ខេត្តបាត់ដំបង ៖
យុវជនម្នាក់បានក្លាយជាអ្នកទោសស្នេហា
បន្ទាប់ពីរួមមេត្រីជាមួយនាងក្រមុំម្នាក់អស់ពេញមួយយប់
កាលពីយប់ថ្ងៃទី៨ មីនា នៅលើផ្ទះរបស់នាង ស្ថិតក្នុងភូមិម៉ាណោក
ឃុំតាលាស់ ស្រុកមោងប្ញស្សី។
ប៉ុន្តែ៤ថ្ងៃក្រោយយុវជននេះត្រូវសមត្ថកិច្ចចាប់ខ្លួន
ក្រោយពីម្ដាយនាងដឹងហើយប្ដឹងចោទប្រកាន់ថា
បានចាប់រំលោភកូនស្រីរបស់គាត់។
លោកគិត ហ៊ាង អធិការនគរបាលស្រុកមោងប្ញស្សី
បានប្រាប់ថា
ជនជាប់ចោទត្រូវសមត្ថកិច្ចចាប់ខ្លួនកាលពីរសៀលថ្ងៃទី១២ មីនា
ក្រោយពីទទួលបណ្ដឹងពីម្ដាយខាងស្រី។ អ្នកទោសស្នេហារ
ូបនេះឈ្មោះឡូន លន់
ហៅក្ដាម អាយុ២១ឆ្នាំ រស់នៅភូមិសួស្ដី ឃុំតាលាស់ ស្រុកមោងប្ញស្សី។
រីឯនារីដែលអះអាងថា ជាអ្នករងគ្រោះឈ្មោះសារ៉ាត់ រ៉ាយ ហៅមុំ
អាយុ២១ឆ្នាំ នៅភូមិ-ឃុំកើតហេតុខាងលើ ។
តាមចម្លើយសារភាពរបស់យុវជនជាប់ចោទថា
ខ្លួនពិតជាបានរួមរ័កជាមួយនាងមែននាយប់នោះ
តែជាការព្រមព្រៀងគ្នាទេ មិនមែនចាប់នាងរំលោភដូចការចោទប្រកាន់ឡើយ
។ អ្នកទោសស្នេហារូបនេះបានបន្តថា
ខ្លួនបានទៅដេកផ្ទះរបស់នាងនាយប់នោះមានគ្នា៣នាក់
ហើយនាងដេកលើផ្ទះជាមួយប្អូនៗរបស់នាងប្រហែល៤ទៅ៥នាក់ទៀត
មិនមែនដេកតែម្នាក់ឯងទេ ។
ពេលពួកខ្លួន៣នាក់ដេកក្រោមផ្ទះយប់ជ្រៅបន្តិចនាងបានហៅឲ្យឡើង
ដេកលើផ្ទះដែរ ហើយនៅវេលារំលងអធ្រាត្រ ខ្លួនក៏បានលូនទៅដេកជាមួយនាង
ខណៈនាងដេកក្បែរប្អូនៗរបស់នាង។ អ្នកទោសស្នេហាឡូន លន់ បានបញ្ជាក់ថា
គ្រានោះខ្លួនបានឱបថើបនាងហើយនាងមិនរើទេ
រហូតបានរួមរ័កមេត្រីទល់ភ្លឺតែម្ដង
បើកុំតែប្អូនស្រីរបស់នាងអាយុប្រហែល១៥ឆ្នាំមកដាស់
កុំអីមិនទាន់ភ្ញាក់ទេ។
យុវជនក្ដាមបានបន្ថែមថា
ពេលដេកនោះពួកម៉ាកខ្លួន២នាក់ដែលដេកក្បែរនោះក៏ដឹង
ហើយប្អូនស្រីរបស់នាងទាំងអស់ដេកក្បែរនោះក៏ដឹង
ដូច្នេះបើខ្លួនចាប់នាងរំលោភហេតុអីនាងមិនស្រែក ៕(KOH)
