ផ្ទុះធុងហ្គាស ទម្ងន់ ១៥គីឡូក្រាម ឆេះក្មួយម្ចាស់ហាង រងរបួសស្រាល

ភ្នំពេញ ៖ នៅវេលាម៉ោង ៤និង៤០នាទី រសៀល ថ្ងៃទី១០ ខែមីនា ឆ្នាំ២០១២នេះ មានករណីផ្ទុះធុងហ្គាស ក្នុងភោជនីយដ្ឋានអាតា ដែលស្ថិតនៅតាមបណ្តោយផ្លូវ ២០០ សង្កាត់បឹងរាំង ខណ្ឌដូនពេញ នៅជាប់នឹងអធិការដ្ឋាន នគរបាល ខណ្ឌដូនពេញ ធ្វើឲ្យមានការភ្ញាក់ផ្អើលដល់ប្រជាពលរដ្ឋ និងសមត្ថកិច្ច ដែលនៅទីនោះ ។

យោងតាមមន្រ្តីសមត្ថកិច្ច បានឲ្យដឹងថា ករណីផ្ទុះធុងហ្គាសខាងលើនេះ បណ្តាលឲ្យឆាបឆេះក្មួយម្ចាស់ហាងម្នាក់ រងរបួសស្រាល ហើយក៏ត្រូវបានបញ្ជូន ទៅសង្រ្គោះនៅមន្ទីរពេទ្យភ្លាមៗផងដែរ ។ ការផ្ទុះនេះ មិនបណ្តាលឲ្យមានការខូចខាតធ្ងន់ធ្ងរនោះទេ ព្រោះមានការជួយអន្តរាគមន៍ បាញ់ពន្លត់ពីសមត្ថកិច្ច ដែលនៅជិតនោះ ទាន់ពេលវេលា៕(dap)