ខេត្តកំពង់ចាម ៖
ទីបំផុតទៅក្រុមកម្មករកាត់ដេររោងចក្រមេនហាតធេន ជាង១.០០០នាក់
ដែលមានទីតាំងស្ថិតនៅក្នុងភូមិអម្ពិល ឃុំអម្ពិល ស្រុកកំពង់សៀម
ខេត្តកំពង់ចាម
បាននាំគា្នចាប់ផ្តើមប្រើអំពើហិង្សាដោយយកដុំថ្មធំៗ
និងគល់ឈើបិទផ្លូវជាតិលេខ៧
ទាំងស្រុងហើយ កាលពីវេលាម៉ោង១០ព្រឹកថ្ងៃទី២៣
កុម្ភៈនេះ បន្ទាប់ពីការចរចារគ្នាជាង១ម៉ោង រវាងតំណាងកម្មករនិងរោងចក្រ
នៅតែពុំឯកភាពគ្នានោះហើយបន្តិចក្រោយមក
មានការគប់ទៅលើអគាររោងចក្រ បណ្តាលឱ្យបែកកញ្ចក់
និងមានភ្លើងឆេះគុម្ពោតព្រៃស្មៅក្នុងបរិវេណក្បែរអគារបង្ក
ឱ្យមានការភ្ញាក់ផ្អើល និងព្រួយបារម្ភយ៉ាងខ្លាំង ។
គួរបញ្ជាក់ថា ចាប់តំាងពីវេលាម៉ោងជាង៦ព្រឹកថ្ងៃទី២៣
កម្ភៈនេះ ក្រុមកម្មករកាត់ដេររោងចក្រមេនហាតធេនជាង១.០០០នាក់
បានជួបជុំគ្នាបន្តធ្វើកូដកម្មដោយដុតកង់ឡាននៅលើផ្លូវ
ជាតិមុខរោងចក្រប្រយោជន៍ដើម្បីទាមទារឱ្យមានដំណោះស្រាយលក្ខ
ខណ្ឌការងារ១២ចំណុច ។
បន្ទាប់ពីមានការដុតកង់ឡានតំណាងរោងចក្រ
បានចាត់អោយតំណាងកម្មករចូលទៅក្នុងរោងចក្រ ដើម្បីធ្វើការដោះស្រាយ
ប៉ុន្តែការចរចាជាង១ម៉ោង
គឺពុំទទួលបានលទ្ឋផលអ្វីទាំងអស់ទើបកម្មករសម្រេចនំាគ្នាបិទផ្លូវជាតិលេខ៧ ។
គួររំលឹកថា កាលពីព្រឹកថ្ងៃទី២០ កុម្ភៈ ២០១២
កម្មករ-កម្មការិនីប្រមាណ១.២០០នាក់
បានប្រមូលផ្តុំគ្នានៅខាងមុខរោងចក្រកាត់ដេរសម្លៀកបំពាក់មេនហាតធេន
ស្ថិតនៅភូមិអម្ពិលលើ ឃុំអម្ពិល ស្រុកកំពង់សៀម
ធ្វើកូដកម្មដើម្បីទាមទារសិទ្ធិស្របច្បាប់ចំនួន១២ចំណុច
ក្នុងនោះសុំឲ្យកម្មករដែលបម្រើការងារចាប់ពី២ឆ្នាំឡើង
ទៅជាកម្មករពេញសិទ្ធិលែងជាកម្មករបណ្តែត ។
ម៉្យាងទៀតអ្នកដែលត្រូវបញ្ចប់កិច្ចសន្យា
សូមឲ្យបានទទួលប្រាក់ឧបត្ថម្ភចំនួន១៥ភាគរយតាមច្បាប់ការងារ...។
តាមលោកចន ធាង
ប្រធានសហជីពសេរីកម្មករនៃព្រះរាជាណាចក្រកម្ពុជា
ប្រចាំនៅរោងចក្រមេនហាតធេន បានប្រាប់ឲ្យដឹងថា ដោយសារតែថៅកែក្រុមហ៊ុន
មិនព្រមគោរពច្បាប់ការងារ ទើបកម្មករ-កម្មការិនីដែលមានគ្នាជាង១.២០០នាក់
ប្រមូលផ្តុំគ្នាយ៉ាងកកកុញនៅមុខរោងចក្រ
ក្នុងគោលបំណងទាមទារឲ្យក្រុមហ៊ុនយកច្បាប់ការងារមកអនុវត្តដែលការទាមទារ
រួមមាន១២ចំណុច ។
ព័ត៌មានលម្អិតនឹងផ្សាយជូននៅពេលក្រោយ
នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព 87.75
ភ្នំពេញ, 87.5 បាត់ដំបង ៕(kohsantepheap)
