បណ្ដាលឱ្យយុវជន៣នាក់រួមជា មួយនិងម៉ូតូ១គ្រឿងបានផ្លោងទៅមុខចំងាយ ប្រហែល៣០ម៉ែត្រ ហើយធ្លាក់ បោកលើថ្នល់សន្លប់ស្ដូកស្ដឹងនៅក្នុងថ្លុកឈាមដោយសារតែរថយន្ដ១ គ្រឿងបានបុកចំពេញទំហឹង ។ បន្ទាប់ពីកើតហេតុ នេះភ្លាមរថយន្ដបង្កហេតុបានព្យាយាម បើកគេចខ្លួនអស់រយៈពេលប្រហែល១ ម៉ោងទើបសមត្ថកិច្ចឃាត់បាន ។
ជនរងគ្រោះទាំង៣ ទី១-ឈ្មោះគា ភិន អាយុ២០ឆ្នាំ 9ជាអ្នកបើកបរម៉ូតូប ទី២ ឈ្មោះថេង ចំរើន អាយុ១៩ឆ្នាំ (អ្នកជិះ ក្រោយ) និងទី៣-ឈ្មោះប៊ូ អាយុប្រហែល ជាង២០ឆ្នាំ (អ្នកជិះក្រោយ) អ្នកទាំង ៣មានទីលំនៅភូមិថ្នល់បែក ឃុំស្វាយ ទាប ស្រុកចំការលើ ខេត្ដកំពង់ចាម ។
ក្រុមគ្រួសារជនរងគ្រោះ បានឱ្យដឹងថា មុនពេលកើតហេតុជនរងគ្រោះ២នាក់ គឺឈ្មោះគា ភិន និងឈ្មោះប៊ូ បានជិះម៉ូតូ ម៉ាក្សឡ១គ្រឿងឌុបគ្នាចេញពីផ្ទះឆ្ពោះ មកក្រុងកំពង់ចាមដើម្បីចូលរួមកម្មវិធីអាពាហ៍ពិពាហ៍មិត្ដដើម្បី ចាត់ការតាម ច្បាប់ ។ លុះដល់វេលាយប់បន្ទាប់ពីកម្ម វិធីចប់ជនរងគ្រោះទាំង២បានទៅបបួល មិត្ដភក្ដិម្នាក់ទៀតឈ្មោះ ថេង ចំរើន ដែល បានមករៀនធ្វើជាងជួសជុលម៉ូតូនៅក្រុង កំពង់ចាមក្នុងគោលបំណងជិះម៉ូតូដើរ លេងក្នុងក្រុងក៏ជួបគ្រោះថ្នាក់ចរាចរនេះ តែម្ដង ។
ចំណែកសាក្សីនៅកន្លែងកើតហេតុក៏ បានឱ្យដឹងដែរថា ជនរងគ្រោះបានជិះ ម៉ូតូម៉ាក SL ១គ្រឿងឌុបគ្នា៣នាក់ ក្នុង ទិសដៅពីកើតទៅលិចចំណែករថយន្ដ ម៉ាក FORD RANGER ព៌ណទឹកប្រាក់ ពាក់ស្លាកលេខភ្នំពេញ 2 I 7749 បើក ពីជើងទៅត្បូងក្នុងល្បឿនយ៉ាង លឿនដូច ហោះ ។ នៅពេលមកដល់កន្លែងកើត ហេតុត្រង់ចំណុចកណ្ដាលផ្លូវបំបែកជា បួនសួនច្បារផ្លូវភ្លោះរថយន្ដបានបុកម៉ូតូដែលកំពុងបើកឆ្លងកាត់ ផ្លូវបំបែកក្នុង ល្បឿនលឿនដូចគ្នាចំពេញមួយទំហឹង បណ្ដាលឱ្យម៉ូតូ និងជនរងគ្រោះផ្លោងទៅ មុខរថយន្ដប្រហែលជាង២០ម៉ែត្រសន្លប់ស្ដូកស្ដឹងក្នុងថ្លុកឈាម ។
ចំណែករថយន្ដ បានដាច់កាងមុខជាមួយនឹងស្លាកលេខ ធ្លាក់នៅកន្លែងកើតហេតុ ហើយភ្លាមៗ នោះរថយន្ដបានបង្កើនល្បឿនទៅមុខ បើកគេចខ្លួនបាត់រហូតអស់រយៈពេល ប្រហែល១ម៉ោងទើបសមត្ថកិច្ចតាមឃាត់ បាននៅចំណុចឃុំកៀនជ្រៃ ស្រុកកំពង់ សៀមដែលមានចំងាយប្រហែល១០គីឡូម៉ែត្រពីកន្លែងកើតហេតុ ។ សមត្ថកិច្ច បានឱ្យដឹងថា អ្នកបើកបររថយន្ដមាន ឈ្មោះឈីន ភារុណ ភេទប្រុស អាយុ២៣ឆ្នាំ មានទីលំនៅភូមិពង្រ ឃុំរកាគយ ស្រុក កងមាស ខេត្ដកំពង់ចាមត្រូវឃាត់ខ្លួន ជាមួយរថយន្ដបញ្ជូនមកកាន់អធិការដ្ឋាននគរបាលក្រុងកំពង់ចាមដើម្បី ចាត់ការ តាមច្បាប់ ។
ពាក់ព័ន្ធនឹងករណីគ្រោះថ្នាក់ ចរាចរ ខាងលើនេះផងដែរ លោកសំផាត អធិការ នគរបាលក្រុងកំពង់ចាមបានឱ្យដឹងនៅ វេលាព្រឹកថ្ងៃទី២៥ កុម្ភៈថា ករណីនេះ សមត្ថកិច្ចពុំទាន់ ដឹងថាភាគីខាងណាខុស ត្រូវនៅឡើយទេ ព្រោះសមត្ថកិច្ចកំពុង ធ្វើការត្រួតពិនិត្យហើយជនរងគ្រោះកំពុងសម្រាកព្យាបាលនៅឡើយ ៕(nokorwat)
