ពិតណាស់ទូរស័ព្ទមួយនេះ ប្រហែលជាផលិតផល ចុងក្រោយ
ឬជាប្រភេទទូរស័ព្ទមួយក្នុងចំណោម ស៊េរីទូរស័ព្ទ
ស្មាតហ្វូនដំណើរការដោយប្រព័ន្ឋ Symbian ចុងក្រោយហើយមើលទៅ។ នោះគឺទូរស័ព្ទ
Nokia 808 PureView ដែលជាប្រភេទទូរស័ព្ទរចនាឡើង
ធ្វើឲ្យមានការចាប់អារម្មណ៍យ៉ាងខ្លាំង ជាមួយនឹងទំហំកាមេរ៉ារបស់វា ដោយវា
មិនមែនមានកាមេរ៉ាទំហំ ១២ ឬ១៦ម៉េហ្គាភិកសែលនោះទេ តែវាមានទំហំរហូតដល់
៤១ម៉េហ្គាភិកសែល។
យើងកត់សម្គាល់ថា នេះ វាមិនមានជាអ្វីអាក្រក់នោះទេ
ព្រោះជាចរិតលក្ខណៈរបស់ Nokia ដែលតែងតែដាក់ ទំហំកាមេរ៉ាធំៗបែបនេះ។
តាមពិតទៅទូរស័ព្ទនេះ វាមានអេក្រង់ខាងមុខធំល្អ គឺ ៤អ៊ីញប្រភេទ AMOLED បើ
ទោះបីជាវាមាន resolution កម្រិត nHD ដែលអាចមានសមត្ថិភាពបង្ហាញរូបភាពទំហំ
360x640 ដំណើរការ ដោយប្រព័ន្ឋ Symbian ក៏ដោយ។
ចំពោះអេក្រង់ប្រើដោយម្រាមដៃចុចរបស់វាគឺមានគុណភាពល្អគួរសម។
កាមេរ៉ាទំហំ ៤១ម៉េហ្គាភិកសែលរបស់ទូរស័ព្ទ Nokia 808
PureView អាចថតរូបក្នុង កម្រិតខ្ពស់បំផុត 38MP នៃ resolution របស់វា
ហើយបើសិនអ្នកប្រើកាមេរ៉ាក្នុងកម្រិត 8MP ឬក៏ 5MP អ្នកអាចពង្រីក
និងបង្រួមរូបភាព បានដោយងាយ។
ជាក់ស្តែងទូរស័ព្ទនេះ អាចថា ជាទូរស័ព្ទដែលមានកាមេរ៉ាធំបំផុតលើលោក
ហើយវានឹងបង្ហាញខ្លួននៅលើទីផ្សារ នៅខែឧសភានេះហើយ ក្នុងតម្លៃប្រហែលជា
៦០០ដុល្លារ៕
