កំពង់ឆ្នាំងៈ
រថយន្តក្រុងរិទ្ធមុនីចៀសរថយន្តកាំម៉ាស់ ជ្រុលទៅបុក
និងកៀបជាប់ជាមួយរថយន្តកុងតឺន័រ បណ្តាល ឲ្យរថយន្តខូចខាតយ៉ាងដំណំ តែសំណាងល្អ
មិនបណ្តាលឲ្យនរណាម្នាក់រងរបួសនោះទេ។
យោងតាមសេចក្តីរាយការណ៍ពីកន្លែងកើតហេតុ បានឲ្យដឹងថា
គ្រោះថ្នាក់ចរាចរនេះ កើតឡើងនៅខាងកើត ស្ពានសាបអង្កាម ភូមិថ្មកែវ
ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង នៅវេលាម៉ោង ១១ និង៣០នាទីថ្ងៃ
អាទិត្យ ទី១៨ ខែមីនា ឆ្នាំ២០១២។
សេចក្តីរាយការណ៍បានបន្តថា
នៅមុនពេលកើតហេតុរថយន្តដឹកអ្នកដំណើររបស់ក្រុមហ៊ុន រិទ្ធមុនី ពាក់ស្លាក លេខ
បាត់ដំបង 3A-0385 បានបើកបរ ក្នុងទិសដៅពីបាត់ដំបង ឆ្ពោះមករាជធានីភ្នំពេញ
ពេលមកដល់កន្លែងកើតហេតុអ្នកបើកបរ
បានបញ្ជាចង្កូតរថយន្តគេចពីរថយន្តកាំម៉ាស់សន្តោងកន្ទុយដឹកទំនិញមួយគ្រឿង
ពាក់ស្លាក លេខភ្នំពេញ 3A-2975 ដែលបានបត់ឆ្វេងទទឹងផ្លូវ
ទើបធ្វើឲ្យរថយន្តរិទ្ធមុនី ជ្រុលទៅបុកនិងរថយន្តកុងតឺន័រ ពាក់ស្លាលេខ
ប.០៤៣៩.ភព៣ ដែលចតនៅលើដងផ្លូវ ក្នុងទិសដៅស្របគ្នា កៀបជាប់ច្រងាងកណ្តាលផ្លូវ
តែ សំណាងល្អដែរខូចតែរថយន្ត មិនបណ្តាលឲ្យរងគ្រោះថ្នាក់ដល់អ្នកដំណើរនោះទេ។
ក្រោយមន្រ្តីនគរបាលមូលដ្ឋានបានចុះទៅដល់កន្លែងកើតហេតុ តែគេនៅមិនទាន់ដឹងដំណោះស្រាយយ៉ាងណា នៅឡើយទេ៕(dapnews)
