ទាហាន ជាច្រើន សរសើរ Rain ខណៈ កំពុងហ្វឹកហាត់

ថ្មីៗនេះ មានដំណឹងខុសៗគ្នា អំពីលិខិតសរសេរ ដោយដៃជាច្រើនច្បាប់ ពីសំណាក់ទាហានកូរ៉េ ដែលនិយាយ ពីតារាចម្រៀង ដ៏ល្បីល្បាញ Rain ក្នុងពេលហ្វឹកហាត់ ហើយនេះ ក៏ជាព័ត៌មានមួយ ដែលទទួលចំណាប់អារម្មណ៍ ផងដែរ ពីសំណាក់ប្រិយមិត្ត ។
លិខិតរបស់ទាហាន ជាច្រើនដែលទាក់ទង ទៅនឹងតារាចម្រៀង ដ៏ល្បីល្បាញ Rain ត្រូវបានបង្ហាញ ជាសាធារណៈ ហើយទាហានថ្មី ដែលបានហ្វឹកហាត់ជាមួយ Rain បាននិយាយ ក្នុងលិខិតនោះ ដោយការ កោតសរសើរ ពីតារាចម្រៀង និងតារាសម្តែងរូបនេះ។

នៅក្នុងលិខិតទាំងនោះ បានសរសេរថា « តារារូបសង្ហា Rain គឺជាមនុស្សចិត្តល្អ ហើយពួកខ្ញុំញុំាបាយជាមួយគ្នា និងចកែរំលែករឿងរ៉ាវ ជាមួយគ្នាទៀតផង បើទោះបីខ្លួន ជាតារា តែ Rain មិនដែលរើសអើងឡើយ » ហើយលិខិតទាំងនេះ ផងដែរ បានធ្វើឲ្យ ប្រិយមិត្ត កោតសរសើរយ៉ាងខ្លាំង ចំពោះ Rain ដោយនិយាយថា Rain គឺជាទាហាន ដែលមានការព្យាយាមខ្ពស់ និងមានចរិតល្អ មិនមែនត្រឹមតែ នៅមុខកាមេរ៉ាទេ ។
តារាចម្រៀង និងជាតារាសម្តែង ដ៏ល្បីល្បាញវ័យ ៣០ Rain ដែមានឈ្មោះពិត Jung Ji-hoon បានចូលហាត់ ទាហាន កាលពី ខែតុលា ឆ្នាំ២០១១ ៕