យុវជនម្នាក់ ត្រូវរថយន្ដបុក និងកិន​ បែកក្បាលស្លាប់ នៅតាមផ្លូវ ព្រះមុនីរ៉េត

 
ភ្នំពេញ ៖ យុវជនម្នាក់អាយុជិត ២០ឆ្នាំ មិនទាន់ស្គាល់អត្ដសញ្ញាណ ត្រូវបានរថយន្ដមួយគ្រឿងបុក និងកិនបែកក្បាលខ្ទេច ស្លាប់ភ្លាមៗនៅ កន្លែងកើតហេតុ ស្ថិតនៅ តាមបណ្ដោយផ្លូវព្រះមុនីរ៉េត ក្នុងសង្កាត់ស្ទឹងមានជ័យ ខណ្ឌមានជ័យ វេលាម៉ោង ៦ល្ងាច ថ្ងៃទី២៩ ខែសីហា ឆ្នាំ ២០១២នេះ ។
សេចក្ដីរាយការណ៍ពីកន្លែងកើតហេតុ បានឱ្យដឹងថា ជនរងគ្រោះអាយុជិត ២០ឆ្នាំ ជិះម៉ូតូសង់កូរ៉េ ពណ៌ក្រហម ពាក់ស្លាកលេខ  1F-2290 ធ្វើដំណើរពីកើតទៅលិច លុះដល់ចំណុចកើតហេតុ មិនដឹងជាមកពីមូលហេតុអ្វី ក៏ត្រូវរថយន្ដមួយគ្រឿងមិនស្គាល់ម៉ាក បុក និងកិនបែកក្បាលខ្ទេចស្លាប់ភ្លាមៗតែម្ដង ។
បច្ចុប្បន្នសមត្ថកិច្ចមូលដ្ឋាន កំពុងចុះទៅកន្លែងកើតហេតុ ដើម្បីធ្វើការវាស់វែង និងតាមស្រាវ ជ្រាវ ស្វែងរករថយន្ដបង្កហេតុ ៕