃ៣.០៤៥ដុល្លារ ហើយវាកំពុងត្រូវបានផ្សព្វផ្សាយលក់តាមប្រព័ន្ធអុីនធើរ ណេតជាបណ្តើរៗហើយ ។ ចំពោះលក្ខណៈពិសេសជាងនេះរបស់ម៉ូតូនេះគឺវាមានទម្ងន់ ស្រាលត្រឹមតែ២៥គីឡូក្រាម និងអាចបើកបរបានក្នុងល្បឿន២៨គីឡូមែ៉ត្រក្នុងមួយម៉ោង និងរាល់ពេលបញ្ចូលភ្លើងត្រឹមតែមួយមោ៉ងអាចជិះបាន ចម្ងាយ៣៥គីឡូមែ៉ត្រ ។

ចំណែកកៅអីអង្គុយមានលក្ខណៈបែបបុរាណ ព្រោះវាធ្វើពីស្បែកសត្វដែលធ្វើឱ្យអ្នកអង្គុយមាន ផាសុកភាពខណៈកំពុងបើកបរ ៕

Sunday, March 24, 2013

រ៉ូបវែងជាងគេបំផុតលើពិភពលោកត្រូវបានដាក់តាំងនៅប្រទេសអង់គ្លេស

ទីក្រុងឡុង ៖ រ៉ូបវែងជាងគេបំផុតលើពិភពលោកត្រូវបានគេដាក់បង្ហាញ នៅក្នុងទីក្រុងឡុងកាលពី ថ្ងៃសុក្រ ទី២២ មីនា ឆ្នាំ២០១៣ កន្លងទៅនេះ ។ រ៉ូបនេះមានបណ្ដោយប្រវែង៤៥ម៉ែត្រ និងទទឹងគ្របដណ្ដប់ទៅលើផ្ទៃដីទំហំ១៣៩,៣ម៉ែត្រការ៉េ ។ រ៉ូបដ៏វែងនេះត្រូវបានច្នៃម៉ូដដោយលោក Henry Holland វ័យ២៩ឆ្នាំ ធ្វើពីសូត្រមានពណ៌ក្រហម និងលឿង ។ លោកបានបន្តទៀតថា រ៉ូបនេះបានដាក់តាំងបង្ហាញក្នុងមជ្ឈមណ្ឌលលក់ទំនិញ Trinity Shopping Leeds ដើម្បីទាក់ទាញអ្នកចូលរួមទស្សនាក្នុងការតាំងពិរពណ៍ម៉ូដ សម្លៀកបំពាក់ ៕

Saturday, March 23, 2013

នេប៉ាល់រើសបានបវរកញ្ញាប្រចាំឆ្នាំ2013ហើយ

កញ្ញាអីុសានី ស្រេស្សា បានគ្រងមកុដបវរកញ្ញានេប៉ាល់២០១៣ នៅក្នុងចំណោមបេក្ខនារីចំនួន១៨រូប ដែលបានចូលរួមប្រកួតនៅវគ្គផ្ដាច់ព្រ័ត្រ ។ ទន្ទឹមនឹងការទទួលជ័យលាភីនោះ នាងក៏ទទួលបានពានរង្វាន់បវរកញ្ញាឯកភេសជ្ជៈ Fanta ផងដែរ ។ បវរកញ្ញារ៉ូជីស្សា សាហ៊ី ជាប់ចំណាត់ថ្នាក់លេខ២ និងជាប់ជាបវរកញ្ញាឯកអន្ដរជាតិនេប៉ាល់២០១៣ និងកញ្ញាស្រីុទីម៉ា សា ជាប់ចំណាត់ថ្នាក់លេខ៣ និងជាប់ជាបវរកញ្ញាផែនដីនេប៉ាល់២០១៣ ។ កម្មវិធីប្រកួតវគ្គផ្ដាច់ព្រ័ត្រធ្វើឡើងនៅសាលមហោស្រពក្នុងទី ក្រុងកាត់មណ្ឌូ កាលពីថ្ងែទី២០ មីនា ។

បវរកញ្ញានេប៉ាល់២០១៣ វ័យ២១ឆ្នាំ អីុសានី ស្រេស្សា ជាមួយអារម្មណ៍រំភើបក្រៃលែងរហូតចេញទឹកភ្នែករលីងរលោងបាននិយាយ នៅលើវេទិកាថា «ការខិតខំ និងការជឿជាក់របស់នាងខ្ញុំទាំងប៉ុន្មានគឺចង់បានមកវិញនូវជ័យ លាភីនាថ្ងែនេះ» ។ នៅក្នុងវគ្គសំណួរគឺកញ្ញាអីុសានី បានឆ្លើយត្រូវគាប់ចិត្ដគណៈកម្មការ និងទស្សនិកជន ។ គណៈកម្មការវាយតម្លៃ ក៏មានអតីតបវរកញ្ញានេប៉ាល់ឆ្នាំ២០១១ មានីឡា ជូស្សុីផងដែរ៕

Thursday, March 21, 2013

ស្ត្រីឥណ្ឌាអាយុ21ឆ្នាំមានប្តី5នាក់ចែកវេនគ្នារួមភេទ

ស្ត្រីជនជាតិឥណ្ឌាវ័យ២១ឆ្នាំ រ៉ាជូ វើណា ដែលរស់នៅក្នុងភូមិតូចមួយនៃស្រុកឌេរ៉ាដុនភាគខាងជើងប្រទេស ឥណ្ឌា បានរៀបការតាមបែបសាសនាហិណ្ឌូ និងរស់នៅជាមួយប្តី៥នាក់ ដែលសុទ្ធសឹងជាបងប្អូនសាច់ញាតិរបស់នាង រួមទាំងមានកូនប្រុសតូចម្នាក់អាយុ១៨ខែ ដែលមិនដឹងច្បាស់ថាមួយណាជាឪពុកឡើយ ។

