នាយក្រិន ទើបលែងលះប្រពន្ធបានរយៈពេលតែប៉ុន្មានខែប៉ុណ្ណោះ ក៏លេចឮឡើងនូវពាក្យចចាមអារ៉ាមនេះ តែពេលនេះការពិតត្រូវបានប្រកាស។
នៅក្នុងការសម្តែងលើឆាកទូរទស្សន៍ CTN នាយហុងដាបានបង្ខំឲ្យនាយក្រិន និងនាងកន្តុំអ៊ើត និយាយរកគ្នា តែនាយក្រិនមិននិយាយជាមួយនឹងនាងកន្តុំអ៊ើតទេ។ នាយហុងដាបាននិយាយក្នុងការសម្តែងលើឆាកនោះថា "នៅក្រៅសាច់រឿងមិននិយាយគ្នាហើយ ចូលមកសម្តែងគួរតែនិយាយជាមួយគ្នាមួយម៉ាត់ទៅ"។
គួរបញ្ជាក់ ផងដែរថា នៅថ្ងៃទី២៨ ខែឧសភា ឆ្នាំ២០០៩ នាយក្រិនបានដឹកដៃភរិយា ចូលរោងមង្គលការយ៉ាងឱឡារិក នៅខេត្តព្រះសីហនុ ហើយបន្ទាប់មកបានធ្វើពិធីកាត់ចំណងដៃ នៅភោជនីយដ្ឋានមួយ នាត្រើយខាងកើតស្ពានជ្រោយចង្វារ។ ក្រោយពីរៀបអាពាហ៍ពិពាហ៍ និងរស់នៅជាមួយគ្នាបានជាងពីរឆ្នាំ ពួកគេក៏បានលែងលះគ្នា ដោយបន្សល់ទុកនូវចំណងដៃកូនប្រុសម្នាក់ ឈ្មោះ សុជន ចាន់វិរៈ៕
