ត្រូវបាញ់ប្រហារទៅលើប្រជាពលរដ្ឋទេ ហើយគោលនយោបាយរបស់រាជរដ្ឋាភិបាលក៏មិនបានឱ្យប៉ូលិសប្រើហិង្សា ដាក់ប្រជាពលរដ្ឋដែរ គឺសម្រាប់តែការពារប្រជាពលរដ្ឋតែប៉ុណ្ណោះ ។
«យើងមានកាតព្វកិច្ចការពារសណ្តាប់ធ្នាប់
សាធារណៈ
តែយើងមិនមានកាតព្វកិច្ចទៅបាញ់ប្រជាពលរដ្ឋនោះទេ។
សូមលោកអភិបាលខេត្តស្តាប់បញ្ហាហ្នឹងឱ្យច្បាស់ បើលោកឯងបាញ់
លោកឯងត្រូវតែទទួលខុសត្រូវ» ។
ការលើកឡើងបែបនេះ
បន្ទាប់ពីមានការបាញ់ឱ្យរបួសធ្ងន់កម្មការិនីរោងចក្រ
៣នាក់ពី សំណាក់ខ្មាន់កាំភ្លើងនាពេលថ្មីៗបំផុតនៅក្រុងបាវិត
បន្ទាប់ពីការបាញ់រះទៅលើប្រជាពលរដ្ឋដែលតវ៉ាពីបញ្ហាដីធ្លី
នៅខេត្តក្រចេះ បណ្តាលឱ្យរបួសធ្ងន់-ស្រាល៤នាក់ ។
លោកឧបនាយករដ្ឋមន្ត្រីមានប្រសាសន៍បញ្ជាក់ថា មុខសញ្ញា
និងអត្តសញ្ញាណអ្នកដែលបានបាញ់ទៅលើក្រុមកម្មការិនីដែលធ្វើកូដកម្មបណ្តាល
ឱ្យមានរបួសធ្ងន់ចំនួន៣នាក់ នៅខេត្តស្វាយរៀងនោះ
ពេលនេះអគ្គស្នងការដ្ឋាននគរបាលជាតិ
និងក្រសួងមហាផ្ទៃកំពុងតាមស៊ើបអង្កេតជាបន្តទៀតដើម្បីឈានទៅចាប់ខ្លួន
ជននោះយកមកផ្តន្ទាទោសទៅតាមច្បាប់ ។
គេកំពុងតែយកបញ្ហានេះធ្វើជាឈ្នាន់ហើយ ត្រូវតែប្រុងប្រយ័ត្ន។
តួនាទីរបស់អាជ្ញាធរត្រូវមានតម្លាភាព
មិនលំអៀងទៅកាន់អ្នកណាម្នាក់នោះទេ ត្រូវតែរកដំណោះស្រាយជូនពួកគេ
ខណៈពេលដែលពួកគេកំពុងមានបញ្ហា
ហើយមិនត្រូវភ្លេចគិតអំពីតួនាទីខ្លួនជាអ្នកការពារប្រជាពលរដ្ឋ
ពេលដែលទទួលសំណូកពីក្រុហ៊ុនទាំងនោះទេ។
លោកឧបនាយករដ្ឋមន្ត្រីបន្តថា
ទាំងគេទាំងយើងឧបមាថា គេបាញ់យើងវិញតើយើងវេទនាយ៉ាងណា
យើងលំបាកយ៉ាងណាក្នុងកំហុសតិចតួចតែដល់ថ្នាក់គេបាញ់នោះ
តើយើងឈឺចាប់ប៉ុណ្ណា? យើងត្រូវប្រៀបធៀបយកមកដាក់ខ្លួនយើងវិញ ។
ដូចជាកាលពីម្សិលមិញ ករណីនេះយើងដឹងហើយ អ្នកណាជាអ្នកបាញ់យើងដឹងរួចហើយ
មានភស្តុតាងហើយ យើងត្រូវតែមានវិធានការជាបន្ទាន់។ ការតវ៉ា
វាជាធម្មតាទេ នៅប្រទេសណាក៏មានដែរ
ប៉ុន្តែការដោះស្រាយរបស់យើងយកចុងកាំភ្លើងទៅដោះ
ស្រាយជាមួយអ្នកដែលអត់កាំភ្លើងសួរថា យើងខុស ឬត្រូវ? ។ ពេលនេះ
កម្លាំងរបស់ក្រសួងមហាផ្ទៃ
និងកម្លាំងអគ្គស្នងការដ្ឋាននគរបាលជាតិកំពុងតែធ្វើការស្រាវជ្រាវ
ដើម្បីចាប់ខ្លួនជនអគតិរូបនេះដែលបានបាញ់ទៅលើហ្វូងកូដករទាំងកំរោលនោះ ។
យើងត្រូវចាត់ទុកថា
យើងជាអាជ្ញាធរយើងត្រូវឈរកណ្តាលក្នុងការដោះស្រាយ
យើងត្រូវការពារផលប្រយោជន៍ទាំងអស់គ្នា ។ បើយើងទៅឃុបឃិតគ្នា
ទៅទារលុយក្រុមហ៊ុន ទៅការពារក្រុមហ៊ុនហើយមកធ្វើបាបប្រជាពលរដ្ឋសួរថា
តើយើងធ្វើជាអាជ្ញាធរបានទេ?