នាងរ៉ាជូ វើណា ឱ្យដឹងថា នៅពេលយប់នាង និងប្តីទាំង៥នាក់ដេករួមគ្នានៅលើភួយក្រាលលើឥដ្ឋក្នុងបន្ទប់ ដោយសារគ្មានគ្រែដេក។បុរសជាប្តីទី១ និងជាប្តីស្របច្បាប់ដែលបានរៀបការអស់រយៈពេល៤ឆ្នាំមកហើយនិយាយ ថា «ពួកយើងបានដេក និងរួមភេទជាមួយប្រពន្ធទៅតាមវេនកំណត់ម្នាក់ម្តង ។ ទោះបីជាយ៉ាងណាក៏ដោយ ពួកយើងជាក្រុមគ្រួសារធំដ៏រីករាយ ហើយខ្ញុំមិនប្រច័ណ្ឌ ឬខឹងនឹងរឿងនេះឡើយ» ។

បន្ទាប់ពីប្តីដើមហ្គូឌូ អាយុ២១ឆ្នាំ នាងរ៉ាជូ បានរៀបការជាមួយប្តីទី២ឈ្មោះប៉ាជូ អាយុ៣២ឆ្នាំ ប្តីទី៣ឈ្មោះសានរាម អាយុ២៨ឆ្នាំ ប្តីទី៤ឈ្មោះហ្គូផល អាយុ២៦ឆ្នាំ និងប្តីចុងក្រោយដែលត្រូវជាសែស្រឡាយខាងប្តីនឹងរៀបការក្នុងពេល ឆាប់ៗខាងមុខ ៕ (KOH)

Wednesday, March 13, 2013

ច្នៃដងស្លាបព្រាឈើធ្វើប៊ិកចុច iPad, Smartphone និង Tablet ផលិតអត់ទាន់តម្រូវការ

បច្ចេកវិទ្យាបច្ចុប្បន្នកាន់តែរីកចម្រើនខ្លាំងឡើង គួរឲ្យកត់សម្គាល់ ឥឡូវនេះសូម្បីតែស្លាបព្រាសម្រាប់ញ៉ាំបាយក៏អាចយកទៅប្រើជាមួយ ទូរស័ព្ទសេ៊រី Smartphone, iPad និង Tabletបានដែរ ។លោកជូដេន មូរហ្វី ដែលជាអ្នកច្នៃសម្ភារផ្ទះបាយធ្វើជាឧបករណ៍ប្រើជាមួយគ្រឿងអេឡិច ត្រូនិកបានបង្កើតស្លាបព្រាធ្វើពីឈើដែលត្រូវបានគេឲ្យឈ្មោះថា iSpoon Kitchen Stylus ដោយនៅខាងចុងដងស្លាបព្រាគាត់បានបញ្ចូលសារធាតុ capacitive stylus និងសារធាតុផ្សេងៗទៀតដើម្បីអាចប្រើប្រាស់ជាប៊ិកចុចនៅលើបន្ទះ អេក្រង់ទូរស័ព្ទ Smartphone, iPad ឬក៏ Tablet បាន ។

យោងតាម Umbra.com ឲ្យដឹងថា តម្លៃស្លាបព្រា iSpoon មួយថ្លៃ៧ដុល្លារ ហើយការដឹកជញ្ជូននាំចេញទៅអឺរ៉ុបដោយឥតគិតថ្លៃ ។ ប៉ុន្តែតម្លៃនេះនឹងប្រែប្រួលនៅពេលនាំចេញ ទៅលក់ក្នុងចក្រភពអង់គ្លេសសម្រាប់ប្រើប្រាស់ក្នុងផ្ទះបាយឬ សម្រាប់អ្នកគាំទ្រ iPad ។ឥឡូវបញ្ហាដែល iSpoon Kitchen Stylusកំពុងប្រឈមគឺផលិតមិនទាន់អ្នកប្រើប្រាស់ ។ លោកជូដេន មូរហ្វី នឹងខំប្រឹងប្រែងផលិតសម្ភារផ្ទះបាយប្រើជាមួយគ្រឿងអេឡិច ត្រូនិកបន្ថែមទៀតដែលជាគ្រឿងសង្ហារិម ដូចជា iKnife iFork ហើយឈានទៅផលិតសម្ភារប្រើប្រាស់ក្នុងបន្ទប់ទឹកផងដែរឈ្មោះថា iBath ៕

នារីវ័យក្មេងស្រស់ស្អាតម្នាក់ រងការរិះគន់ខ្លាំងៗនៅលើ Facebook (Video Inside)

ភ្នំពេញ៖ បន្ទាប់ពីនារីវ័យ ក្មេងស្រស់ស្អាតម្នាក់ បានបង្ហោះវីដេអូឃ្លីប នៅលើបណ្តាញទំនាក់
ទំនង សង្គមហ្វេសប៊ុក (Facebook) របស់ខ្លួនថ្មីៗនេះ ស្រាប់តែមហាជន និងស្រទាប់យុវវ័យ
មួយចំនួន ដែលនិយមលេងបណ្តាញ សង្គមដ៏ពេញ និយមមួយនេះ បានធ្វើការរិះគន់ខ្លាំងៗ
មកលើនាង ។
នៅក្នុងវីដេអូឃ្លីប រយៈពេល២៧ វិនាទី របស់នារីវ័យក្មេងម្នាក់ ដែលបានប្រាប់ឈ្មោះខ្លួន ឯងថា
អេនីតា ដោតនាងបានរៀបរាប់ ពីការដែលនាងមិនបាន ឆ្លើយតប និងលេងជាមួយ Friend ដែល
បាន Comment និង Chat ជាមួយនាង។ នាងបាននិយាយថា នាងមួយរយៈនេះ នាងរវល់ខ្លាំង
ហើយ នាងក៏បានសម្តែងការ អភ័យទោសចំពោះ Friend របស់នាងផងដែរ ។ តែអ្វីដែលធ្វើឲ្យ
មហាជន និយមលេងបណ្តាញសង្គម Facebook ធ្វើការរិះគន់មកលើនាងខ្លាំងៗ បែបនេះក៏ព្រោះ
តែនាង បានស្លៀកពាក់បែបសិចស៊ី មិនសមទំនងជាកូនខ្មែរ ហើយថែមទាំង បង្ហោះវីដេអូ ថែម
ទៀតផង ។
បើយើងសង្កេត មើលតាមរយៈ Comment របស់ Friend នាវីវ័យក្មេងរូបនេះដែល បានសរសេរចំ
ពោះវីដេអូ គឺរិះគន់ និងស្តីបន្ទោសខ្លាំងៗ មកលើនាង ហើយក៏មាន មួយចំនួនតូច សរសើរបែប
ចំអក ចំពោះនាងផងដែរ ។(DAPNEWS)
សូមទស្សនាវីដេអូខាងក្រោម៖

