ខេត្តតាកែវ ៖
រថយន្តពីរគ្រឿងធ្វើដំណើរបញ្ច្រាសទិសគ្នាបានរេចង្កូត
បុកគ្នាពេញទំហឹងលាន់ដូចរន្ទះខែប្រាំង
កាលពីវេលាម៉ោង២និង១៥នាទីរសៀលថ្ងៃទី១៣ មីនា
តាមបណ្តោយផ្លូវជាតិលេខ៣ ចន្លោះបង្គោលគីឡូម៉ែត្រលេខ៥៩-៦០
ស្ថិតក្នុងឃុំខ្វាង ស្រុកសំរោង
បណ្តាលឱ្យរងរបួសធ្ងន់-ស្រាល៩នាក់ ។
លោកវង្ស ង៉ែត
អធិការនគរបាលស្រុកសំរោងបានឱ្យដឹងថា
រថយន្តទាំងពីរគ្រឿងដែលបានបើកបុកគ្នានេះ
១គ្រឿងម៉ាកទួរីស ពណ៌គ្រាប់អម្ពិល
ដឹកអ្នកដំណើរពីតាកែវទៅភ្នំពេញ
ឯរថយន្តមួួ
យគ្រឿងទៀតម៉ាកហីុណូ ពណ៌ស្លែ ។
គ្រោះថ្នាក់នេះបណ្តាលឱ្យរបួសធ្ងន់៤នាក់
អត់ស្គាល់អត្តសញ្ញាណទេ ព្រោះបញ្ជូនទៅមន្ទីរពេទ្យផុតហើយ
ដោយឡែកអ្នករបួសស្រាល៥នាក់ គឺ១-ឈ្មោះណុប រ៉ាឌី ភេទប្រុស
អាយុ២១ឆ្នាំ រស់នៅភូមិប្រជុំ ឃុំស្រែរនោង ស្រុកត្រាំកក់
២-ឈ្មោះជា ចន្ធូ ភេទប្រុស អាយុ៤០ឆ្នាំ
រស់នៅភូមិជាងទង ឃុំបន្ទាយមាស ស្រុកទូកមាស
ខេត្តកំពត ៣-ឈ្មោះកែវ សារ៉ន ភេទស្រី អាយុ២៧ឆ្នាំ
៤-ឈ្មោះឈូក ស្រីលីក ភេទស្រី អាយុ១១ឆ្នាំ និង៥-ឈ្មោះស៊ូន
ម៉ាក់ ភេទស្រី អាយុ៥៥ឆ្នាំ
អ្នកទាំង៣នាក់រស់នៅភូមិកោះម៉ាក់ប្រាង
ឃុំបឹងសិលា ខាងជើង ស្រុកកំពង់ត្រឡាច
ខេត្តកំពត។រថយន្តទួរីសមានការខូចខាត១កំណាត់មុខយ៉ាង
ដំណំ
ឯរថយន្តបង្កដឹកកុងតឺន័របែកកញ្ចក់មុខក្រពឹតទ្វារ
ស្តាំខូចខាតតិចតួច ។
សាក្សីដែលឃើញផ្ទាល់ភ្នែកបាននិយាយថា
រថយន្តបុកគ្នាទាំងពីរគ្រឿងនេះ
គេឃើញរថយន្តទួរីសដឹកអ្នកដំណើរបើកពីត្បូងទៅជើង
ហើយរថយន្តដឹកកុងតឺន័របើកពីជើងទៅត្បូងយ៉ាងលឿន
លុះពេលបើកមកដល់ចំណុចកើតហេតុក៏បែកកង់មុខរេចង្កូត
ទៅឆ្វេង
ស្របពេលនោះរថយន្តទួរីសបើកមកដល់ក៏បុកគ្នាពេញទំហឹង
បណ្តាលឱ្យមនុស្សរបួសធ្ងន់ និងស្រាលបែបនេះ។បច្ចុប្បន្នរថយន្តទាំងពីរគ្រឿងត្រូវ បាននគរបាលចរាចរស្ទូចយកទៅរក្សាទុកនៅស្នងការដ្ឋា នខេត្តដើម្បីដោះស្រាយទៅតាមច្បាប់ ៕(koh)
