ចោរឆក់ខ្សែ.ក២នាក់ត្រូវសមត្ថកិច្ច
និងជនរងគ្រោះតាមប្រមាញ់ចាប់បានភ្លាមៗនៅកន្លែងកើតហេតុជាមួយ
នឹងម៉ូតូស៊េរីទំនើប១គ្រឿង
ក្រោយពីពួកគេធ្វើសកម្មភាពឆក់ខ្សែ.កនារីម្នាក់ដែលកំពុងជិះ
ម៉ូតូតាមបណ្ដោយផ្លូវភ្នំពេញ-ហាណូយក្នុងសង្កាត់ភ្នំពេញថ្មី
ខណ្ឌសែនសុខ កាលពីវេលាម៉ោង៤ល្ងាចថ្ងៃទី២២ កុម្ភៈ ឆ្នាំ២០១២។
ជនសង្ស័យដែលនគរបាលវាយខ្នោះដៃនោះ
១-ឈ្មោះហ៊ឹម រតនា ហៅប្លយ ភេទប្រុស អាយុ១៨ឆ្នាំ
ជាសន្ដិសុខឯកជនមួយស្នាក់នៅផ្ទះជួល ផ្លូវលំ ភូមិជម្ពូវ័ន្ដ
សង្កាត់ចោមចៅ ខណ្ឌពោធិ៍សែនជ័យ ។ ២-ឈ្មោះសុខ សុវណ្ណឧត្ដមរង្សី
ហៅអាតួ ភេទប្រុស អាយុ១៨ឆ្នាំ ស្នាក់នៅផ្ទះជួល សង្កាត់បឹងកក់២
ខណ្ឌទួលគោក។ រីឯនារីរងគ្រោះឈ្មោះវ៉ាន់ ចាន់សោភា អាយុ១៨ឆ្នាំ
កម្មការិនីរោងចក្រអេឡិចត្រូនិចស្នាក់នៅផ្ទះលេខ៦ ផ្លូវ២៤៨
ភូមិសែនសុខទី៣ សង្កាត់ឃ្មួញ ខណ្ឌសែនសុខ។
លោកសុខ ប៊ុនឡៃ អធិការរងនគរបាលខណ្ឌសែនសុខ
ទទួលបន្ទុកស្ថិតិបានឱ្យដឹងថា
នៅពេលលោកកំពុងបើករថយន្ដតាមបណ្ដោយផ្លូវភ្នំពេញ-ហាណូយ
ក៏ប្រទះឃើញចោរ២នាក់ជិះម៉ូតូហុងដាឌ្រីមសេ១២៥
ធ្វើសកម្មភាពឆក់ខ្សែ.កស្ដ្រីម្នាក់កំពុងជិះម៉ូតូឪពុកជាអ្នក
ឌុប ។ ឃើញបែបនេះលោកក៏បើករថយន្ដស្ទាក់ ។ ចោរទាំង២ក៏ផ្តួលម៉ូតូ
ហើយបម្រុងរត់គេច
ពេលនេះជនរងគ្រោះនិងប្រជាពលរដ្ឋរួមទាំងរូបលោកផង
ដេញប៉ផាប់ចាប់ពភីងបានទាំង២នាក់តែម្ដង។
ស្ដ្រីជនរងគ្រោះបានឱ្យដឹងថា
នៅវេលាម៉ោង៤ល្ងាចខ្លួនត្រូវបានឪពុកឌុបចេញពីកន្លែងធ្វើការនៅ
សង្កាត់ទឹកថ្លា ខណ្ឌសែនសុខ ត្រឡប់ទៅផ្ទះវិញ
ដោយធ្វើដំណើរតាមផ្លូវភ្នំពេញ-ហាណូយ
ពីត្បូងទៅជើងដល់ចំណុចមុខផ្ទះលក់គ្រឿងសំណង់មួយក៏ត្រូវក្រុម
ចោរខាងលើធ្វើសកម្មភាពឆក់យកខ្សែ.ក
ហើយខ្លួនក៏បានស្រែកភ្លាមៗដែរ។
ដោយមានការជួយអន្ដរាគមន៍ពីលោកអធិការរងក៏ចាប់ជនសង្ស័យបាននៅ
កន្លែងកើតហេតុនោះតែម្តង។
នគរបាលបានដកហូតវត្ថុតាងមានខ្សែ.កប្លាទីនរ
បស់ជនរងគ្រោះទម្ងន់១ជី៧ហ៊ុន ហើយប្រគល់ទៅឱ្យជនរងគ្រោះវិញ
ឯម៉ូតូជនល្មើសម៉ាកហុងដាឌ្រីមសេ១២៥នគរបាលបានដកហូត
និងកសាងសំណុំរឿបញ្ជូនទៅតុលាការ ៕
