 |
| លោក សូ ស្រណោះ (រូបកណ្ដាល) ក្នុងកម្មវិធីប្រគំតន្ត្រីមិត្តភាពលើកទី៥នៃកម្ពុជា-ជប៉ុន។ រូបថត អ៊ូ មុំ |
ការប្រគំតន្រ្តីនេះត្រូវរៀបចំដោយក្រុមតន្រ្តីសាលារៀនស្រណោះ( Srornos Music School) ក្រោមការឧបត្ថម្ភដោយស្ថានទូតជប៉ុន ដោយត្រូវរៀបចំនៅឯសណ្ឋាគារអាំងទែកុងទីណង់តាល់។ នាឱកាសនោះអតីតអ្នកលេងព្យាណូដ៏ល្បីល្បាញសញ្ជាតិអ៊ីតាលី លោក ជូលៀន ឡារិន ហ្គាហ្គីឡូ ក៏នឹងមកចូលរួមការប្រគំតន្រ្តីនោះដែរ។
លោក សូ ស្រណោះ គឺជានិស្សិតថ្នាក់ម៉ាស្ទ័រផ្នែកតន្ត្រីក្លាសស៊ីក (Classical Music)កំពុងតែសិក្សានៅឯទីក្រុងហ៊ីរូស៊ីម៉ាប្រទេសជប៉ុន ចាប់តាំងពីឆ្នាំ២០១០មក។ ដោយសារតែលោក សូ ស្រណោះ បានឃើញពីសោកនាដកម្មគ្រោះរលកស៊ូណាមិដ៏កាចសាហាវនៅជប៉ុន លោកក៏មានអារម្មណ៍សោកស្តាយណាស់ដែរ។
លោក បានថ្លែងថា៖ «បន្ទាប់ពីគ្រោះរញ្ជួយដីមក ខ្ញុំមានអារម្មណ៍ថាសោកស្តាយខ្លាំងណាស់នូវអ្វីដែលបានកើតឡើង។ ខ្ញុំមានបំណងថាចង់ធ្វើអ្វីមួយ ដើម្បីជួយដល់កុមារនៅជប៉ុន»។
លោក ស្រណោះ ដែលកំពុងបង្រៀនសិស្ស១០៣នាក់ឯសាលារបស់លោក នោះ ក៏បានរៀបចំព្រឹត្តិការណ៍ប្រគំតន្ត្រីមួយដើម្បីបង្ហាញដល់ទស្សនិក ជនកម្ពុជា។ មុនពេលចាកចេញពីទីក្រុងហីរូស៊ីម៉ា លោកបានផ្តល់ព្យាណូម៉ាក យ៉ាម៉ាហា ដ៏ធំមួយដល់សិស្សកម្ពុជា ដែលបញ្ចប់ការសិក្សាពីសាលាលោក ហើយក៏ដើម្បីយកមកប្រើសម្រាប់ការសម្តែងនៅរាត្រីថ្ងៃសៅរ៍ដែរ។
ដោយឡែកចំពោះអតីតតារាលេងព្យាណូដ៏ល្បី ហ្គាហ្គីឡូ ត្រូវបានលោក យូមី អាណា អូណូ ជាគ្រូតូរ្យតន្ត្រី និងភរិយាលោកស្រី យូសី អាប៊ី ដែលជាលេខាទី២នៃមន្រ្តីការទូតជប៉ុន បានអញ្ជើញឲ្យមកចូលរួមតែម្តង។ វាជាព្រឹត្តិការណ៍មួយដែលស័ក្តិសមសម្រាប់លោក ហ្គាហ្គីឡូ ចូលរួមណាស់ ដែលរៀបចំឡើងដោយអង្គការមួយមានមូលដ្ឋាននៅអាមេរិកមានមូលនិធិ របស់ក្មេងចំនួន ១៦ ០០០ នាក់សហការគ្នាដោយក្រុមតន្រ្តីករ វិចិត្រករ និងអ្នកផលិតខ្សែភាពយន្ត ដើម្បីផ្តល់ការយល់ដឹងពីអត្រាកុមារនៅលើពិភពលោកស្លាប់ដោយសារ ភាពអត់ឃ្លាន ឬ គ្រោះទុរ្ភិក្សជារៀងរាល់ថ្ងៃ។
គេសង្កេតឃើញថា អត្រា ២០ ភាគរយនៃការជួយផ្នែកអភិវឌ្ឍនៅកម្ពុជាបានមកពីជប៉ុន ដែលវាជាចំនួនដ៏ធំមួយសម្រាប់ប្រទេសកម្ពុជា។ ប្រជាពលរដ្ឋខ្មែរមិនតិចទេ ដែលរស់នៅរាជធានីភ្នំពេញមានក្តីសោមនស្សរីករាយចំពោះ សមិទ្ធផលរបស់រដ្ឋាភិបាលជប៉ុនក្នុងការជួយកសាងភ្ជាប់ស្ពានមិត្ត ភាពកម្ពុជា-ជប៉ុន (ស្ពានជ្រោយចង្វារ) នាឆ្នាំ១៩៩៣មកនោះ។ ស្ពាននេះត្រូវតភ្ជាប់ឡើងវិញជិត២០ឆ្នាំមកហើយដែរ ខណៈវាត្រូវបានគេផ្តាច់នៅក្នុងសម័យរដ្ឋប្រហារ លន់ នល់ និងសម័យខ្មែរក្រហមនាឆ្នាំ១៩៧៣។