Tuesday, March 12, 2013

ស្រាតហែលទឹករៃអង្គាសប្រាក់ក្នុងឧទ្យានជាតិនៅអូស្ត្រាលី

ប្រជាជន៤០០នាក់ស្រាតសម្លៀកបំពាក់ហែលទឹកសមុទ្រ នៅតំបន់ឆ្នេរឡបប៊ើរ នៃពិធីស៊ីដនី ស្គីននី រយៈចម្ងាយ៩០០ម៉ែត្រ ដើម្បីរកប្រាក់ចូលមូលនិធិឧទ្យានជាតិ និងសត្វព្រៃ ក្នុងទីក្រុងស៊ីដនី ប្រទេសអូស្ត្រាលី ៕

ស្លាប់8នាក់ក្នុងនោះមានកុមារ7នាក់ក្នុងគ្រោះអគ្គិភ័យមួយនៅអាល្លឺម៉ង់

ប៉ូលិសរាយការណ៍ថា ភ្លើងបានឆាបឆេះផ្ទះល្វែងមួយកាលពីថ្ងៃទី១០ មីនា នៅភាគនិរតីអាល្លឺម៉ង់ ដេោយសម្លាប់សមាជិកគ្រួសារមានដើមកំណើតតួកគីមួយយ៉ាងតិច៨នាក់ ក្នុងនោះមានកុមារ៧នាក់ ។មូលហេតុនៃគ្រោះមហន្តរាយនេះ នៅពុំអាចកំណត់ច្បាស់នៅឡើយ ក៏ប៉ុន្តែប៉ូលិសសង្ស័យថាអាចបណ្តាលមកពីឡមួយក្នុងផ្ទះល្វែង ស្ថិតនៅជាន់ទី២នៃអតីតរោងជាងស្លស្ពាន់មួយក្នុងទីក្រុង BACKNANG ស្ថិតនៅចម្ងាយ២០គីឡូម៉ែត្រភាគឦសានទីក្រុង STUTTGART ។

ពួកអ្នកពន្លត់ភ្លើងជាច្រើនរយនាក់អាចជួយ សង្គ្រោះមនុស្ស៣នាក់ ។ មនុស្សទាំង៣នាក់នោះត្រូវបានបញ្ជូនទៅកាន់មន្ទីរពេទ្យ ។ យោងតាមកាសែតអាល្លឺម៉ង់ BILD ថា ជនរងគ្រោះម្នាក់ក្នុងចំណោមជនរងគ្រោះស្លាប់ទាំង៨នាក់ជាកូន ងែ៉តអាយុទើប៦ខែ ។ ឪពុករបស់គ្រួសារនោះពុំបាននៅផ្ទះឡើយពេលមានភ្លើងឆេះ ។ឧបនាយករដ្ឋមន្ត្រីតួកគី លោក BEKIR BOZDAG ស្នើឱ្យមានការស៊ើបអង្កេតមួយលើរឿងនោះ ៕

Sunday, March 3, 2013

ស្មៅបិសាច "លេបត្របាក់"ផ្ទះលើវាលខ្សាច់

Josh Pitman ជាពលរដ្ឋអាមេរិកម្នាក់ រស់នៅប៉ែកខាងលិចតិចសាស់ បានសម្លឹងឃើញផ្ទះរបស់ខ្លួនស្ទើរតែត្រូវលេបបាត់ ដោយសារប្រភេទស្មៅបិសាចនៅលើវាលខ្សាច់ ។
ស្មៅបិសាច ជាប្រភេទស្មៅដុះពាសវាល ពាសកាលនៅតាមតំបន់វាលខ្សាច់ធំៗក្នុងប្រទេសអាមេរិក ។ បន្ទាប់ពីវាក្រៀមស្ងួតនោះ នឹងត្រូវខ្យល់គួចយកទៅទម្លាក់គ្រប់កន្លែង ហើយក្នុងនោះក៏មានគ្រាប់របស់វាដែលរងចាំពេលមានភ្លៀងនឹងចាប់ផ្តើម ដុះបន្តសារជាថ្មី ។
ក្រោយដំណើរខ្យល់គួចកើតឡើងលើវាលខ្សាច់ ជាប្រចាំ ផ្ទះរបស់ Josh Pitman ស្ទើរតែរងការគ្របដណ្តប់ដោយគុម្ពស្មៅបិសាចធំៗនេះ ។ វាបានក្រសោបផ្ទះរបស់គាត់ បន្ទាប់ពីខ្យល់មួយដែលបក់បោកក្នុងល្បឿន 96km/h នាតំបន់ midland texas ។

ផ្ទះដែលត្រូវស្មៅលេបត្របាក់

បន្ទាប់ពីថតខ្សែវីដេអូនូវហេតុការណ៍ចម្លែកនេះ Josh Pitman ត្រូវបានស្ថានីយទូរទស្សន៍នៅតំបន់នោះអញ្ជើញមកសម្ភាសន៍ ។ រឿងតែមួយគត់គាត់ហាមាត់និយាយបានគឺ វាជារឿងគ្មានហេតុផលតែមួយគត់ ដែលខ្ញុំធ្លាប់បានឃើញ ។
ពិតណាស់ផ្ទះរបស់លោក Josh Pitman ពិតជាត្រូវគ្របដណ្តប់ដោយគំនរស្មៅដ៏ធំសម្បើមដូច Video Clip ដែលគាត់បានថត ៕M

