ខេត្តកំពង់ស្ពឺ ៖
យ៉ាងហោចណាស់មានប្រជាពលរដ្ឋចំនួន៦៦នាក់នៅក្នុងឃុំពេជ្រ
មុន្នី ស្រុកគងពិសី
ត្រូវបានជំងឺឆ្លងប្រភេទថ្មីម្យ៉ាងរាតត្បាតចាប់ពីថ្ងៃទី៦-៨
មីនា ២០១២ ត្រូវបានបញ្ជូនទៅមន្ទីរពេទ្យបង្អែកស្រុកគងពិសី
ប៉ុន្តែប្រជាពលរដ្ឋម្នាក់ឈ្មោះមួង ឃឿន ភេទស្រី អាយុ៣១ឆ្នាំ
នៅភូមិត្រពាំងរការ
ឃុំពេជ្រមុន្នីបានស្លាប់បន្ទាប់ពីចេញពីមន្ទីរពេទ្យប៉ុន្មានថ្ងៃ ។
លោកយ័ប សាង
មេបញ្ជាការកងរាជអាវុធហត្ថស្រុកគងពិសី បានប្រាប់ថា
មានប្រជាពលរដ្ឋយ៉ាង
ហោចណាស់ជាង៦០នាក់
បានឆ្លងជំងឺនេះរាលដាលនៅក្នុងឃុំពេជ្រមុនី្ន
ហើយគ្រូពេទ្យមណ្ឌលសុខភាពព្យាយាមព្យាបាល
ប៉ុន្តែស្ត្រីម្នាក់ឈ្មោះមួង ឃឿន អាយុ៣១ឆ្នាំ
បានស្លាប់ក្រោយពីលាប់ដោយសារការហូបឪឡឹក ។
អ្នកភូមិដទៃទៀតកំពុងភិតភ័យរត់មកមណ្ឌលសុខ
ភាពឱ្យជួយព្យាបាល ។ លោកវេជ្ជបណ្ឌិត សាយ សាវី
អនុប្រធានមន្ទីរសុខាភិបាលខេត្តកំពង់ស្ពឺបានប្រាប់កោះសន្តិ
ភាពថា ករណីខាងលើនេះពិសេសស្រុកគងពិសី ក្នុងឃុំពេជ្រមុន្នី
ប្រជាពលរដ្ឋជាង៦០នាក់ កំពុងត្រូវបានសង្គ្រោះបន្ទាន់ ។
លោកវេជ្ជបណ្ឌិតសាយ សាវី បន្តថា
បញ្ហាខាងលើនេះត្រូវបានមន្ទីរសុខាភិបាលខេត្តចាត់មន្ត្រីជំនាញ
ចុះពិនិត្យព្យាបាល ដោយយកចិត្តទុកដាក់បំផុត។
ក្រោយពីប្រជាពលរដ្ឋម្នាក់ខាងលើបានស្លាប់
លោកវេជ្ជបណ្ឌិតបានស្រាវជ្រាវឃើញថា
ប្រភេទជំងឺថ្មីនេះឈ្មោះស៊ីឃុន ឈុនយ៉ា
ដែលរកឃើញក្នុងខ្លួនអ្នកស្លាប់ ។
ជំងឺប្រភេទនេះកំពុងរាតត្បាតភូមិចំនួន៤
គឺភូមិត្រពាំងរការ, ភូមិទួលព្រីង, ភូមិផ្ចឹកជ្រុំ
និងភូមិថ្នល់បត់ ក្នុងឃុំពេជ្រមុន្នី ស្រុកគងពិសី ៕
