រាជធានីភ្នំពេញ ៖ កាលពីព្រឹកថ្ងៃទី២៦ មីនា
ឆ្នាំ២០១២ លោកកែវ មុនី ចៅក្រមជំនុំជម្រះសាលាដំបូងរាជធានី
បានសម្រេចផ្តន្ទាទោសក្រុមចាប់ជំរិតសិស្សសាលាកាលពីខែតុលាឆ្នាំ
២០១១ កន្លងមកចំនួន៣នាក់គឺ ១-ឈ្មោះឈួរ ឆេងប៉ អាយុ៣២ឆ្នាំ
២-ឈ្មោះជួរ ប៊ុនហ៊ីម អាយុ២៨ឆ្នាំ ដាក់គុកម្នាក់ៗ អស់មួយជីវិត
និង៣-ឈ្មោះអ៊ឹង ស្រេង អាយុ២៩ឆ្នាំដាក់គុក៣០ឆ្នាំ
និងបង្ខំឱ្យសងជំងឺចិត្តដល់ជនរងគ្រោះចំនួន២០ម៉ឺនដុល្លារ
អាមេរិក ។
ជនជាប់ចោទ៣នាក់នេះត្រូវចោទពីបទបង្ខាំងមនុស្សខុសច្បាប់ជំរិត
ទារប្រាក់ និងអំពើប៉ុនប៉ងមនុស្សឃាតគិតទុកជាមុន ។
ការជំនុំជម្រះបានធ្វើឡើងជាសាធារណៈនៅចំពោះ
មុខជនជាប់ចោទទាំងបីនាក់ ក្រុមគ្រួសារជនរងគ្រោះ
មេធាវីការពារក្តីជនរងគ្រោះ
មេធាវីការពារក្តីជនជាប់ចោទទាំងបីនាក់ និងតំណាងអយ្យការលោកមាស
ពិសិដ្ឋ ។ ក្នុងបន្ទប់សវនាការជនជាប់ចោទបានសារភាពថា
ពួកគេមានគម្រោងចាប់ជំរិតសិស្សសាលាបញ្ញាសាស្ត្រស្ថិតក្នុង
សង្កាត់បឹងកេងកងទី១ ខណ្ឌចំការមន ឈ្មោះអួន អេងគន្ធ ភេទប្រុស
អាយុ១៧ឆ្នាំ ។ មេខ្លោងក្នុងគម្រោងការចាប់ជំរិតឈ្មោះជួរ ប៊ុនហ៊ីម
បានប្រាប់តុលាការថា ខ្លួន
និងបក្សពួកពីរនាក់ទៀតបានរៀបចំគម្រោងការចាប់ជំរិតជនរងគ្រោះ
ដែលមានទីលំនៅក្នុងរាជធានីភ្នំពេញ ផ្ទះក្បែរគ្នា
និងធ្លាប់ស្គាល់កាលពីថ្ងៃទី១៣ តុលា ឆ្នាំ២០១១
នៅពេលជនរងគ្រោះចេញពីសាលារៀន ។
មុនពេលធ្វើសកម្មភាពក្រុមគេបានទៅឃ្លាំមើលជនរងគ្រោះនៅផ្ទះ
និងនៅសាលារៀនជាច្រើនថ្ងៃមកហើយ ។
ឈ្មោះជួរ ប៊ុនហ៊ីម រៀបរាប់ទៀតថា
ពេលនោះរូបគេបានសុំរថយន្តជនរងគ្រោះជិះក្នុងគោលបំណងនាំទៅកោះ
ពេជ្រ តែមកដល់ក្រោយកាស៊ីណូណាហ្គាក៏បានឱ្យជនរងគ្រោះឈប់រថយន្ត
និងចាប់ធ្វើសកម្មភាពតែម្តង។ ដំបូងឈ្មោះឈួរ ឆេងប៉
ចាប់ជនរងគ្រោះចងដោយបានប្រើប្រាស់កាំបិតគំរាមរួចយកស្កុតចងដៃ
និងយកកាំបិតភ្ជង់.ក
និងបានប្រើប្រាស់ទូរស័ព្ទជនរងគ្រោះទូរស័ព្ទទៅលេខឪពុកជនរង
គ្រោះទារប្រាក់៥០ម៉ឺនដុល្លារអាមេរិក
តែការព្រមព្រៀងនៅសល់ត្រឹម២ម៉ឺនដុល្លារអាមរិក ។
ឈ្មោះឈួរ ឆេងប៉ បាននិយាយថា
ក្រោយពេលនោះឈ្មោះជួរ ប៊ុនហ៊ីម បានប្រាប់ឈ្មោះអ៊ឹង ស្រេង
ឱ្យទៅកាន់ផ្ទះជនរងគ្រោះដើម្បីរង់ចាំទទួលលុយ
ហើយពួកគេបានបើករថយន្តដឹកជនរងគ្រោះទៅលាក់ទុកនៅម្តុំព្រែកហូរ
ក្រុងតាខ្មៅ ខេត្តកណ្តាល ។
ពេលនោះការចរចាគ្នាជាមួយគ្រួសារជនរងគ្រោះនៅតែបន្តរហូតដល់