Thursday, December 6, 2012

ស្ត្រីវ័យចំណាស់ ជាងគេ លើពិភពលោក ទទួលមរណភាព ក្នុងវ័យ១១៦ឆ្នាំ

ស្ត្រីដែលមានវ័យចំណាស់ជាងគេម្នាក់ លើពិភព លោក ដែលមានឈ្មោះថា Besse Cooper បានទទួល មរណភាពក្នុងវ័យ ១១៦ឆ្នាំ។ នេះបើយោងតាមសេចក្តីរាយការណ៍ របស់ទីភ្នាក់ងារព័ត៌មានCNN។
យោងតាម Bangkok Post បានឲ្យដឹងថា ស្ត្រីវ័យចំណាស់រូបនេះ បានស្លាប់កាលពីថ្ងៃអង្គារ ទី០៤ ខែធ្នូ ឆ្នាំ២០១២ ក្នុងវ័យ១១៦ឆ្នាំ ក្នុងរដ្ឋ Georgia សហរដ្ឋអាមេរិក។ នេះបើយោងតាមការលើកឡើង របស់ លោក Sidney ដែលត្រូវជាកូនប្រុសរបស់លោកស្រី។
លោកបានបន្តថា ម្តាយរបស់លោក មានអាយុវែង និងមានសុខភាពល្អណាស់ ហើយលោកស្រីបានចាកចេញទៅដោយស្ងប់ស្ងាត់បំផុត។ គួរបញ្ជាក់ថា លោកស្រីត្រូវបានគេកត់ត្រាក្នុង Guinness World តាំង ពីខែមករា ឆ្នាំ២០១១ កន្លងទៅនេះ ក្នុងនាមជាមនុស្ស ដែលមានអាយុវែងជាងគេលើពិភពលោក។
កាលលោកស្រីនៅមានជីវិត នៅពេលសួរពីអាថ៌កំបាំង នៃការធ្វើឲ្យមានអាយុវែងលោកស្រីបានបញ្ជាក់ថា លោកស្រីមិនបរិភោគអាហារដែលប៉ះពាល់ដល់សុខភាព។ គួររំលឹកថា លោកយាយបានកើតនៅថ្ងៃទី២៦ ខែសីហា ឆ្នាំ១៨៩៦ នៅ Tennessee៕

Wednesday, December 5, 2012

ផ្អើលពេញមួយរថភ្លើង ព្រោះនារីស៊ិចស៊ី រាំអាក្រាតកាយល្វែងលើ

ព័ត៌មានអន្តរជាតិ ៖ វាគឺជាដំណើរលើរថភ្លើងមួយដែលមិនអាចបំភ្លេចបាន ខណៈពេលដែល
កំពុងតែជិះលើរថភ្លើងសុខៗ ស្រាប់តែមាននារីស្រស់ស្អាតវ័យក្មេង រាំអាក្រាតកាយល្វែងលើ
ដែលបានបង្កជាភាពភ្ញាក់ផ្អើល ក៏ដូចជាស្រឡាំងកាំង ពេញរថភ្លើង នេះបើយោងតាមរបាយ
ការណ៍ ដែលបានចេញផ្សាយដោយគេហទំព័រសារព័ត៌មានបរទេស Happening កាលពីប៉ុន្មាន
ម៉ោងមុននេះ។

គួរបញ្ជាក់ផងដែរថា រឿងដែលមិននឹកស្មានដល់នេះ បានកើតនៅលើរថភ្លើង នាទីក្រុង Mont-
rrey ភាគឦសាន ប្រទេសម៉ិចសិក។ ភ្លាមៗនោះ កាលដែលឃើញបែបនេះហើយ បុរសៗភា
គច្រើនសម្លឺងមិនដាក់ភ្នែក ខណៈពេលដែលមានបុរសមួយចំនួនផ្សេងទៀត បានដកកាម៉េរ៉ា
មកថតជាវីដេអូ និងបានបង្ហោះចូលទៅក្នុងគេហទំព័រវីដេអូកំពុងពេញនិយមថែមទៀតផង។
តែទោះជាយ៉ាងនេះក្តី បន្ទាប់ពីមានការរាំអាក្រាតកាយល្វែងលើ ប្រមាណជាង ៤ នាទីរួចមក
បុរសម្នាក់ ក៏មានប្រតិកម្មស្តែងនូវភាពមិនពេញចិត្ត ដោយដាស់តឿននាងអោយស្លៀកពាក់
វិញ ស្របពេលដែលនាងកំពុងតែរាំនៅពីមុខក្មេងមិនគ្រប់អាយុ។

គួររំឭកផងដែរថា របាយការណ៍ដដែល បានបន្ថែមអោយដឹងទាក់ទិននិងអត្តសញ្ញាណរបស់
នាងផងដែរថា នាងមានឈ្មោះ Luna Bella ជាបេក្ខភាពដែលធ្លាប់ជាអ្នករាំស្រាតប្រចាំក្លឹបរាត្រី
Chocolate Men’s Club ។ ភ្លាមៗនោះ ក៏មានការអន្តរាគមន៍ពីសំណាក់ភ្នាក់ងារមានសមត្តកិច្ច
ផងដែរ ដោយធ្វើការចាប់ឃាត់ខ្លួនជាបណ្តោះអាសន្ន៕

ចាប់អារម្មណ៍ខ្លាំងរឿងប៉ូលិសម្នាក់ឱ្យស្បែកជើងមួយគូដល់អ្នកគ្មានទីជម្រកនៅញូវយ៉ក

នៅអាមេរិកគេមានការចាប់អារម្មណ៍ខ្លាំងណាស់ ចំពោះព័ត៌មាន និងរូបភាពពីប៉ូលិសក្រុងញូវយ៉កម្នាក់បានធ្វើអំណោយស្បែក ជើងកវែងមួយគូដល់បុរសគ្មានទីជម្រកម្នាក់ដែលដើរដោយជើងទទេ ។រូបភាពនៃអំពើល្អរបស់ប៉ូលិសរូបនេះត្រូវបានមនុស្សជាង ៦០០.០០០នាក់តាមFACEBOOK និយាយសរសើរថា នេះពិតជាអំពើសប្បុរសធម៌មួយ ។ ក៏ប៉ុន្តែការពិតរបស់អ្នកគ្មានទីជម្រកនៅអាមេរិកពិតជា ស្មុគស្មាញ ។

