យកធុងប្រេង រថយន្តទៅផ្សា ត្រូវឆេះអ្នកជួយកាន់ រលាកពេញខ្លួន

លោក សុង ស៊ុន អាយុ៣២ឆ្នាំ មានស្រុកកំណើត នៅភូមិអំពិលក្រៅ ឃុំអំពិលក្រៅ ស៊ីធរកណ្តាល ខេត្តព្រៃវែង បានរលាកពេញខ្លួនប្រាណ កាលពីវេលាម៉ោង ៦ល្ងាច ថ្ងៃទី៧ ខែមីនា បន្ទាប់ពីជួយកាន់ធុងប្រេងរថយន្ត ដើម្បីផ្សា ។
សមត្ថកិច្ចបានឲ្យដឹងថា នៅម៉ោងកើតហេតុខាងលើ ស្ថិតនៅភូមិក្រាំងក្រួច ឃុំទួលព្រិច ស្រុកអង្គស្នួល ខេត្តកណ្តាល
ខណៈដែលលោក យ៉ង់ ត្រឹង អាយុ២៧ឆ្នាំ ជាអ្នកបើករថយន្តដឹក ប្រេង យកធុងប្រេងរថយន្តទៅផ្សា ហើយឲ្យជនរងគ្រោះជួយកាន់ ពេលនោះស្រាប់តែឆេះ បណ្តាលឲ្យរលាកជនរងគ្រោះពេញខ្លួនប្រាណ ។
លោក យ៉ង់ ត្រឹង ដែលរលាកបន្តិចបន្តួចផងដែរនោះ បានរត់គេចខ្លួនបាត់ រីឯជនរងគ្រោះត្រូវ បញ្ជូនទៅកាន់មន្ទីរពេទ្យ ៕(dapnews)