ទីភ្នាក់ងារព័ត៌មានបរទេសផ្សាយឱ្យដឹងថាចំនួន
កូនក្រមុំឥណ្ឌាដែលបានស្លាប់
ដោយសារមិនអាចរកបណ្ណាការឱ្យកូនកំលោះមានចំនួនកើនឡើង ។
កាលពីឆ្នាំ២០១០ មានកូនក្រមុំចំនួន៨.៣៩១ នាក់
ស្លាប់ដោយឡែកកាលពីឆ្នាំ២០០៧ មានចំនួន៨.០៩៣នាក់ ។
របាយការណ៍បានបញ្ជាក់ថា ទោះបីជាបច្ចុប្បន្ន
ច្បាប់របស់ឥណ្ឌាហាមស្ត្រីបង់បណ្ណាការដើម្បីរៀបការជាមួយនឹង
កូនកំលោះ ប៉ុន្តែលក្ខណៈប្រពៃណី និងទំនៀមទម្លាប់នេះ
នៅតែដក់ជាប់នៅឥណ្ឌា
ដោយក្រុមគ្រួសារកូនកំលោះតែងតែលោភលន់ចង់បានជំនូនរបស់ភាគីខាង
ស្រី ឬត្រូវការលក់កូនកំលោះ ដោយត្រូវការប្រាក់
និងរបស់ទ្រព្យផ្សេងទៀតពីស្ត្រី ។
លទ្ធផលបានបង្ហាញថា
ប្រសិនបើកូនក្រមុំមិនអាចរកបណ្ណាការមកឱ្យកូនកំលោះបានទេ
ក្រុមគ្រួសារកូនកំលោះនឹងបង្ខំកូនក្រមុំត្រូវស្លៀកសម្លៀក
បំពាក់ជ្រលក់នឹងប្រេង និងដុតខ្លួនទាំងរស់
ហើយមានកូនក្រមុំជាច្រើននាក់ត្រូវដុតទាំងរស់ដោយគ្មានរបាយ
ការណ៍បញ្ជាក់ពីប៉ូលិស ។ ក្រៅពីនេះ
រឿងក្តីខាងលើនៅមានជាច្រើនទៀត
ដែលតុលាការឥណ្ឌាមិនបានពិចារណា
រួមទាំងប្តឹងទៅឧទ្ធរណ៍ធ្វើឱ្យក្រុមគ្រួសារកូនកំលោះរួចផុតពី
ទុក្ខទោស ។ កាលពីមុននេះតុលាការឥណ្ឌាធ្លាប់ប្រកាសថា
គ្មានការអនុគ្រោះចំពោះបុគ្គលដែលពាក់ព័ន្ធនឹងការដុតខ្លួន
ទាំងរស់នេះឡើយ ៕
