 |
| ផ្លែល្ហុងទុំ |
នៅពេលទុំមានពណ៌លឿងនិងសាច់ទន់ពណ៌ទឹកក្រូច ល្ហុងមានរសជាតិផ្អែមគួរជាទីទាក់ចិត្ត។ វាមានរាងមូលទ្រវែងនិងអាចមានប្រវែងដល់ទៅ៥០,៨សង់ទីម៉ែត្រ។ តែជាធម្មតានៅលើទីផ្សារប្រវែងជាមធ្យមរបស់វាគឺ១៧,៧៨សង់ទី ម៉ែត្រនិងមានទម្ងន់ប្រហែលជាកន្លះគីឡូក្រាម។ ផ្លែល្ហុងក៏ដូចជាដើមរបស់វាគឺផ្ទុកទៅដោយ Papain-ជាអង់ហ្ស៊ីមដែលជួយប្រូតេអ៊ីនរំលាយអាហារ។ អង់ហ្ស៊ីមនេះត្រូវបានផ្តោតជាពិសេសនៅពេលល្ហុងមិនទាន់ទុំ។
ក្រៅពីនេះអត្ថប្រយោជន៍សុខភាពដ៏សំខាន់បំផុតរបស់ល្ហុងទុំមានដូចជា៖
-ការ ពារជំងឺបេះដូង៖ ល្ហុងសំបូរដោយវីតាមីន C, Eនិង A។ ទាំង៣នេះគឺជាសារធាតុប្រឆាំងនឹងអុកស៊ីដកម្មដ៏ខ្លាំងបំផុត ដ្បិតវាអាចជួយទប់ស្កាត់ការធ្វើអុកស៊ីដកម្មរបស់កូឡេស្តេរ៉ូល។ សូមបញ្ជាក់ថា នៅពេលកូឡេស្តេរ៉ូលអាចធ្វើអុកស៊ីដកម្មបាន ពេលនោះវានឹងអាចធ្វើឱ្យស្ទះសរសៃឈាម និងបង្កើតបានជាការគាំងបេះដូងឬដាច់សរសៃឈាមក្នុងខួរក្បាល។ តែទោះយ៉ាងណា វីតាមីន Eនិង Cដែលមាននៅក្នុងផ្លែល្ហុងបង្កើតបានជាសមាសធាតុមួយឈ្មោះ paraoxonase-ជាអង់ហ្ស៊ីមដែលទប់ស្កាត់ការធ្វើអុកស៊ីដកម្មរបស់ កូឡេស្តេរ៉ូល LDL និង HDL។
-ជួយសម្រួលដល់ការរំលាយអាហារ៖
សារធាតុចិញ្ចឹមរបស់ផ្លែល្ហុងក៏បានបង្ហាញពីផលប្រយោជន៍ផ្សេងមួយ
ទៀតផងដែរ នោះគឺទប់ស្កាត់ជំងឺមហារីកពោះវៀនធំ។
សារធាតុសរសៃរបស់វាមានលទ្ធភាពប្រមូលចងសារធាតុពុលដែលបង្កឱ្យ
ទៅជាមហារីកនៅក្នុងពោះវៀនធំហើយយកទៅរក្សាទុកឱ្យឆ្ងាយពីកោ
សិកាការពារពោះវៀនធំ។ បន្ថែមពីលើនេះទៀត សារធាតុហ្វូឡាត
វីតាមីន C បេតាការ៉ូតែននិងវីតាមីន
Eរបស់ផ្លែល្ហុងរួមបញ្ចូលគ្នា
មានសមត្ថភាពកាត់បន្ថយបាននូវអត្រាគ្រោះថ្នាក់ដោយជំងឺមហារីកពោះ
វៀនធំ។
-ជួយប្រឆាំងនឹងការរលាក៖ អង់ហ្ស៊ីម papain
និង chymopapainរបស់ផ្លែល្ហុងបានត្រូវបង្ហាញថា
មានសមត្ថភាពជួយបន្ថយការរលាក
និងធ្វើឱ្យឆាប់ជាសះស្បើយពីអាការរលាក។
-ជួយបង្កើនកម្លាំងថាមពលដល់ប្រព័ន្ធភាពស៊ាំរបស់រាងកាយ ។
-ជួយការពារប្រឆាំងនឹងជំងឺឈឺសន្លាក់ឆ្អឹងនិងជួយធ្វើឱ្យសួតមានសុខភាពល្អ ។
តាមការសិក្សាមួយរបស់សាកលវិទ្យាល័យ Kansas
State Universityសហរដ្ឋអាមេរិកបញ្ជាក់ថា
ទទួលទានប្រភេទអាហារដែលសំបូរទៅដោយវីតាមីន A
តួយ៉ាងដូចជាផ្លែល្ហុងនេះ
នឹងជួយធ្វើឱ្យសួតរបស់លោកអ្នកបានល្អប្រសើរ
ជាពិសេសបណ្តាអ្នកដែលជក់បារី ៕(KOH)