គ្រោះថ្នាក់ចរាចរណ៍នេះកើតឡើងនៅលើវិថីសហព័ន្ធរុស្ស៊ីកែង ផ្លូវលេខ២០០៤ ស្ថិតក្នុងភូមិតាងួន សង្កាត់កាកាប ខណ្ឌពោធិ៍សែនជ័យ កាលពីវេលាម៉ោង១១និង៣០នាទីយប់ ថ្ងៃទី២៥ កុម្ភៈ ។
ជនរងគ្រោះឈ្មោះពត ប៊ុនណាក់ ភេទប្រុស
អាយុ២៧ឆ្នាំ ជាអ្នកចិញ្ចឹមត្រី ស្នាក់នៅភូមិល្វាឯក ស្រុកល្វាឯម
ខេត្ដកណ្ដាល បានបង្ហើបប្រាប់ឱ្យដឹងថា
មុនពេលកើតហេតុខ្លួនបានជិះម៉ូតូម៉ាកអាយខុន ពណ៌ត្រួយចេកលាយស
ត្រឡប់មកពីការបងប្អូននៅភូមិតាងួន សង្កាត់កាកាប
ខណ្ឌពោធិ៍សែនជ័យ តាមវិថីសហព័ន្ធរុស្ស៊ីពីលិចទៅកើត
ខណៈមកដល់កែងផ្លូវលេខ២០០៤
ស្រាប់តែមានរថយន្ដកាមរីឆ្លាមមួយគ្រឿង បើកចេញពីផ្លូវ២០០៤
មកកៀរម៉ូតូរបស់ខ្លួនប៉ះនឹងកញ្ចក់រថយន្ដដាច់ស្លឹកត្រចៀក
ឆ្វេង និងសើស្បែកលលាដ៍ក្បាលតែម្តង ។
ប្រភពដដែលបន្ដទៀតថា បន្ទាប់ពីនបង្កហេតុ
ហើយរថយន្ដបង្កបានបើករត់គេចទៅបាត់នៅសល់តែជនរងគ្រោះនិង
ម៉ូតូដួលច្រងាប់ច្រងិលម្នាក់ឯង។
ជនរងគ្រោះត្រូវមិត្ដភក្ដិដឹកទៅព្យាបាលនៅមន្ទីរពេទ្យព្រះកុសុមៈ ៕(KOH)
