បាងកក ៖
ប៉ូលិសចរាចរថៃបានប្រើពេល២០នាទីដើម្បីជួយសម្រាលកូនឱ្យស្ដ្រី
អាយុ១៩ឆ្នាំម្នាក់ដែលមានផ្ទៃពោះ
គ្រប់ខែឆ្លងទន្លេធ្វើដំណើរតាមតាក់ស៊ី
ទៅមន្ទីរពេទ្យកាលពីវេលាម៉ោង៩និង៤៥នាទី ថ្ងៃទី២០ ខែសីហា
ឆ្នាំ២០១២ ខណៈមានការស្ទះចរាចរណ៍ ។
នៅក្នុងកម្មវិធីផ្សាយទូរទស្សន៍ ប៉ុស្ដិ៍ លេខ៧របស់ថៃដែលបានដកស្រង់ចេញ ពីកាសែតថៃរ៉ាត់ បានបង្ហាញថា ប៉ូលិស ចរាចរថៃដែលជួយបង្កើតកូនឱ្យស្ដ្រីវ័យ ១៩ឆ្នាំឈរជើងប្រចាំការនៅបរិវេណមុខ អនុស្សាវរីយ៍ឆៃ ក្នុងក្រុងបាងកកប្រទេសថៃ ។
លោកព្រិន្ទបាលឯក អារ្យ ពិអុមខាយ ជើងនៅចំណុចខាងលើបានឱ្យដឹងថា មុន ពេលមានស្ដ្រីធ្វើដំណើរទៅមន្ទីរពេទ្យ ដើម្បីឆ្លងទន្លេតាមតាក់ស៊ី លោកបាន ស្ដាប់ឮតាមរយៈវិទ្យុទាក់ទងថាមានស្ដ្រី ម្នាក់ធ្វើដំណើរតាមរថយន្ដតាក់ស៊ីឈឺ ពោះយ៉ាងខ្លាំងរកកលនឹងសម្រាលកូន ។ លោក អារ្យ បន្ដថា ពេលដែលបានឮ ដូច្នេះរូបលោកបានធ្វើការត្រួតពិនិត្យ ហើយរកវិធីជួយសង្គ្រោះនៅលើរថយន្ដតាក់ស៊ីនោះតែម្ដង ។
នៅក្នុងកាសែតថៃរ៉ាក់បានឱ្យដឹង ថា ស្ដ្រីដែលឈឺពោះឆ្លងទន្លេនេះឈ្មោះ ជោ តិកា ឈឺនណយ អាយុ១៩ឆ្នាំ មានទីលំ នៅផ្ទះលេខ១០១/២០៨ ផ្លូវរថភ្លើង ខេត្ដបាងឈឺ ក្រុងទេពមហានគរ ប្រទេសថៃ។
ទិដ្ឋភាពដែលគេបានឃើញស្ដ្រីខាង លើនេះអង្គុយនៅផ្នែកខាងក្រោយនៃរថ យន្ដតាក់ស៊ីមានអាការបែកទឹកភ្លោះ ហើយប៉ូលិសចរាចរដែលឈរជើងនៅ ចំណុចខាងលើជួយបង្កើតកូនឱ្យនាងនៅ លើរថយន្ដតាក់ស៊ីនោះតែម្ដង ។ ស្ដ្រីឈឺពោះឆ្លងទន្លេលើរថយន្ដតាក់ស៊ី ដែលជួយបង្កើតដោយប៉ូលិសចរាចរ ក្រោយពេលប្រសូតរួចមានសុខភាពនិង សុវត្ថិភាពទាំងម្ដាយនិងកូនជាធម្មតា ។
លោក អារ្យ និងក្រុមការងារឱ្យដឹង ថា នាង ជោ តិកា ប្រសូតបានកូនស្រី ហើយកូនស្រីរបស់នាងមានអាវៈយវៈគ្រប់ គ្រាន់ ។ លោកបានបញ្ជាក់ថា ស្ដ្រីខាង លើនៅពេលឈឺពោះតិចៗនាងបានហៅ រថយន្ដដើម្បីជិះទៅកាន់មន្ទីរពេទ្យ ប៉ុន្ដែ ដោយសារមានការកកស្ទះចរាចរខ្លាំង ទើបនាងឈឺពោះកាន់តែខ្លាំង ហើយក៏ ស្វែងរកការជួយសង្គ្រោះតែម្ដង ។
ក្រោយសម្រាលកូនប្រកបដោយ សុវត្ថិភាពខាងមន្ទីរពេទ្យក៏បានមកទទួល យកទាំងម្ដាយនិងកូនដើម្បីថែរក្សាបន្ដ ។ នេះជាគំរូ និងបទពិសោធន៍ល្អរបស់ប៉ូលិសថៃ ចុះចំណែកប៉ូលិសស្រុកខ្មែរយើងយ៉ាងម៉េចដែរ? ៕
