InMobi ដែលជាបណ្តាញ ក្រុមហ៊ុនផ្សព្វផ្សាយ ទូរស័ព្ទឯករាជធំជាងគេ កាលពីថ្ងៃសុក្រ ទី២៤ ខែកុម្ភៈ បានប្រកាសលទ្ធផល ក្នុងខែមករា ឆ្នាំ២០១២ នេះថា បន្ទាប់ពីទូរស័ព្ទ iPhone 4S បង្ហាញខ្លួន បានធ្វើឲ្យប្រព័ន្ធ iOS របស់ Apple ទទួលបានពិន្ទុយ៉ាងខ្ពស់រហូត ដល់១២ ឈ្នះ ប្រព័ន្ធប្រតិបត្តិការ Android របស់ Google នៅ អាមេរិកខាងជើង ។
Apple បានគ្រប់ដណ្តប់ទីផ្សារ ២៣,២ភាគរយ កាលពីខែតុលា ឆ្នាំ២០១១
ហើយបានបន្តកើនឡើងដល់ ៣៥,៣ភាគរយ ក្នុងខែមករា ជាមួយគ្នានេះ ប្រព័ន្ធ Android បានបាត់បង់ទីផ្សារអស់ ៣,២ភាគរយ ដោយនៅត្រឹម ៣២,៧ភាគរយ ក្នុងខែមករានេះ។ ចំណែកប្រព័ន្ធប្រតិបត្តិការ របស់ទូរស័ព្ទ BlackBerry វិញ បានធ្លាក់អស់ ៨,៩ភាគរយ ចាប់ពីខែតុលាដល់ខែមករា ដោយរក្សាបានទីផ្សារ ១១,៦ភាគរយ ។
លោក Anne Frisbie អនុប្រធាន និងអ្នកចាត់ការនៅក្នុងក្រុមហ៊ុន InMobi នៅអាមេរិកខាងជើង បាននិយាយថា ប្រព័ន្ធ iOS បានកើនយ៉ាងខ្លាំងនេះ ដោយសារតែ អតិថិជន និយមប្រើប្រាស់ iPhone 4S និង iPad ។ សរុបមក យើងពិតជាមានភាពរំភើបយ៉ាងខ្លាំង ដោយឃើញថា ក្រុមហ៊ុន InMobi បានចេញរបាយការណ៍បញ្ជាក់ថា ការប្រើប្រាស់នូវប្រព័ន្ធ iOS មានរហូតដល់ចំនួន ៥៥ពាន់លាន នៅអាមេរិកខាងជើង ហើយហេតុនេះ Apple ប្តេជ្ញាថា នឹងបន្តភាពជោគជ័យនេះ បន្តទៅទៀត ក្នុងដំណាច់ឆ្នាំ២០១២ ៕(dapnews)
