ប្រសិនគ្មានទឹក កោសិកាសរីរាង្គនឹងមិនគង់វង្ស ហើយផ្នែកទាំងឡាយនឹងគ្មានសកម្មភាព ។ ក្នុងករណីបាត់បង់ទឹកជាច្រើន បណ្តាផ្នែកសរីរាង្គ ដូចជាតម្រងនោម និងខួរក្បាល នឹងមិនធ្វើសកម្មភាពបានត្រឹមត្រូវ ។
សរីរាង្គកម្ចាត់ទឹកចេញតាមរយៈ " ផ្លូវ "មួយចំនួន ដូចជា ផ្លូវដង្ហើម ដកដង្ហើមបែកញើស ប្រព័ន្ធរំលាយអាហារ និងតម្រងនោម នឹងកម្ចាត់ចោលទឹកសល់តាមរយៈទឹកមូត្រ ។
បរិមាណទឹកចាំបាច់សម្រាប់កូនអ្នកក្នុងមួយថ្ងៃ
កុមារត្រូវការផឹកទឹកប្រមាណ ៥០-៦០មិល្លីលីត្រសម្រាប់មួយគីឡូក្រាមទម្ងន់សរីរាង្គ ។ ឧទាហរណ៍ ប្រសិនបើកូនរបស់អ្នកទម្ងន់២៥គីឡូក្រាម នោះបរិមាណទឹកកុមារត្រូវការ គឺប្រមាណ១,៥លីត្រក្នុងមួយថ្ងៃ ។ ហើយបរិមាណទឹកចាំបាច់ត្រូវបានបង្កើនឡើងក្នុងករណីមួយចំនួន ដូចជាកុមារបែកញើសច្រើនពេកក្រោយពេលហាត់ប្រាណ ឬនៅពេលធាតុអាកាសក្ដៅខ្លាំង។
ក្នុងករណីកុមារកើតជំងឺមួយចំនួន ដូចជារាករូស នោះតម្រូវការទឹករបស់សរីរាង្គកុមារត្រូវកើនឡើង ព្រោះពេលនេះសរីរាង្គកុមារកំពុងបាត់បង់បរិមាណទឹកនិងសារជាតិរ៉ែ យ៉ាងច្រើន ។
ប្រការមួយចំនួនដែលមាតា បិតាត្រូវដឹង
អ្នកបានដឹងថា ៦០-៧០ភាគរយសរីរាង្គរបស់កូនអ្នកជាទឹក ក្រោយពេលកុមារមានអាយុបានពីរឆ្នាំ ។ ហើយអត្រានេះនៅខ្ពស់ជាងក្នុងប៉ុន្មានខែដំបូងពេលកុមារទើបកើតគឺ៧៥ ភាគរយ ។ ប្រការនេះសបញ្ជាក់ថា ទឹកជាវត្ថុចាំបាច់បំផុតសម្រាប់សរីរាង្គ ពិសេសចំពោះសរីរាង្គកំពុងរីកចម្រើនរបស់កុមារ ។ អាស្រ័យហេតុនេះ មាតា បិតា ចូរចងចាំថា រាល់ថ្ងៃកុំភ្លេចផ្គត់ផ្គង់ទឹកឱ្យសរីរាង្គកុមារ ព្រោះវានឹងជួយកូនអ្នករក្សាបានសុខភាពរាងកាយ និង ស្មារតីល្អប្រសើរ ។ អ្នកត្រូវប្រាកដថា កូនរបស់អ្នកជានិច្ចកាលផឹកទឹកគ្រប់គ្រាន់សម្រាប់មួយថ្ងៃៗ និងត្រូវបង្កើនបរិមាណ ទឹកពេលកុមារមានសកម្មភាពរាងកាយច្រើននិងនៅខែក្តៅស្អុះស្អាប់ ៕(CEN)
