ខេត្តប៉ៃលិន ៖ យុវជនម្នាក់
ដោយសារតែតូចចិត្តនឹងម្តាយស្តីប្រដៅបន្តិចបន្តួចពីរឿងដើរលេង
ផឹកស៊ីជាមួយមិត្តភក្តិមិនព្រមជួយធ្វើការងារ
ស្រាប់តែលួចសម្ងំផឹកថ្នាំពុលបាញ់ស្មៅប្រភេទទឹកឃ្មុំនៅក្នុង
ផ្ទះប៉ងធ្វើអត្តឃាតមិនបានសម្រេច
ព្រោះពេលផឹករួចក្អួតចង្អោរបែកពពុះមាត់ត្រូវបានបងស្រីបង្កើត
ឈ្មោះរិទ្ធិ អាយុ៣៥ឆ្នាំ
ចូលទៅក្នុងបន្ទប់ឃើញក៏ទូរស័ព្ទហៅឪពុកនៅឯចម្ការឱ្យដឹកយក
ទៅសង្គ្រោះនៅមន្ទីរពេទ្យបង្អែកខេត្ត
ហើយគ្រូពេទ្យបានលាងក្រពះជម្រះជាតិពុលរួចផុតពីសេចក្តី
ស្លាប់ ។
ហេតុការណ៍នេះបានកើតឡើងកាលពីវេលាម៉ោង១១
និង៣០នាទីព្រឹកថ្ងៃទី២២ វិច្ឆិកា ២០១២ នៅក្នុងផ្ទះរបស់ខ្លួន
ស្ថិតក្នុងភូមិស្ទឹងកាច់ ឃុំស្ទឹងកាច់ ស្រុកសាលាក្រៅ ។
យុវជនរងគ្រោះឈ្មោះនី សុខគា ភេទប្រុស អាយុ១៧ឆ្នាំ ជាកូនទី២
ក្នុងចំណោមបងប្អូន៣នាក់ មានឪពុកឈ្មោះជាតិ នី អាយុ៥៩ឆ្នាំ
ម្តាយឈ្មោះអឹុម ណៃ អាយុ៥៥ឆ្នាំ រស់នៅក្នុងភូមិកើតហេតុខាងលើ ។
