រាជធានីភ្នំពេញ ៖
បុគ្គលិកធនាគារឯកជនម្នាក់បានចង.កសម្លាប់ខ្លួននៅក្នុ
ងបន្ទប់ផ្ទះជួល ដោយសារតែមានជំងឺប្រចាំកាយព្យាបាលមិនជា
បន្ទាប់ពីទៅព្យាបាលនិងវះកាត់នៅមន្ទីរពេទ្យចិនមួយ
ស្ថិតក្នុងសង្កាត់ទួលសង្កែ នៅតែមិនជាសះស្បើយ
ផ្ទុយទៅវិញធ្ងន់ធ្ងរលើសដើម
ហើយសម្រេចចិត្តចង.កសម្លាប់ខ្លួនតែម្តង
បង្កឱ្យមានការភ្ញាក់ផ្អើល កាលពីវេលាម៉ោង៤រសៀល ថ្ងៃទី២១
មីនា ២០១២ នៅបន្ទប់ផ្ទះជួលលេខ៣៥ដេ ផ្លូវលេខ២២៨
ក្រុម១១ ភូមិទី៤ សង្កាត់បឹងសាឡាង ខណ្ឌទួលគោក ។
បុរសគិតខ្លី ឈ្មោះ គង់ វុទ្ធី អាយុ២៤ឆ្នាំ
ជា
បុគ្គលិកធនាគារឯកជន មានទីលំនៅផ្ទះជួលខាងលើ
និងមានស្រុកកំណើតភូមិជ័យជំនះ ឃុំសៀមរាប ស្រុកកណ្តាលស្ទឹង
ខេត្តកណ្តាល ។ តាមមន្ត្រីប៉ូលិសបានឱ្យដឹងថា
បុរសរងគ្រោះចង.កសម្លាប់ខ្លួននឹងក្រមាភ្ជាប់នឹង
ជញ្ជាំងថ្មលើទ្វារបន្ទប់ទឹក ហើយស្លាប់បាត់បង់ជីវិត
និងធ្វើឱ្យមានការភ្ញាក់ផ្អើលពេលដែលប្អូនប្រុសត្រឡប់មកពី
រៀន ។
តាមព័ត៌មានបានឱ្យដឹងថា
ការចង.កសម្លាប់ខ្លួននេះ
ដោយសារតែបុគ្គលិកធនាគាររូបនោះមានជំងឺប្រចាំកាយ
តម្រងនោមជាច្រើនឆ្នាំមកហើយមើលមិនជា ។ កាលពីថ្ងៃទី១៧
ខែមីនា ជនរងគ្រោះបានទៅព្យាបាល
និងធ្វើការវះកាត់ប្រដាប់ភេទ
ដើម្បីព្យាបាលតម្រងនោមនៅមន្ទីរពេទ្យចិនមួយ
ហើយជំងឺបានរើឡើងរឹតតែខ្លាំង
ធ្វើឱ្យជនរងគ្រោះអស់សង្ឃឹមក្នុងជីវិត
ក៏ចាកចេញពីមន្ទីរពេទ្យនៅរសៀលថ្ងៃទី២១ ខែមីនា
បន្ទាប់មកចង.កសម្លាប់ខ្លួននៅផ្ទះជួលតែម្តង
ខណៈមិនមានអ្នកណានៅផ្ទះ ៕