លោកឧបនាយករដ្ឋមន្ត្រីបានអំពាវនាវដល់
អាជ្ញាធរគ្រប់លំដាប់ថ្នាក់ទាំងអស់ ចាប់ពីពេលនេះតទៅ
មិនត្រូវប្រើអាវុធដោះស្រាយបញ្ហារបស់ប្រជាពលរដ្ឋនោះទេ ។
លោកសូមឱ្យមានតម្លាភាពទាំងអស់ បើគ្មានតម្លាភាពទេអស់លោកដោះស្រាយមិនចេញទេ
ហើយគេដឹងពីចំណុចខ្សោយរបស់មន្រ្តីយើងហើយបើគ្មានតម្លាភាព ។ សូមផ្តាំថា
រឿងដែលទៅដោះស្រាយបញ្ហាទាំងអស់នេះ ដាច់ខាតមិនត្រូវប្រើអាវុធ
គឺប្រើដំបងនិងខែល តែដាច់ខាតមិនត្រូវប្រើអាវុធ
នេះជាបទបញ្ជាមួយក្នុងនាមខ្ញុំជារដ្ឋមន្រ្តីក្រសួងមហាផ្ទៃ ។
អ្នកណាអនុញ្ញាតឱ្យប្រើកម្លាំង អ្នកនោះទទួលខុសត្រូវខ្លួនឯង ។
យូរៗទៅប្រើប៉ូលិសទៅបាញ់ប្រជាពលរដ្ឋ សម័យនេះ វាហួសហើយ
មិនមែនសម័យខ្មែរក្រហមទេ គឺសម័យនេះយើងត្រូវតែការពារប្រជាពលរដ្ឋ ។
ព័ត៌មានពីខេត្តស្វាយរៀងតាមសេចក្តីរាយការណ៍
បានឱ្យដឹងថា ស្ថានការណ៍តានតឹងកាលពីថ្ងៃទី២០ កុម្ភៈ
បានធូរស្រាលវិញនៅព្រឹកថ្ងៃទី២១ កុម្ភៈ ។
អង្គប្រជុំជាបន្ទាន់មួយត្រូវបានធ្វើឡើងនៅតំបន់សេដ្ឋកិច្ច
ពិសេសដែលជាតំបន់ប្រមូលផ្តុំដោយរោងចក្រចំនួន១៣
ដោយកិច្ចប្រជុំនេះ ស្ថិតក្រោមអធិបតីភាពលោកវង សូត
រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ
និងមានការចូលរួមពីលោកជៀង អំ អភិបាលខេត្ត តំណាងរោងចក្រ
និងមន្ត្រីសមត្ថកិច្ចដែលពាក់ព័ន្ធទាំងអស់ ។
អ្នកសង្កេតការណ៍បានកត់សម្គាល់ថា
កិច្ចប្រជុំជាបន្ទាន់នេះបានធ្វើឡើងបន្ទាប់ពីការបាញ់មកលើ
ក្រុមកម្មករដែលនាំគ្នាធ្វើបាតុកម្មពីសំណាក់ជនម្នាក់
ដែលស្លៀកពាក់ជាអង្គរក្ស
និងជាមេសន្តិសុខប្រចាំរោងចក្រស្បែកជើងកៅវ៉េ
កាលពីព្រឹកថ្ងៃទី២០ កុម្ភៈ ។
ការបាញ់នោះបណ្តាលឱ្យកម្មការិនី៣នាក់រងរបួសធ្ងន់ ។
តាមប្រភពព័ត៌មានស្តីពីកិច្ចប្រជុំនេះ បានឱ្យដឹងថា
ក្រុមនិយោជកបានប្រកាសឯកភាពទៅតាមការទាមទាររបស់ក្រុម
កម្មករ
ហើយក៏បានប្រកាសឱ្យក្រុមកម្មករទាំងអស់ចូលធ្វើការដូចធម្ម
តាឡើងវិញ នៅថ្ងៃទី២៤ កុម្ភៈ ខាងមុខ ។
ដោយឡែកសម្រាប់អ្នករងរបួស
លោកអភិបាលខេត្តបានជួយឧបត្ថម្ភក្នុងម្នាក់៥០ម៉ឺនរៀល
និងក្រុមហ៊ុនបានសន្យាជួយចេញសោហ៊ុយព្យាបាលទាំងអស់គ្នា
រហូតដល់ជាសះស្បើយ ។
សេចក្តីជូនដំណឹងជាសាធារណៈមួយត្រូវបាន
ប្រកាសតាមវិទ្យុ១០៣ នៅខេត្តស្វាយរៀង
ដែលជាការប្រកាសរបស់ក្រុមហ៊ុនមេនហាតធេន
និងចុះហត្ថលេខាដោយលោកកៅ វីរៈ
គឺជាការផ្តល់ដំណឹងដល់កម្មករ
កម្មការិនីស្តីពីការផ្តល់អត្ថប្រយោជន៍ផ្សេងៗជូនដល់កម្មករ
និយោជិត ។
ខាងក្រោមនេះគឺជាការថតចម្លងសេចក្តីជូនដំណឹងទាំងស្រុង ។
