ខេត្តកំពង់ចាម ៖
រថយន្តកាមរីមួយគ្រឿងស៊េរី១៩៩០ កំពុងតែបើកបរនៅលើផ្លូវជាតិលេខ៧
ត្រង់ផ្លូវឡើងទួលនៅភូមិហួចលិច ឃុំក្រែក ស្រុកពញាក្រែក កាលពីវេលាម៉ោង៤
និង១០នាទីរសៀលថ្ងៃទី២៥ កុម្ភៈ
ឆ្នាំ២០១២
ស្រាប់តែទុស្សេចរន្តភ្លើងបណ្តាលឲ្យឆាបឆេះសន្ធោសន្ធៅមានផ្សែងហុយ
ទ្រលោម
ព្រមទាំងធ្វើឲ្យម្ចាស់រថយន្តភ័យស្លន់ស្លោបើកទ្វារចុះស្ទើរតែពុំ
ទាន់ ។ រថយន្តនោះខូចខាតសល់តែគ្រោងឆ្អឹងប៉ុណ្ណោះ ។
លោកវរសេនីយ៍ត្រី ប្រាក់ ប៊ុនណុន
អធិការនគរបាលស្រុកពញាក្រែកប្រាប់កោះសន្តិភាពថា
រថយន្តកាមរីនោះបើកពីលិចទៅកើតដោយមានបុរសចំនួន៤នាក់ជិះ ។
ពេលបើកដល់ភូមិហួចលិច ស្រាប់តែភ្លើងឆេះ
និងមានផ្សែងហុយចេញពីម៉ាស៊ីន ។ ឃើញបែបនោះ
អ្នកបើករថយន្តបានបើកអែបចិញ្ចើមថ្នល់
ហើយភ្លើងកាន់តែឆេះខ្លាំងឡើងៗ ។
លោកអធិការនគរបាលស្រុកបន្តថា
ពេលភ្លើងកំពុងតែឆាបឆេះរថយន្ត
អ្នកធ្វើដំណើរនាំគ្នាឈប់មើលពីចម្ងាយរាប់សិបនាក់ដោយមិនអាចចូលជិត
បានទេ ព្រោះកំដៅភ្លើងក្តៅខ្លាំងណាស់។
ពេលមានមនុស្សម្នាឈប់មើលកាន់តែច្រើនឡើងៗ
អ្នកបើករថយន្តទូរស័ព្ទហៅមិត្តភក្តិឲ្យបើករថយន្តទៅទទួលខ្លួន
ដឹកត្រឡប់ទៅទិសខាងលិចវិញបាត់ដោយមិនដឹងមានទីលំនៅនៅទីណាទេ ។
ក្នុងពេលរថយន្តកាមរីកំពុងឆេះ នោះប្រជាពលរដ្ឋ
បានទូរស័ព្ទប្រាប់លោកប្រាក់ ប៊ុនណុន
ហើយលោកក៏ចាត់ឲ្យនគរបាលចរាចរទៅជាបន្ទាន់
និងជួយសម្រួលមិនឲ្យកកស្ទះចរាចរណ៍ទេ ។
លោក អធិការនគរបាលស្រុកពញាក្រែក បញ្ជាក់ថា តាមការស្រាវជ្រាវចុងក្រោយដឹងថារថយន្តនោះត្រូវគេសណ្តោងយក ពីស្រុកស្នួល ខេត្តក្រចេះ ទៅជួសជុលនៅក្រុងសួង លុះពេលរួចរាល់ហើយម្ចាស់បើកត្រឡប់ទៅផ្ទះវិញក៏កើតហេតុនោះតែម្តង ។ រហូតមកដល់ម៉ោង១ និង៣០នាទីរសៀលថ្ងៃទី២៦ កុម្ភៈ គេមិនឃើញឃើញម្ចាស់ទៅមើលខ្មោចរថយន្តខ្លួនទេ ទំនងជាទុកចោលហើយ ។ ដើម្បីបញ្ចៀសគ្រោះថ្នាក់ចរាចរណ៍សមត្ថកិច្ចអូសគ្រោងឆ្អឹងរថយន្ត នោះដាក់នៅលើចិញ្ចើមថ្នល់ ៕ (kohsantepheap)
លោក អធិការនគរបាលស្រុកពញាក្រែក បញ្ជាក់ថា តាមការស្រាវជ្រាវចុងក្រោយដឹងថារថយន្តនោះត្រូវគេសណ្តោងយក ពីស្រុកស្នួល ខេត្តក្រចេះ ទៅជួសជុលនៅក្រុងសួង លុះពេលរួចរាល់ហើយម្ចាស់បើកត្រឡប់ទៅផ្ទះវិញក៏កើតហេតុនោះតែម្តង ។ រហូតមកដល់ម៉ោង១ និង៣០នាទីរសៀលថ្ងៃទី២៦ កុម្ភៈ គេមិនឃើញឃើញម្ចាស់ទៅមើលខ្មោចរថយន្តខ្លួនទេ ទំនងជាទុកចោលហើយ ។ ដើម្បីបញ្ចៀសគ្រោះថ្នាក់ចរាចរណ៍សមត្ថកិច្ចអូសគ្រោងឆ្អឹងរថយន្ត នោះដាក់នៅលើចិញ្ចើមថ្នល់ ៕ (kohsantepheap)
