រាជធានីភ្នំពេញ ៖
មានគ្រួសារក្រីក្រចំនួនជិត៥.០០០គ្រួសារ
នៅក្នុងប្រទេសកម្ពុជាកំពុងតែទទួលបានអាហារូបករណ៍ជាសាច់ប្រាក់
ក្នុងឆ្នាំសិក្សានេះ
តាមរយៈកម្មវិធីអាហារូបករណ៍សាកល្បងដែលរៀបចំឡើងដោយក្រសួងអប់រំ យុវជន
និងកីឡា និងកម្មវិធីស្បៀងអាហារពិភព លោកនៃអង្គការសហប្រជាជាតិ ។
ការសាកល្បងនេះគឺជាផ្នែកមួយនៃកម្មវិធីអាហារ
តាមសាលារៀនដែលគាំទ្រដោយកម្មវិធីស្បៀងអាហារពិភពលោកតាំងពីឆ្នាំ១៩៩៩
និង អនុវត្ដដោយក្រសួងអប់រំ យុវជន និងកីឡា
ហើយដែលបានផ្ដល់អត្ថប្រយោជន៍ដល់សិស្សា នុសិស្សជិតកន្លះលាននាក់
នៅតាមសហគមន៍ដែលកំពុងជួបប្រទះបញ្ហាអសន្ដិសុខស្បៀងនៅក្នុងប្រទេស
។
ក្នុងកាយវិការបង្ហាញអំពីការរឹតចំណងភាពជាដៃគូ
ដ៏រឹងមាំ និងការប្ដេជ្ញាចិត្ដជាថ្មីមកលើ កម្មវិធីនេះ លោកអឹុម
សិទ្ធី រដ្ឋមន្ដ្រីក្រសួងអប់រំ យុវជន
និងកីឡាបានអញ្ជើញចុះទៅធ្វើទស្សនកិច្ចកម្មវិធីអាហារតាមសាលារៀននៅ
ក្នុងខេត្ដកំពង់ធំនាថ្ងៃទី២២ កុម្ភៈ ឆ្នាំ២០១២ ។
នៅក្នុងដំណើរទស្សនកិច្ចនោះដែរ ក៏មានការអញ្ជើញចូលរូមពីលោក Jean
Pierre de Margerie
នាយកកម្មវិធីស្បៀងអាហារពិភពលោកប្រចាំប្រទេសកម្ពុជា លោកសាន វឌ្ឍនា
អគ្គលេខាធិការរងនៃក្រុមប្រឹក្សាស្ដារអភិវឌ្ឍន៍វិស័យកសិកម្ម និងជនបទ
និងគណៈប្រតិភូនៃទីភ្ជាក់ងារអភិវឌ្ឍន៍អន្ដរជាតិនៃប្រទេសអូស្ដ្រាលី
(AusAID) ។
AusAID
គឺជាម្ចាស់ជំនួយដ៏ស្ថិតស្ថិរមួយសម្រាប់កម្មវិធីអាហារតាមសាលារៀន
នៅកម្ពុជាដែលបានផ្ដល់វិភាគទាន១លានដុល្លារ ជារៀងរាល់ឆ្នាំ
និងជាអ្នកគាំទ្រយ៉ាងចម្បងដល់ដំណើរការរៀបចំយុទ្ធសាស្ដ្រគាំពារសង្គម
របស់រាជរដ្ឋាភិបាល ។
គណៈប្រតិភូបានចូលរួមពិធីចែកអាហារូបករណ៍ជា
សាច់ប្រាក់នៅនឹងកន្លែងដោយលោករដ្ឋមន្ដ្រីអឹុម សិទ្ធី
បានប្រគល់អាហារូបករណ៍សាច់ប្រាក់ដោយផ្ទាល់ដៃទៅដល់កុមារក្រីក្ររៀន
ថ្នាក់ទី៤ ដល់ទី៦ ដែលជាថ្នាក់ប្រឈមមុខខ្ពស់ជាងគេបំផុត
ចំពោះបញ្ហាបោះបង់ការសិក្សា ។
លោករដ្ឋមន្ដ្រីអឹុម សិទ្ធី បានមានប្រសាសន៍ថា
«អត្រាបោះបង់ការសិក្សាខ្ពស់
គឺជាបញ្ហាប្រឈមដ៏ចម្បងមួយក្នុងចំណោមបញ្ហាប្រឈមចម្បងនានាដែល
រារាំងដល់ការសម្រេចបានជោគជ័យនូវការអប់រំជាសាកលនៅកម្រិតបឋម
សិក្សា ។ យើងចាំបាច់ត្រូវគាំទ្រគ្រួសារក្រីក្រ និង
ជំរុញលើកទឹកចិត្ដឪពុកម្ដាយឱ្យកូនបន្ដរៀននៅក្នុងសាលា ។
កម្មវិធីនេះមានសក្ដានុពលយ៉ាងសំខាន់ក្នុងការធ្វើឱ្យសម្រេច