កាលពីចុងសប្តាហ៍កន្លងមកនេះកាសែតញូវយ៉ក ថែមបានផ្សាយពីបុរសគ្មានទីជម្រកម្នាក់រស់នៅតាមចិញ្ចើមថ្នល់ ដែលគ្មានស្បែកជើងពាក់ពេលរងា តែត្រូវបានប៉ូលិសម្នាក់ទិញស្បែកជើងបុតមួយគូឱ្យមានតម្លៃ ១០០ដុល្លារ ។ ក៏ប៉ុន្តែក្រោយទទួលបានស្បែកជើងមួយគូនោះបុរសគ្មានទីជម្រក នោះនៅតែបន្តដើរដោយជើងទទេទៀតដោយលាក់ទុកស្បែកជើងថ្មីនោះ ។ បុរសឈ្មោះFEFFREY HILLMAM នេះនិយាយថា ស្បែកជើងនេះមានតម្លៃគិតជាប្រាក់ច្រើនណាស់ ។

ទោះជាយ៉ាងណាគាត់អរគុណណាស់ចំពោះអំពើ សប្បុរសរបស់នាយប៉ូលិសរូបនេះ ។ គាត់និយាយប្រាប់កាសែតញូវយ៉កថែមថា ខ្ញុំពិតជាវាយតម្លៃខ្ពស់ចំពោះអ្វីដែលនាយប៉ូលិសនេះបានធ្វើ ។ ត្រូវឱ្យមានមនុស្សដូចគាត់ច្រើននាក់លើផែនដីយើងនេះ ។ ខ្ញុំសូមអរគុណគាត់យ៉ាងអស់ពីដួងចិត្ត ។ ខ្ញុំបានពាក់ស្រោមជើងខ្លី២សម្រាប់ដែរតែខ្ញុំនៅតែរងា ។ ប៉ូលិសរូបនេះបានជួបនិយាយជាមួយខ្ញុំ ហើយបន្ទាប់មកគាត់ទៅកាន់ហាងមួយនៅក្បែរដើម្បីទិញស្បែកជើងបុត នោះឱ្យខ្ញុំ ។ ស្បែកជើងនេះពិតជាថ្មី ។ មានមនុស្សតិចណាស់ដែលមានភ័ព្វវាសនាដូចខ្ញុំ ៕

Sunday, December 2, 2012

វីដេអូ៖ គាស់ទ្វារផ្ទះ២ជាន់ លួចម៉ូតូទំនើប២គ្រឿង

វៀតណាម៖ កាលពីថ្មីៗនេះ គេហទំព័រមួយនៅប្រទេសវៀតណាមបានបង្ហោះនូវវីដេអូស្តីពី
សកម្មភាពគាស់ផ្ទះ ចូលលួចម៉ូតូស៊េរីទំនើប ដោយប្រើពេលយ៉ាងខ្លី យកម៉ូតូទៅបានដោយ
សុវត្ថភាព ដែលមានការចាប់អារម្មណ៍មើលច្រើនពីសំណាក់អ្នកលេងអ៊ីនធឺណេត។
បើទោះជាមានការប្រុងប្រយ័ត្នដោយចាក់សោរទ្វារផ្ទះដល់ទៅពីរជាន់ទៅហើយក្តី ពេលដែល
ម្ចាស់ផ្ទះចេញផុតពីផ្ទះតែប៉ុន្មាននាទីប៉ុណ្ណោះ ចោរពីរនាក់បានមកគាស់ទ្វារផ្ទះ ហើយចូលលួច
ម៉ូតូលេខអូតូស៊េរីទំនើបពីរគ្រឿងបានដោយសុវត្ថភាព។(camnews)
សូមទស្សនាវីដេអូដូចខាងក្រោម ៖

Thursday, November 29, 2012

បុរសចិនម្នាក់ដុតខ្លួនឯង ព្រោះសុំរៀបការ មិនបានសម្រេច

កាលពីពេលថ្មីៗនេះ បុរសម្នាក់ត្រកូល វូ អាយុ ៣៨ឆ្នាំ បានដុតខ្លួនឯង បន្ទាប់ពីការសុំរៀបការ
មិនបានសម្រេច។ ការដុតខ្លួននេះ បានធ្វើឱ្យបុរសត្រកូល វូ នេះត្រូវរលាករាងកាយអស់ ៦០%។

បច្ចុប្បន្នកំពុងស្ថិតក្នុងស្ថានភាពអាក្រក់បំផុត។

គួររឹលកថា តាំងពីឆ្នាំ ២០១១ បុរសត្រកូល វូ និងមិត្តស្រីរបស់ខ្លួន បានចាប់ផ្ដើមស្រឡាញ់គ្នា
ប៉ុន្ដែបន្ទាប់មក បញ្ហាជាច្រើនបានកើតឡើង រហូតដល់ថ្ងៃមួយ មិត្តស្រីរបស់បុរសនេះ បានសុំ
ចែកផ្លូវ និងរត់ទៅនៅឯស្រុកកំណើត។ ទោះជាយ៉ាងនេះក្ដី បុរសនេះក៏បានឆ្លងកាត់ចម្ងាយផ្លូវ
១,១០០គីឡូម៉ែត្រ ពីក្រុង Nanchang ខែត្រ Jiangxi តាមទៅរកនាងដល់ស្រុកកំណើត នៅឯ
ក្រុង Qingdao ខែត្រ Shandong ។

ប៉ុន្ដែ នៅពេលទៅដល់ និងបានសុំនាងរៀបការ ពេលនោះនាងបែរជាប្រកែក មិនព្រមរៀបការ
យ៉ាងដាច់ខាត។ ដោយមិនសុខចិត្ត បុរសវក់ស្នេហ៍រូបនេះ ក៏បានគំរាមថានឹងធ្វើអត្ដឃាត ប្រសិន
នាងមិនព្រមរៀបការ។ ភ្លាមនោះ បុរសនេះក៏បានចាក់ហ្គាស ទៅលើដងខ្លួន រួចក៏អុជភ្លើងដុតតែ
ម្ដង។(CAMNEWS)

