ខេត្តបន្ទាយមានជ័យ ៖ លំនៅឋានលោកមេឃុំពន្លៃមួយខ្នង
ត្រូវក្លាយទៅជាចំណីអគ្គិភ័យទាំងកណ្តាលថ្ងៃ ។
ហេតុការណ៍នេះបានកើតឡើងនៅវេលាម៉ោង២និង១០នាទីរសៀលថ្ងៃទី២៩ កុម្ភៈ
២០១២ នៅភូមិតាវង ឃុំពន្លៃ ស្រុកភ្នំស្រុក ។
លោកវរសេនីយ៍ត្រីស៊ី ឌី អធិការនគរបាលស្រុកភ្នំស្រុក
ដែលបានចុះទៅដល់កន្លែងកើត ហេតុបានប្រាប់ឲ្យដឹងថា
ផ្ទះដែលត្រូវបានភ្លើងឆាបឆេះនេះ
ធ្វើអំពីថ្មក្រោមដែកលើប្រក់សង្កសីមានទំហំ៤០ម៉ែត្រX៣០ម៉ែត្រ
លក់ប្រេងសាំង និងប្រេងម៉ាស៊ូត និងអីវ៉ាន់គ្រឿងទេសជាច្រើនមុខ
រួមទាំងម៉ាស៊ីនបោកស្រូវ១គ្រឿងទៀត
បានក្លាយទៅជាចំណីព្រះអគ្គីទាំងអស់ដែលគិតជាទឹក
ប្រាក់នៅមិនទាន់ច្បាស់ថា អស់ប៉ុន្មាននៅ ឡើយទេ ។
ម្ចាស់ផ្ទះឈ្មោះសួន សំអ៊ុយ ភេទប្រុស អាយុ៥៦ឆ្នាំ ជាមេឃុំពន្លៃ។
លោកវរសេនីយ៍ត្រី ស៊ី ឌី បានបន្តថា
តាមការស្និដ្ឋានជាហានដំបូង គឺផ្ទុះចង្រ្កានហ្គាស
ពីព្រោះតាមការបំភ្លឺពីម្ចាស់ផ្ទុះគឺភ្លើងឆាបឆេះមុន
ដំបូងគឺចេញពីផ្ទះបាយ ហើយរាលដាលដល់ខាងក្នុងផ្ទះ
និងបន្តឆាបឆេះដល់មុខផ្ទះដែលមានលក់សាំងនិងម៉ាស៊ូត
ព្រមទាំងអីវ៉ានគ្រឿងទេសមុខផ្ទះហ្មត់គ្មានសល់ ៕
