យោងតាមសម្តីបុរសវៀតណាមឈ្មោះកៅ វ៉ាន់ថាន់
អាយុ៤៤ឆ្នាំ មានស្រុកកំណើតនៅសៃហ្កន ប្រទេសវៀតណាម
បច្ចុប្បន្នស្នាក់នៅកន្លែងកើតហេតុបានប្រាប់សមត្ថកិច្ចថា
ខ្លួនពុំបានដឹងរឿងអ្វីសោះ
ស្រាប់តែស្ត្រីម្នាក់នេះមិនដឹងជាខឹងរឿងអ្វីក៏មកវាយ
ខ្លួនដល់បន្ទប់ បណ្តាលឱ្យបែកក្បាលហូរឈាមតែម្តង ។
សាក្សីជាច្រើននាក់នៅកន្លែងកើតហេតុបានឱ្យដឹងថា
កាលពីវេលាម៉ោង២ និង៣០នាទីរំលងអធ្រាត្រឈានចូលថ្ងៃទី២២
កុម្ភៈគេឃើញបុរសវៀតណាមឈ្មោះកៅ វ៉ាន់ថាន់
បានផឹកស្រាស្រវឹងអួទីនួ
រួចបម្រុងចូលក្នុងបន្ទប់របស់ស្ត្រីឈ្មោះស៊ឹម សារ៉េត
អាយុជាង២០ឆ្នាំ ជាស្ត្រីមេម៉ាយដែលស្នាក់នៅបន្ទប់ជួលជិតគ្នា
តែស្ត្រីខាងលើមិនឱ្យចូលហើយបុរសរូបនេះ នៅតែចចេសចូល
ប៉ុន្តែពុំបានធ្វើអ្វីលើស្ត្រីរូបនេះទេ
គ្រាន់តែនិយាយពាក្យច្រំដែលរបៀបអ្នកស្រវឹងប៉ុណ្ណោះ។
ប៉ុន្តែក្រោយពេលបុរសនោះចេញផុតពីបន្ទប់
អ្នកដែលស្នាក់នៅផ្ទះជួលបន្ទប់ជាប់ៗគ្នាបានបាត់ស្បែក
ជើងអស់៧គូ ។
លុះព្រឹកឡើងអ្នកបាត់ស្បែកជើងទាំងអស់
រួមទាំងស្រ្តីខាងលើបាននាំគ្នាទៅសួរនាំបុរសវៀតណាមរូបនោះ ។
ដោយស្ត្រីឈ្មោះស៊ឹម សារ៉េត ជាអ្នកឡើងទៅសួរ ។
មួយសន្ទុះក្រោយមក
ក៏ស្រាប់តែកើតមានអំពើហិង្សារហូតម្ចាស់ផ្ទះជួលប្តឹងនគរបាល
ចាប់ខ្លួននាំទៅប៉ុស្តិ៍ដើម្បីសាកសួរតែម្តង ៕
