រាជធានីភ្នំពេញ ៖
នារី៤នាក់ត្រូវរ៉ឺម៉កម៉ូតូដឹកចូលទៅក្នុងមន្ទីរពេទ្យព្រះ
កុសុមៈ
ក្នុងនោះមានម្នាក់ត្រូវអ្នករត់រ៉ឺម៉កម៉ូតូបីរត់ចូលក្នុង
មន្ទីរពេទ្យ
ដោយប្រាប់ឱ្យគ្រូពេទ្យជួយសង្គ្រោះផងនាងសន្លប់ដោយសារផឹកស្រា
ច្រើន ពេកកាលពីវេលាម៉ោង៣និង២៥នាទីទៀបភ្លឺថ្ងៃទី១៨ មីនា
២០១២ ។
នារីសន្លប់ស្ដូកស្ដឹងនោះត្រូវមិត្ដភក្ដិប្រាប់
ឱ្យដឹងថា ឈ្មោះអេង បូរី អាយុ២០ឆ្នាំ
ជាអ្នកបម្រើការខារ៉ាអូខេដែលមានទីតាំងនៅជិតផ្សារមាន់អាំង
ក្នុងសង្កាត់បឹងកក់ទី២
ខណ្ឌទួលគោក ស្នាក់នៅសង្កាត់ទឹកថ្លា
ខណ្ឌសែនសុខ។ ប្រភពបន្តឱ្យដឹងថា
នារីរងគ្រោះបានសន្លប់ចូលមន្ទីរពេទ្យនេះ២ទៅ៣ដងរួចមកហើយ
ដោយសារតែនាងផឹកស្រាច្រើនស្រវឹងទាំងដឹងថា
ខ្លួនមានជំងឺស្រឺតមិនអាចផឹកស្រាច្រើនបានទេ ។
ប៉ុន្ដែដោយសារតែជីវភាពខ្វះខាត
ហើយរូបនាងជាអ្នករកលុយផ្គត់ផ្គង់ចិញ្ចឹមគ្រួសារផងនោះ
ទើបតម្រូវឱ្យនាងខំប្រឹងផឹកស្រាតាមភ្ញៀវដែលចេះតែបង្ខំឱ្យនាង
ផឹកដើម្បីបានលុយធីបច្រើន ។
ប្រភពដដែលបន្ដទៀតថា
នៅយប់កើតហេតុនាងអង្គុយផឹកជាមួយភ្ញៀវ
លុះផឹកយូរទៅស្រាប់តែសន្លប់ស្ដូកស្ដឹងតែម្ដង
ឃើញបែបនេះក៏នាំគ្នាដឹកយកទៅមន្ទីរពេទ្យ៕(KOH)
