រាជធានីភ្នំពេញ ៖
តន្ត្រីករជនជាតិអ៊ីតាលីដ៏ល្បីម្នាក់ដែលបានទៅរស់នៅសហរដ្ឋ
អាមេរិក ពេលនេះបានមកដល់ប្រទេសកម្ពុជា
ដើម្បីចូលរួមក្នុងការប្រគំតន្ត្រីក្លាស៊ិកដ៏ធំមួយដើម្បីរៃ
អង្គាសប្រាក់យកទៅជួយកុមារកំព្រាដែលឪពុកម្តាយ
និងក្រុមគ្រួសារបានស្លាប់ក្នុងគ្រោះរញ្ជួយដី
និងរលកយក្សស៊ូណាមី នៅប្រទេសជប៉ុននាពេលកន្លងមក ។
ការប្រគំតន្ត្រីក្លា
តារាចម្រៀងរូបនោះឈ្មោះJULIAN LAWRENCE GARGIULO
ជាជនជាតិអ៊ីតាលី
និងបានទៅរស់នៅសហរដ្ឋអាមេរិកតាំងពីកុមារភាពមកម៉្លេះ ។
គាត់ជាតន្ត្រីករដ៏ល្បីល្បាញដែលចេះប្រគំព្យា៉ណូតាំងពីអាយុ១៣
ឆ្នាំ
ហើយបច្ចុប្បន្ននេះភាពល្បីល្បាញរបស់លោកគឺទូទាំងពិភពលោក
ខណៈដែលក្នុងមួយឆ្នាំៗ
តន្ត្រីកររូបនេះបានចូលរួមក្នុងការប្រគំតន្ត្រីធំៗ
ពី៤០ទៅ៥០ដងហើយទទួលបានការគាំទ្រយ៉ាងខ្លាំង ។
លោក JULIAN បាននិយាយថា
លោកទើបតែមកប្រទេសកម្ពុជា ជាលើកទី១
ដើម្បីចូលរួមការប្រគំតន្ត្រីសប្បុរសធម៌និងរៃអង្គាសប្រាក់ដើម្បី
យកទៅឧបត្ថម្ភដល់កុមារកំព្រាជនជាតិជប៉ុនដែលឪពុកម្តាយបានស្លាប់
ក្នុងគ្រោះមហន្តរាយរញ្ជួយដី ។
តន្ត្រីកររូបនោះបានបង្ហាញក្តីរំភើប
និងរីករាយបំផុតនៅពេលបានមកដល់ប្រទេសកម្ពុជា
ដ៏ស្រស់ឆើតឆាយគួរឱ្យចង់រស់នៅ ។
ទោះបីជាលោកទើបមកដល់កម្ពុជា ជាលើកដំបូង
ប៉ុន្តែលោកចង់មកទីនេះជាបន្តបន្ទាប់ទៀត ។
លោកJULIAN
បានអំពាវនាវដល់ទស្សនិកជនទាំងកម្ពុជា
និងបរទេសឱ្យចូលរួមទស្សនាការប្រគំតន្ត្រីក្លាស៊ិក
ព្រោះតន្ត្រីបែបនេះគឺកម្រកើតមានណាស់នៅក្នុងប្រទេសកម្ពុជា។
ការប្រគំតន្ត្រីសប្បុរសធម៌ដ៏ធំនោះ គឺតាមរយៈអង្គការអាស៊ីណាហ្គាដែលជាអង្គការដ៏ធំនៅប្រទេស ជប៉ុន ។ អង្គអាស៊ីណាហ្គាបាននិងកំពុងរួមជាមួយរាជរដ្ឋាភិបាលជប៉ុន ចិញ្ចឹមកុមារកំព្រាប្រមាណ៤.០៤០នាក់ ដែលកុមារខ្លះបាត់បង់ឪពុកម្តាយ ហើយកុមារខ្លះទៀតបាត់បង់ឪពុក ឬបាត់បង់ម្តាយ ។ អង្គការអាស៊ីណាហ្គាមានភារកិច្ចចិញ្ចឹមបីបាច់ថែរក្សាកុមារកំព្រា ទាំងនោះរហូតដល់ពួកគេមានអាយុ២០ឆ្នាំ ។
ការប្រគំតន្ត្រីសប្បុរសធម៌ដ៏ធំនោះ គឺតាមរយៈអង្គការអាស៊ីណាហ្គាដែលជាអង្គការដ៏ធំនៅប្រទេស ជប៉ុន ។ អង្គអាស៊ីណាហ្គាបាននិងកំពុងរួមជាមួយរាជរដ្ឋាភិបាលជប៉ុន ចិញ្ចឹមកុមារកំព្រាប្រមាណ៤.០៤០នាក់ ដែលកុមារខ្លះបាត់បង់ឪពុកម្តាយ ហើយកុមារខ្លះទៀតបាត់បង់ឪពុក ឬបាត់បង់ម្តាយ ។ អង្គការអាស៊ីណាហ្គាមានភារកិច្ចចិញ្ចឹមបីបាច់ថែរក្សាកុមារកំព្រា ទាំងនោះរហូតដល់ពួកគេមានអាយុ២០ឆ្នាំ ។
អ្នករៀបចំកម្មវិធីប្រគំតន្ត្រីអំពាវនាវដល់
ប្រជាជនកម្ពុជា
និងជនបរទេសឱ្យអញ្ជើញចូលរួមក្នុងការប្រគំតន្ត្រីក្លាស៊ិក
អន្តរជាតិនោះឱ្យបានច្រើនកុះករ ។
ការចូលទស្សនាការប្រគំតន្ត្រីនោះ
គឺជាការបង្ហាញទឹកចិត្តគាំទ្រដល់តន្ត្រីករ
និងរួមចំណែកមនុស្សធម៌ដល់កុមារកំព្រានៅប្រទេសជប៉ុន ។
ចំណែកសំបុត្រ
គឺមានដាក់លក់នៅកន្លែងប្រគំតន្ត្រីតែម្តង
ដោយសំបុត្រមួយសន្លឹកតម្លៃ៥ដុល្លារ
សម្រាប់ទស្សនិកជនអាយុ១៨ឆ្នាំចុះ និងតម្លៃ១០ដុល្លារ
សម្រាប់អាយុ១៨ឆ្នាំឡើង ៕(KOH)
