អគ្គិភ័យឆាបឆេះ នៅធនាគារវឌ្ឍនៈ បានរលត់ហើយ

តាមសេចក្តី រាយការណ៍បាន ឲ្យដឹងថា អគ្គិភ័យដែលបាន ឆាបឆេះប្រមាណ ៣០នាទីមុន នៅក្នុងអគារ របស់ធនាគារវឌ្ឍនៈ បានរលត់ហើយ នៅម៉ោង៩និង៤០នាទី ព្រឹកថ្ងៃទី២៣ ខែកុម្ភៈ ឆ្នាំ២០១២។

សាក្សីនៅកន្លែងកើតហេតុបានឲ្យដឹងថា ផ្សែងហុយចេញពីជាន់ទី៩ នៃធនាគារវឌ្ឍនៈដែលស្ថិតនៅ ខាងជើង ផ្សារអូរឡាំពិក ផ្លូវលេខ២៨០ សង្កាត់អូរឡាំពិក ខណ្ឌចំការមន នៅម៉ោង៩និង១៥នាទី ។ សន្តិសុខដែលបំរើការងារនៅធនាគារវឌ្ឍនៈ បានអះអាងថា ករណីនេះបណ្តាលមកពីទុស្សេខ្សែភ្លើងនៅជាន់ទី៩ រួចឆេះរាលដាលតាមពិដានរហូតដល់ជាន់ទី១០ ។

នៅក្នុងហេតុការណ៍នេះដែល រថយន្តពន្លត់អគ្គិភ័យចំនួន៤គ្រឿង បានចុះទៅអន្តរាគមន៍ នៅទីតាំងដែលមាន សេចក្តីរាយការណ៍ថា អគ្គិភ័យកំពុងឆាបឆេះ ប៉ុន្តែត្រូវបានក្រុមបុគ្គលិក នាំគ្នាពន្លត់អគ្គិភ័យ នោះបានទាន់ពេល វេលា៕