 |
បុរសជាប្តី
|
ខេត្តក្រចេះ ៖ ប៉ូលិសស្រុកសំបូរ
បានចាប់ឃាត់ខ្លួនបុរសម្នាក់ពីបទប្រើអំពើហិង្សាដោយចេតនា
ខណៈដែលបុរសរូបនេះស្រវឹងស្រាខឹងប្រពន្ធមិនធ្វើម្ហូបទៅផឹកស៊ីក្លែមបន្ត
បានយកទឹកក្តៅមកជះស្រោចពេញរាងកាយ
បណ្តាលឲ្យស្រ្តីជាប្រពន្ធរងរបួសធ្ងន់ កាលពីវេលាម៉ោង៩ព្រឹកថ្ងៃទី៨
មីនា ។
បុរសជាប្តីដៃដល់រូបនេះឈ្មោះនីប វេត អាយុ៤១ឆ្នាំ
រីឯប្រពន្ធរងគ្រោះឈ្មោះប្រុញ ជា អាយុ៤២ឆ្នាំ មានកូនបីនាក់
និងមានទីលំនៅ
ភូមិជើងពាត ឃុំកោះខ្ញែរស្រុកសំបូរ ។ លោកអនុសេនីយ៍ទោ នួន
សារិន នាយផ្នែកព្រហ្មទណ្ឌនៃអធិការដ្ឋាននគរបាលស្រុកសំបូរ បានឱ្យដឹងថា
កាលពីថ្ងៃកើតហេតុបុរសជាប្តីបានផឹកស្រាជាមួយមិត្តភក្តិនៅក្នុងភូមិ
តាំងពីព្រឹក ។
លុះពេលអស់សាច់ក្លែមបានទៅលើផ្ទះសួរប្រពន្ធរកសាច់ក្លែមយកមកផឹកស៊ីបន្ត
តែប្រពន្ធថាមិនមានក៏កើតជាជម្លោះ ។ លោកនាយផ្នែកបានបន្តថា
ខណៈដែលជននេះខឹងក៏បានស្រវាយកឆ្នាំង ទឹកក្តៅដែលដាំទឹកស្ងោរពងទានៅលើចង្ក្រាន
មកជះលើប្រពន្ធទាំងកំរោល បណ្តាលឱ្យរលាក ស្រោចពេញរាងកាយ ។
ក្រោយពីកើតហេតុស្រ្តីរងគ្រោះត្រូវបាននាំទៅ
សង្គ្រោះនៅគ្លីនិកឯកជនក្នុងស្រុក
រីឯបុរសជាប្តីក៏ត្រូវកម្លាំងនគរបាលចាប់វាយខ្នោះភ្លាមៗផងដែរ៕(KOH)
