យុវជនបីនាក់ជិះម៉ូតូមួយគ្រឿងចេញពីចម្ការធ្វើដំណើរក្នុងទិសដៅពីកើតទៅ
លិច
លុះដល់ចំណុចកើតហេតុស្រាប់តែយុវជនម្នាក់ដែលជិះក្រោយគេបាន
រអិលភ្លាត់ជើងឆ្វេងចូលកែងទៅក្នុងកាំម៉ូតូដែលកំពុងតែបើកបរយ៉ាងលឿ់នប
ណ្តាលឱ្យរយះស្ទើរដាច់កែងជើងរបួសធ្ងន់ធ្ងរតែម្តង ។
ហេតុការណ៍នេះកើតឡើងកាលពីវេលាម៉ោង៩យប់ថ្ងៃទី៨ មីនា
ស្ថិតក្នុងឃុំស្ទឹងត្រង់ស្រុកសាលាក្រៅ ។
ជនរងគ្រោះឈ្មោះឆេង ចូច ភេទប្រុស អាយុ២១ឆ្នាំ
រស់នៅភូមិអូរគន្ធាងវ៉ា ឃុំស្ទឹងត្រង់ ស្រុកសាលាក្រៅ បានឱ្យដឹងថា
មុនពេលកើតហេតុរូបគេ
និងមិត្តភក្តិ២នាក់ទៀតទៅស៊ីឈ្នួលដកដំឡូងមីនៅចម្ការ
ចម្ងាយជាង២០គីឡូម៉ែត្រពីផ្ទះ ។ លុះពេលត្រឡប់មកវិញ
ដោយសារស្ថានភាពផ្លូវមានដុំថ្មរដិបរដុបពិបាកធ្វើដំណើរ
ហើយម៉ូតូបើកក្នុងល្បឿនលឿនផងនោះ
ខ្លួនក៏រអិលជើងចូលកែងក្នុងកាំម៉ូតូបណ្តាលឱ្យរយះដាច់តែម្តង ។
ក្រោយពីកើតហេតុជនរងគ្រោះត្រូវបានមិត្ត
ភក្តិដឹកយកទៅព្យាបាលនៅមណ្ឌលសុខភាពភ្នំព្រាល
តែដោយសាររបួសធ្ងន់ធ្ងរពេក
ទើបគ្រូពេទ្យបានបញ្ជូនបន្តទៅមន្ទីរពេទ្យ
បង្អែកខេត្តជាបន្ទាន់ ។
ជនរងគ្រោះត្រូវគ្រូពេទ្យដេរមុខរបួសចំនួន២៣ថ្នេរ ៕(KOH)
