វ៉ាស៊ីនតោន៖ លោកប្រធានាធិបតីអាមេរិក បារ៉ាក់ អូបាម៉ា
បាននិយាយថា នឹងគ្មានការផ្លាស់ប្តូរណាមួយ កើតឡើង ចំពោះកាលកំណត់ដកទ័ព
ចេញពីប្រទេស អាហ្វហ្គានីស្ថាន នោះទេ ហើយចំពោះជំហរ នៃកងកម្លាំងរក្សាសន្តិភាព
នៅទីនោះក៏មានភាពរង្គោះរង្គើរដែរ។ លោក អូបាម៉ា បានប្រាប់ទៅប្រជាជន
ដែលកំពុងតែព្រួយបារម្ភនោះថា សង្គ្រាមដែលកំពុងតែធ្វើឡើងនោះ
គឺស្ថិតនៅក្នុងដំណើរឆ្ពោះ ទៅមុខដ៏ត្រឹមត្រូវ ។
គួរបញ្ជាក់ផងដែរថា ភាពរង្គោះរង្គើរ នៃជំហររបស់អាមេរិក នៅអាហ្វហ្គានីស្ថានថ្មីៗនេះ បានកើតឡើងបន្ទាប់ពីយោធាអាមេរិក បាញ់ប្រហារទៅលើ ជនស៊ីវិល អាហ្វហ្គានីស្ថាន បណ្តាលឲ្យស្លាប់អស់ ១៦នាក់ ដែលក្នុងនោះមានទាំងស្ត្រី និងកុមារផងដែរ។ សហរដ្ឋអាមេរិកបាន សន្យាថា នឹងតាមដាន រកភាពពិតក្នុងរឿងនេះ ដើម្បីស្វែងរកយុត្តិធម៌ ដល់គ្រួសារជនរងគ្រោះ ជាពិសេសនោះគឺលោកប្រធានាធីបតី អាហ្វហ្គានីស្ថាន ហាមីដ កាសៃ តែម្តង ។
ប៉ុន្តែ លោក អូបាម៉ា បានបញ្ជាក់ទៀតថា ផែនការដែលមានរួចមកហើយ ក្នុងការបញ្ជូនទាហាន ២៣០០០នាក់ ត្រឡប់មកវិញនៅរដូវក្តៅនេះ គឺកំពុងតែផ្អាកនៅឡើយ ហើយសម្រាប់សេចក្តីសម្រេច នៅថ្ងៃមុខនោះ គឺជាប្រតិបត្តិការ ប្រឆាំងនឹងពួកតាលីបង់ ៕
