ទីភ្នាក់ងារព័ត៌មានបរទេសកាលពីថ្ងៃទី
១៨ កុម្ភៈ ផ្សាយឱ្យដឹងថា
មេធាវីនៅសណ្ឋាគារ«វ៉ាយហេមហ្រេ្គន»កម្រិតផ្កាយ៥
ក្នុងទីក្រុងឡុង ប្រទេសអង់គ្លេស
ត្រៀមប្តឹងព្រះអង្គម្ចាស់ស៊ីកថាឡាល ប៊ីន អាម៉េដ អាប់ឌុលឡា
អាល់ថានី ព្រះរាជវង្សនៃ
ប្រទេសកាតា
ក្រោយពីជួលបន្ទប់ដ៏ប្រណីតជាច្រើនបន្ទប់ស្នាក់នៅក្នុងរយៈ
ពេលជាង១៨ខែ ហើយចាកចេញទៅដោយមិនបង់ប្រាក់ឈ្នួល ។
ខាងផ្នែកសណ្ឋាគារបង្ហើបឱ្យដឹងថា
ថ្លៃឈ្នួលបន្ទប់ទាំងអស់៣.៥០០ផោនក្នុងមួយយប់
រួមទាំងបន្ទប់ពិសេស(VIP) សរុបព្រះអង្គម្ចាស់ស៊ីក
ត្រូវចំណាយថ្លៃឈ្នួលបន្ទប់ចំនួន៥៣១.៨០៧ផោន ។
ព្រះអង្គម្ចាស់ធ្លាប់បញ្ជូនមូលប្បទានប័ត្របង់ថ្លៃ
បន្ទប់ចំនួន៣សន្លឹក ប៉ុន្តែមិនអាចបើកប្រាក់បាន
ខណៈពេលមេធាវីបានផ្ញើសារលិខិតទៅគំរាមប្តឹងកាលពី២
ឆ្នាំមុន
ប៉ុន្តែព្រះអង្គម្ចាស់រូបនេះនៅមិនទាន់ដោះស្រាយបំណុលនេះ
រហូតដល់ពេលបច្ចុប្បន្ន
ជាហេតុធ្វើឱ្យសណ្ឋាគារសម្រេចចិត្តប្តឹងក្នុងរយៈពេល២
សប្តាហ៍ខាងមុខ ។
ព្រះអង្គម្ចាស់ស៊ីក អាល់ថានី
ជារាជវង្សនៃប្រទេសកាតា ជាសេដ្ឋីប្រេង
ដោយព្រះបិតារបស់ព្រះអង្គបានសោយទិវង្គតនៅក្នុងឆ្នាំ២០០៧
និងបន្សល់ទុកកេរមរតកដល់បុត្រា-បុត្រីទាំង៣៣អង្គ
និងមហេសី៤អង្គដល់ទៅ៧ពាន់លានផោន
ខណៈពេលព្រះអង្គម្ចាស់ស៊ីកអាល់ថានី
ទទួលបានកេរមរតកចំនួន៤០០លានផោន ៕(kohsantepheap)
