ការចាប់ខ្លួនខាងលើធ្វើឡើងកាលពី ថ្ងៃទី២៩ ខែកុម្ភៈ ឆ្នាំ២០១២ នៅម្តុំអង្គរមានជ័យ សង្កាត់មនោរម្យ ខណ្ឌ៧មករា រាជធានីភ្នំពេញ។ ជាមួយគ្នានេះ នគរបាលបានរឹបអូសម៉ូតូ១គ្រឿង និងរថយន្តកាមរីបាឡែនមួយគ្រឿងផងដែរ។
តាមការឲ្យដឹងពីសមត្ថកិច្ចថា ១ ឈ្មោះ លឹម ចាន់សុភក្តិ ភេទប្រុស អាយុ១៨ឆ្នាំ និងឈ្មោះ នី កុក ហៅទី អាយុ២១ឆ្នាំត្រូវបានឃាត់ខ្លួនដើម្បីសួរនាំ និងចាត់ការតាមនីតិវិធីក្រោមការសង្ស័យថាពួកគេ ទាំងពីរនាក់នេះមានជាប់វាក់វិនជាមួយនឹងរបរទុច្ចរឹតមានដូចជា លួច ឆក់ កាច់សោរ.កម៉ូតូដ៏សកម្ម ក្នុងរាជធានីភ្នំពេញនាពេលកន្លងមក ។
ប្រភពថា ម៉ូតូដែលរឹបអូសម៉ាកវីវ៉ា ពណ៌ខ្មៅ ពាក់ស្លាកលេខ ភ្នំពេញ 1AP-1182 និងរថយន្តមួយគ្រឿងទៀតម៉ាកកាមរីបាឡែន ពណ៌ស្ករ ពាក់ស្លាកលេខ ភ្នំពេញ 2S-8301 ៕