Sunday, November 18, 2012

ផ្អើលថាបាឡុងក្រុមហ៊ុនសុខា អូតែលនៅមុខប្រាសាទអង្គរវត្ដដាច់ខ្សែតែសមត្ថកិច្ចបដិសេធ

បាឡុងមួយដែលសរសេរអក្សរ Cambodia Angkor នេះហោះកាត់ក្រុងសៀមរាបកាលពីល្ងាចថ្ងៃទី១៦ ដែលពាក្យចចាមអារ៉ាមថាបាឡុងនោះជារបស់ក្រុមហ៊ុនសុខា អូតែល ដែលដាច់

ខេត្តសៀមរាប: នៅល្ងាចថ្ងៃទី១៦ ខែវិច្ឆិកា ឆ្នាំ២០១២ប្រជាពលរដ្ឋជាច្រើននាក់បានសំលឹងឃើញបាឡុងដ៏ធំមួយបាន ហោះ កាត់ពីលើតំបន់ក្រុងទេសចរណ៏ ខេត្ដសៀមរាប។ បាឡុងខាងលើត្រូវបានប្រជាពលរដ្ឋប្រទះឃើញហោះនៅលើលំហអាកា ស បាននាំគ្នានិយាយថាជាបាឡុងក្រុមហ៊ុនសុខា អូតែលដែលស្ថិតនៅមុខនាគទល់មុខប្រាសាទអង្គរវត្ដ សំរាប់ធ្វើអាជីវកម្ម ឱ្យភ្ញៀវទេសចរជិះបានដាច់ ហើយហោះកាត់ក្រុងសៀមរាបបែបនេះ។ ករណីផ្អើលថាបាឡុងក្រុមហ៊ុនសុខា អូតែលដាច់ ត្រូវបានសមត្ថកិច្ចអង្គភាពនគរបាលទេសចរណ៍ប្រចាំខេត្ដសៀមរាបបាន និយាយថាមិនមានការដាច់បាឡុងអីនោះទេ។

នៅចន្លោះម៉ោង ១៧ ល្ងាចថ្ងៃទី១៦ ខែវិច្ឆិកានោះមានមនុស្សមិនតិចទេបានឃើញបាឡុងដ៏ធំមួយបានបណ្ដែត ខ្លូន នៅលើលំហអាកាសក្នុងក្រុងសៀមរាប និងឆ្លងកាត់វត្ដរាជបូព៌។ បាឡុងនេះត្រូវបានអ្នកឃើញនិយាយគ្រប់ៗគ្នាថាគឺជាបា ឡុងរបស់ក្រុមហ៊ុនសុខា អូតែលនៅមុខប្រាសាទអង្គរវត្ដបានដាច់ខ្សែពេលភ្ញៀវកំពុងជិះ។

ប្រជាពលរដ្ឋបាននិយាយថាបាឡុងរបស់ក្រុមហ៊ុនសុខា អូតែលបានហោះរសាត់ទៅឆ្ងាយលើលំហអាកាសដោយមិ នដឹងថាបាឡុងដែលដាច់ហោះទៅដល់ទីណាឡើយ។ ហើយមនុស្សដែលជិះក៏មិនដឹងថាមានវាសនាបែបណាឡើយ ព្រោះ ថាភ្ញៀវដែលជិះជាមួយបាឡុងបាត់អស់ព្រមគ្នានោះដែរ។

ពាក់ពន្ធ័ករណីនេះអ្នកពត៌មានរស្មីកម្ពុជាមិនអាចសុំបំភ្លឺបានទេពី តំណាងក្រុមហ៊ុនសុខា អូតែលដែលជាម្ចាស់អូតែ ល ដែលជាម្ចាស់បាឡុង។ ប៉ុន្ដែក្នុងករណីនេះលោកវរសេនីយ៏ឯក សំ រស្មីប្រធានអង្គភាពនគរបាលទេសចរណ៏ប្រចាំខេត្ដ សៀមរាបបានបដិសេធថា នៅរសៀលថ្ងៃទី១៦ មិនមានបាឡុងរបស់ក្រុមហ៊ុនសុខា អូតែលដាច់ខ្សែដូចដែលមានពាក្យជា ចចាមអារ៉ាមនោះឡើយ។

លោក វរសេនីយ៍សំ រស្មីបាននិយាយឱ្យដឹងទៀតថា ពាក្យចចាមអារ៉ាមដែលថា បាឡុងនៅមុខប្រាសាទអង្គរវត្ដ ហោះទៅបាត់ គឺខាងអង្គភាពនគរបាលទេសចរណ៍បានដឹងដែរ ប៉ុន្ដែខាងអង្គភាពបានបញ្ជូនកំលាំងទៅធ្វើការស្រាវជ្រាវ ហើយបញ្ជាក់យ៉ាងច្បាស់ថា បាឡុងនៅមុខនាគ(ប្រាសាទអងរវត្ដ)គឺមិនបានដាច់ដូចពាក្យ ចចាមអារ៉ាមនោះទេ។

លោកប្រធានអង្គភាពនគរបាលទេសចរណ៏បាន និយាយទៀតថា បាឡុងដែលគេឃើញហោះកាត់ខេត្ដសៀមរាបគឺ ជាបាឡុងរបស់ក្រុមហ៊ុនឯកជនផ្សេងមួយទៀតដែលមានការហោះជាញឹកញាប់កាត់ ក្រុងសៀមរាប។ បាឡុងនោះគឺមានទី តាំងស្ថិតនៅផ្លូវ៦០ម៉ែត្រ ដែលជាបាឡុងប្រើដោយហ្គាស។

បាឡុងដែលគេឃើញហោះ នៅពេលនោះគឺជាបាឡុងពណ៌ស និងមានផ្ទុះមនុស្សមួយចំនួនផងដែរនៅផ្នែកកន្ដ្រក យោងផ្នែកខាងក្រោម។ នឹងនៅជាប់បាឡុងគេសរសេរភាសាអង់គ្លេសដាក់ថា Cambodia Angkor ដែលមិនមែនជាបា ឡុងរបស់ក្រុមហ៊ុនសុខា អូតែលមានពណ៌លឿងឡើយ៕