រសៀលម៉ោងប្រហែល៣ ទើបបែកការណ៍ ព្រោះប៉ូលិសកំពុងតាមប្រមាញ់ ។
ឈ្មោះឈួរ ឆេងប៉ បន្តថា ឈ្មោះជួរ ប៊ុនហ៊ីម
បានបើករថយន្តបន្តទៅខេត្តតាកែវ នៅតែបែកការណ៍
ព្រោះប៉ូលិសបានតាមពីក្រោយ
ពេលនោះរូបគេបានចាក់ជនរងគ្រោះតាមបញ្ជារបស់ឈ្មោះជួរ ប៊ុនហ៊ីម
គឺចាក់ចំនួន៣កាំបិត
រួចរួញទម្លាក់ចោលតាមផ្លូវចន្លោះពីខេត្តតាកែវ ទៅកំពត
និងបានបើករថយន្តមករាជធានីភ្នំពេញវិញ ។
នៅពេលដឹងថាប៉ូលិសខេត្តតាកែវ និងប៉ូលិសរាជធានីភ្នំពេញ
កំពុងដេញតាមពីក្រោយ
ពួកគេបានចតរថយន្តចោលរួចគេចខ្លួនទាំងពីរនាក់
តែត្រូវប៉ូលិសខេត្តតាកែវ
ចាប់បាននិងនាំខ្លួនបញ្ជូនមករាជធានីភ្នំពេញ ។
បន្ទាប់ពីបាន សួរដេញដោលអស់រយៈពេលជាង៣ម៉ោងលើជនជាប់ចោទទាំងបីនាក់ម្នាក់ ម្តងៗ រួចមក ក្រុមអ្នកច្បាប់នៃអង្គសវនាការមានប្រធានចៅក្រមជំនុំជម្រះលោក សួស សំអាត បានថយទៅពិចារណា ។ ក្រោយមកបានចេញប្រកាសសាលក្រុមជាសាធារណៈដោយប្រគល់ឱ្យចៅក្រម ប្រឹក្សាកែវ មុនី អានសាលក្រមសម្រេចគឺ ១-សម្រេចផ្តន្ទាទោសឈ្មោះឈួរ ឆេងប៉ ភេទប្រុស អាយុ៣២ឆ្នាំ និងឈ្មោះជួរ ប៊ុនហ៊ីម ភេទប្រុស អាយុ២៨ឆ្នាំ ដាក់គុកម្នាក់ៗអស់មួយជីវិត ២-ផ្តន្ទាទោសឈ្មោះអ៊ឹង ស្រេង ភេទប្រុស អាយុ២៩ឆ្នាំ ដាក់គុក៣០ឆ្នាំ ជនជាប់ចោទទាំងបីនេះត្រូវចោទពីបទបង្ខាំងមនុស្សខុសច្បាប់ជំរិត ទារប្រាក់ និងអំពើប៉ុនប៉ងមនុស្សឃាតគិតទុកជាមុន ។ ៣-បង្គាប់ឱ្យជនជាប់ចោទទាំងបីរួមគ្នាសងជំងឺចិត្តដល់ជនរង គ្រោះចំនួន២០ម៉ឺនដុល្លារ និងបានបើកផ្លូវប្តឹងឧទ្ធរណ៍ក្នុងរយៈពេល១ខែ ៕(koh)
បន្ទាប់ពីបាន សួរដេញដោលអស់រយៈពេលជាង៣ម៉ោងលើជនជាប់ចោទទាំងបីនាក់ម្នាក់ ម្តងៗ រួចមក ក្រុមអ្នកច្បាប់នៃអង្គសវនាការមានប្រធានចៅក្រមជំនុំជម្រះលោក សួស សំអាត បានថយទៅពិចារណា ។ ក្រោយមកបានចេញប្រកាសសាលក្រុមជាសាធារណៈដោយប្រគល់ឱ្យចៅក្រម ប្រឹក្សាកែវ មុនី អានសាលក្រមសម្រេចគឺ ១-សម្រេចផ្តន្ទាទោសឈ្មោះឈួរ ឆេងប៉ ភេទប្រុស អាយុ៣២ឆ្នាំ និងឈ្មោះជួរ ប៊ុនហ៊ីម ភេទប្រុស អាយុ២៨ឆ្នាំ ដាក់គុកម្នាក់ៗអស់មួយជីវិត ២-ផ្តន្ទាទោសឈ្មោះអ៊ឹង ស្រេង ភេទប្រុស អាយុ២៩ឆ្នាំ ដាក់គុក៣០ឆ្នាំ ជនជាប់ចោទទាំងបីនេះត្រូវចោទពីបទបង្ខាំងមនុស្សខុសច្បាប់ជំរិត ទារប្រាក់ និងអំពើប៉ុនប៉ងមនុស្សឃាតគិតទុកជាមុន ។ ៣-បង្គាប់ឱ្យជនជាប់ចោទទាំងបីរួមគ្នាសងជំងឺចិត្តដល់ជនរង គ្រោះចំនួន២០ម៉ឺនដុល្លារ និងបានបើកផ្លូវប្តឹងឧទ្ធរណ៍ក្នុងរយៈពេល១ខែ ៕(koh)
