រាជធានីភ្នំពេញ ៖
ព្រឹត្តិការណ៍ដ៏គួរឱ្យរន្ធត់មួយគឺស្ត្រីជានិស្សិតពេទ្យ
យោធាជំនាន់ទី៥ អាយុជាង២០ឆ្នាំ
បានបែកក្បាលស្លាប់ភ្លាមៗនៅនឹងកន្លែងកើតហេតុ
ដោយសាររថយន្តហ៊្វុយហ្សូដឹកខ្សាច់មួយគ្រឿង
បានបើកកិនក្បាលខ្ទេចធ្លាយខួរក្រហមច្រាលពេញផ្លូវ
ខណៈស្រ្តីរងគ្រោះកំពុងជិះម៉ូតូនៅពីមុខរថយន្តហើយ
ត្រូវម៉ូតូមួយគ្រឿងទៀតជិះមកកៀរឱ្យដួលលើកំណាត់មហាវិថីព្រះ
មុនីរ៉េត ពីត្បូងទៅជើង
ត្រង់ចំណុចទល់មុខរោងម៉ាស៊ីនកិនស្រូវ ក្នុងភូមិឫស្សី
សង្កាត់ស្ទឹងមានជ័យ ខណ្ឌមានជ័យ
កាលពីវេលាម៉ោងប្រហែល៦ល្ងាច ថ្ងៃទី៨ សីហា ។
ប្រភពពីសាក្សីនៅកន្លែងកើតហេតុបានឱ្យដឹងថា
មុនពេលកើតហេតុ និស្សិតពេទ្យបានជិះម៉ូតូម៉ាកមីអូ ពណ៌លឿង
តាមមហាវិថីព្រះមុនីរ៉េត ពីត្បូងទៅជើង
ពេលមកដល់ផ្លូវច្រមុះជ្រូក ស្ទឹងមានជ័យ
ស្របពេលនោះគេឃើញរថយន្តហ៊្វុយហ្សូ ដែលដឹកខ្សាច់ពេញ
បើកពីក្រោយស្របទិសគ្នា
ស្រាប់តែមានម៉ូតូមួយគ្រឿងទៀតបើកមកកៀរម៉ូតូនិស្សិត
ពេទ្យនោះបណ្តាលឱ្យដួលក៏ត្រូវរថយន្តធុនយក្សខាងលើកិន
ត្រូវក្បាលបែកធ្លាយខួរពេញផ្លូវ គួរឱ្យញាក់សាច់ ។
ប្រភពដដែលបន្តថា
រថយន្តបង្កហេតុនេះជាប្រភេទរថយន្តធុនយក្ស
ហើយដឹកខ្សាច់ពេញបើកឆ្ពោះទៅការដ្ឋានម្តុំ
ស្ថានីយវិទ្យុជាតិ បើកបរដោយបុរសមិនស្គាល់អត្តសញ្ញាណ
ដែលក្រោយពេលកើតហេតុបានបើកទា្វររត់គេចខ្លួនបាត់ស្រមោល
។
គួរបញ្ជាក់ថា គ្រោះថ្នាក់ចរាចរណ៍នេះ
បានបង្កឱ្យមានការកកស្ទះចរាចរណ៍យ៉ាងខ្លាំង ។
ស្ត្រីរងគ្រោះស្លៀកខោខៅបយជើងវែង ពណ៌ខៀវ ពាក់អាវយឺពណ៌ស
និងមានសក់ពណ៌ទង់ដែង ឈ្មោះ អ៊ឹម ចាន់ធូ
ជានិស្សិតពេទ្យយោធាជំនាន់ទី៥ ត្រូវអាជ្ញាធរ
និងសមត្ថកិច្ចឆែករកឃើញ
អត្តសញ្ញាណនៅលើប័ណ្ណសម្គាល់ខ្លួនក្នុងកាបូប៕