Monday, November 12, 2012

បីចំណុច ដែលកំណត់ថាសង្សារអ្នក ជាមនុស្សស្រឡាញ់អ្នកពិតប្រាកដ

យល់ដឹង៖ តាមការអោយដឹងពីក្រុមអ្នកសិក្សាអំពីចិត្ដវិទ្យា នៃសហរដ្ឋអាមេរិក កាលពីពេល
ថ្មីៗនេះថា មនុស្សប្រុស ស្រីទាំងអស់ ពេលដែលស្រឡាញ់គ្នាដំបូងគឺតែងតែចង់ថ្នាក់ថ្មម
និងនៅក្បែរគ្នា ដោយមិនចង់អោយអ្នកណាម្នាក់ ចូលមករំខានឡើយ។

ជាមួយគ្នានេះដែរ ពួកគេក៏តែងតែចង់ស្វែងយល់ចិត្ដគ្នា អោយកាន់តែស៊ីជម្រៅផងដែរ។ ជា
ពិសេស គឺមនុស្សប្រុស ដែលតែចង់ដឹង និងថាតើអ្នកដែលខ្លួនស្រឡាញ់ បានដាក់ចិត្ដស្រ
ឡាញ់ខ្លួនស្មោះឬនៅ? ទៅបីជាយ៉ាងណាក៏ដោយ នេះគឺជាបីចំណុចដែល អ្នកអាចយល់ថា
គូរស្នេហ៍របស់អ្នក ប្រហែលអាចជាមនុស្សស្រាឡាញ់អ្នកពិតប្រាកដ។

១. គិតអ្វីដែលជាផលចំណេញទាំងសងខាង
ប្រសិនបើនារីនោះ ស្រឡាញ់យើងពិតបា្រកដមែន ពេលធើ្វអ្វីក៏ដោយ គឺនាងតែងតែចង់
ទទួលបានភាពស្មើៗគា្ន ពោលគឺមិនចង់បានរបស់របរយើងដោយស្រួលៗទេ ដូចជាលុយ
ឡានឬក៏សម្លៀកបំពាក់ ស្បែកជើង ដោយត្រូវអោយជើងចំណាយរហូតនោះទេ។ នាងគឺ
ជាមនុស្សស្រី ដែលមិនចង់បាននេះ ចង់បាននោះ ចង់ញាំនេះ ចង់ញាំនោះ ហើយអោយ
យើងជាអ្នកចំណាយលុយទេ។ ផ្ទុយទៅវិញ នាងតែងតែ ជាមនុស្សអោយយើងខំរៀនសូត្រ
ធ្វើការ និងសន្សំប្រាក់កាសទៀតផង។

២. ចិត្ដសប្បុរសសធម៌ និងការអាណិត
មនុស្សស្រីដែលមានចិត្ដមេត្ដា និងការអាណិត ចំពោះយើង ឬឪពុកម្ដាយរបស់យើង គឺជា
មនុស្សស្រី ដែលកម្រនឹងមានដែរ។ លើសពីនេះ នាងជាមនស្សដែលតែងតែហ៊ានជួយ
យើងមុនគេ នៅពេលដែលយើង ជាមនុស្សត្រូវបរាជ័យពីរឿងអ្វីមួយ។ មិនតែប៉ុណ្ណោះនាង
ក៏គួរតែជាមនុស្ស ដែលចេះជួយមនុស្សទន់ខ្សោយ អន់អោន និងសណ្ដោសដល់អ្នកដ៏ទៃ
ផងដែរ។
៣. លួចថើបយើងដោយមិនដឹងខ្លួន
តាមការបង្ហាញរបស់លោក Roger Dave សាស្រ្ដាចារ្យសាកលវិទ្យាល័យ Cornell សហរដ្ឋ
អាមេរិក បានបង្ហាញថា ស្រ្ដីដែលលួចថើបយើង នៅពេលរូមដំណើរជាមួយគ្នា ឬកំពុងធ្វើអ្វី
ផ្សេង ដូចជាពិភាក្សារឿងរៀនសូត្រ នោះអាចបញ្ចាក់ថា ស្រ្ដីនោះបាននឹងកំពុងផ្ដល់ សេចក្ដី
ស្រឡាញ់របស់ខ្លួន មកលើយើងទាំងស្រុងហើយ។

Sunday, November 11, 2012

ប្រទះឃើញ ពោះថ្លាន់មួយក្បាល ទម្ងន់ជាង ១៥គីឡូក្រាម នៅមុខបូរីពិភពថ្មី

ភ្នំពេញៈ ពោះថ្លាន់មួយក្បាលទម្ងន់ជាង ១៥គីឡូក្រាម ត្រូវបានសន្ដិសុខបូរីពិភពថ្មី ប្រទះឃើញនៅក្នុង ស្មៅមុខបុរីពិភព ហាក់អល់អែកមិនហ៊ានវារទៅណា បង្កឲ្យភ្ញាក់ផ្អើលវេលាម៉ោង ៧ និង១៥នាទីយប់ ថ្ងៃទី១០ ខែវិច្ចិកា ឆ្នាំ ២០១២ នៅពីមុខសួនស្មៅបូរីពិភពថ្មី ស្ថិតតាមបណ្ដោយផ្លូវឧកញ៉ាម៉ុងឫទ្ថី ភូមិ បាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
លោក អ៊ុក រ៉ាវី សន្ដិសុខបូរីពិភពថ្មី ដែលបានឃើញពោះថ្លាន់នោះបានឲ្យដឹងថា «ខ្ញុំកំពុងយាមស្រាប់ តែឃើញពោះមួយនេះវារមក ហើយមានការភ្ញាក់ផ្អើល ក៏ហៅគ្នីគ្នាមកមើល ប៉ុន្ដែរឿងដែលចម្លែកពោះ ដ៏ធំមួយក្បាលនេះមិនព្រមវារទៅណាទេ ហើយចេះតែងក់ក្បាលរហូត»។ ក្រោយការឧទ្ទិស និងបួង សួងតាមជំនឿរបស់ពលរដ្ឋខ្មែររួចហើយ ទោះបីជាប្រជាពលរដ្ឋនាំគ្នាដេញវា ក៏វាមិនព្រមវារទៅណា ដែរ។
ក្រោយពេលឃើញវាមិនព្រមវារទៅណានោះ ម្ចាស់បូរីពិភពថ្មីសម្រេចឲ្យទាក់ទងទៅអង្គភាពអភិរក្ស សត្វ ដើម្បីជួយសង្គ្រោះ។ ក្រោយពីការពិនិត្យពោះថ្លាន់មួយក្បាលនេះ មានទម្ងន់ប្រមាណជា ១៥គីឡូ ក្រាម មានប្រវែងមួយម៉ែត្រកន្លះ ហើយពោះនោះទំនងវាចេញពីបឹងពោងពាយ បន្ទាប់ពីបឹងប្រវត្ដិសាស្ដ្រ មួយនេះ ត្រូវគេចាក់លុបស្ទើរទាំងស្រុងទៅហើយនោះ៕