ភារកិច្ចនេះ» ។
ការបញ្ឈប់កូនពីសាលារៀន
គឺជាយន្ដការដោះស្រាយអវិជ្ជមានជាទូទៅមួយដែលឪពុកម្ដាយក្រីក្រតែងតែ
ប្រើប្រាស់សម្រាប់ដោះស្រាយក្នុងគ្រាលំបាក និងពេលមានវិបត្ដិធ្ងន់
ធ្ងរ ។ ការផ្ទេរជាសាច់ប្រាក់ ឬជាស្បៀងទៀងទាត់បានលើកទឹកចិត្ដឱ្យឪពុកម្ដាយរក្សាកូនឱ្យបន្ដរៀននៅក្នុងសាលារៀន ។
ធ្ងរ ។ ការផ្ទេរជាសាច់ប្រាក់ ឬជាស្បៀងទៀងទាត់បានលើកទឹកចិត្ដឱ្យឪពុកម្ដាយរក្សាកូនឱ្យបន្ដរៀននៅក្នុងសាលារៀន ។
លោក Jean-Pierre de Margerie
នាយកកម្មវិធីស្បៀងអាហារពិភពលោកប្រចាំកម្ពុជាបានមានប្រសាសន៍ថា
«កម្ពុជាបានសម្រេចជោគជ័យដ៏គួរឱ្យកត់សម្គាល់ក្នុងការលើកកម្ពស់
អត្រាចុះឈ្មោះចូលរៀននៅកម្រិតបឋមសិក្សា។ អាទិភាពរបស់ក្រសួងអប់រំ
យុវជន និងកីឡា គឺត្រូវធានាឱ្យបានថា
កុមារទាំងឡាយទទួលបានការគាំទ្រដែលពួកគេត្រូវការចាំបាច់
ដើម្បីបន្ដនៅសាលា និងបញ្ចប់ការសិក្សានៅកម្រិតបឋមសិស្សា
ហើយកម្មវិធីស្បៀងអាហារពិភពលោកមានការត្រេកអរជាពន់ពេកក្នុងការ
ជួយក្រសួងឱ្យសំរេចបានអាទិភាពនេះ» ។
កម្មវិធីអាហារូបករណ៍មានចែងនៅក្នុងយុទ្ធសាស្ដ្រ
ជាតិគាំពារសង្គម (NSPS)
ដែលបានប្រកាសឱ្យអនុវត្ដជាផ្លូវការនៅថ្ងៃទី៥ ធ្នូ ឆ្នាំ២០១១
ដោយសម្ដេចនាយករដ្ឋមន្ដ្រី ។ យុទ្ធសាស្ដ្រនេះអាចក្លាយជាផ្នែកមួយនៃ
«សំណាញ់សុវត្ថិភាព»
ជាតិសម្រាប់ការពារជនក្រីក្របំផុតដែលបណ្ដាលពីផលប៉ះពាល់ពីវិបត្ដិ
ធ្ងន់ធ្ងរនានា ។
ខណៈពេលដែលកម្មវិធីអាហារជាស្បៀងបានផ្ដល់
អត្ថប្រយោជន៍ដល់សិស្សានុសិស្សក្រីក្រជិត៦៥.០០០នាក់
សមាសភាពអាហារូបករណ៍ជាសាច់ប្រាក់សាកល្បងមានគោលដៅជួយកុមារក្រីក្រ
ជិត៥.០០០នាក់ ដែលម្នាក់ៗទទួលបាន៥ដុល្លារ ក្នុង១ខែ ។ ក្រសួងអប់រំ
យុវជន និងកីឡា និងកម្មវិធីស្បៀងអាហារពិភពលោក
រួមសហការជាមួយធនាគារពិភពលោកកំពុង
តែវាយតម្លៃផលប៉ះពាល់នៃអាហា រូបករណ៍ជាសាច់ប្រាក់ និងស្បៀងដែលនឹងជួយផងដែរ ដល់ការរៀបចំតាក់តែងគោលនយោបាយសម្រាប់អាហារូបករណ៍នៅកម្រិតបឋម សិក្សាដែលយើងរំពឹងថា អាចនឹងមាននៅក្នុងផែនការយុទ្ធសាស្ដ្រជាតិសម្រាប់វិស័យអប់រំឆ្នាំ ២០១៣ ៕
តែវាយតម្លៃផលប៉ះពាល់នៃអាហា រូបករណ៍ជាសាច់ប្រាក់ និងស្បៀងដែលនឹងជួយផងដែរ ដល់ការរៀបចំតាក់តែងគោលនយោបាយសម្រាប់អាហារូបករណ៍នៅកម្រិតបឋម សិក្សាដែលយើងរំពឹងថា អាចនឹងមាននៅក្នុងផែនការយុទ្ធសាស្ដ្រជាតិសម្រាប់វិស័យអប់រំឆ្នាំ ២០១៣ ៕