អ្នកជំនាញ បកស្រាយថា ពាក្យចចាមអារ៉ាម មានបាតុភូតងងឹតបី យប់ជាប់គ្នា ជាការប្រឌិត របស់អ្នកវិទ្យាសាស្ត្រ

បន្ទាប់ពីមានព័ត៌មាន ជាពាក្យចចាមអារ៉ាមថា អង្គការណាសាបានរកឃើញថា នឹងមានបាតុភូតងងឹតបីថ្ងៃជាប់គ្នា គឺចាប់ពីថ្ងៃទី២៣ដល់ថ្ងៃទី២៥ ខែធ្នូ ឆ្នាំ២០១២ខាងមុខនេះ អង្គការណាសា បានចេញមុខ មកបកស្រាយបញ្ហានេះថា វាមិនមែនជាការពិតនោះទេ។
អង្គការដែលមានជំនាញផ្នែកលំហអាកាសកំពូលមួយនេះបានលើកឡើងថា ព័ត៌មាននេះ មិនមែនជា ការពិតនោះទេ វាជាការប្រឌិតរបស់អ្នកវិទ្យាសាស្ត្រ ដែលពុំមានលក្ខណៈច្បាស់លាស់។ កាលពីមុន មានការលើកឡើងថា បាតុភូតងងឹតផែនដីទាំងមូលនឹងកើតមានឡើង ក្នុងអំឡុងថ្ងៃទី២៣ ដល់ថ្ងៃទី ២៥ ខែធ្នូ ឆ្នាំ២០១២ខាងមុខ។ ព័ត៌មានប្រឌិតនេះ បានបន្ថែមថា វាមិនមែនថ្ងៃចុងក្រោយរបស់ផែន ដីនោះទេ តែវាជាពេលមួយដែលព្រះអាទិត្យ និងផែនដី ស្ថិតនៅក្នុងជួរតែមួយ ជាលើកដំបូងជាហេតុនាំ ឲ្យផែនដីមិនអាចទទួលយកពន្លឺរបស់ព្រះអាទិត្យទាំងស្រុងតែម្តង។
តាមការបកស្រាយបានបញ្ជាក់ថា ការពិតពាក្យថាស្របគ្នាក្នុងពេលនេះ មានន័យថា ព្រះអាទិត្យ នឹងស្ថិតនៅស្របគ្នានឹងចំណុចកណ្តាល នៃចក្រវាឡ ឬហៅថា ហ្គាឡាក់ស៊ី នៅថ្ងៃទី២១ ខែធ្នូ ឆ្នាំ២០១២ខាងមុខ។ ចំពោះបាតុភូតនេះ ប្រាកដជាកើតមានឡើងពិតប្រាកដមែន ហើយវាតែងតែកើតមានជារៀងរាល់ឆ្នាំក្នុងពេលវេលាប្រហាក់ប្រហែលគ្នា។ ប៉ុន្តែបញ្ហានេះ ពុំមានបង្កជាបញ្ហាអ្វីដល់ផែនដីរបស់យើងនោះទេ មិនថាជារឿងអាក្រក់ ឬរឿងគួរឲ្យភ្ញាក់ផ្អើលនោះទេ។ ចំណុចកណ្តាលនៃហ្គាឡាក់ស៊ីស្ថិតនៅ ចម្ងាយប្រមាណជា ២៨ពាន់ឆ្នាំពន្លឺ ដែលស្មើនឹង ១៦៥.០០០សែនកោដម៉ាយ៍ឯណោះ។
សំណួរសួរថា តើនឹងមានអ្វីកើតឡើងក្នុងឆ្នាំ២០១២នេះ នៅមិនទាន់មានចម្លើយណាមួយទាក់ទងនឹង បញ្ហានេះ នៅឡើយទេ៕

Saturday, November 10, 2012

ប្រទះឃើញ ត្រីរាជ ទម្ងន់ ២២០ គីឡូក្រាមងាប់ អណ្ដែតទឹក នៅសង្កាត់ ច្រាំងចំរេះទី១

ភ្នំពេញ ៖ ត្រីរាជ ទម្ងន់ ២២០ គីឡូក្រាម ត្រូវបានអ្នកនេសាទ និងប្រជាពលរដ្ឋ នៅសង្កាត់ច្រាំងចំរេះទី១ ខណ្ឌ ឫស្សីកែវ ប្រទះឃើញងាប់អណ្ដែតទឹក កាលពី វេលាម៉ោង ១០និង៥០នាទី យប់ថ្ងៃទី ៩ ខែវិច្ឆិកា ឆ្នាំ២០១២ បន្ទាប់ពីជាប់ដាយលេខ ៤ សេ ។
ប្រភពព័ត៌មាន ពីអាជ្ញាធរមូលដ្ឋាន បានឱ្យដឹងថា បន្ទាប់ពីប្រទះឃើញត្រីរាជ ងាប់អណ្ដែតទឹកហើយ ខាងអាជ្ញាធរមូលដ្ឋាន បានរាយការណ៍ជូនមន្ដ្រីជលផល ដើម្បី យកទៅពិនិត្យមើល ពីត្រី រាជ ដែលមានទម្ងន់ធ្ងន់មួយនេះ៕