បណ្តាអ្នកទទួលខុសត្រូវខាងយោធាគូសបញ្ជាក់
ថា កូរ៉េខាងត្បូង និងសហរដ្ឋអាេមរិកបានបើកធ្វើកាលពីថ្ងៃទី២០
សីហា
នូវសមយុទ្ធយោធារួមមួយដែលសំដៅកែលំអការរៀបចំប្រឆាំង
ការគំរាមកំហែងនានាដល់សន្តិសុខរបស់ខ្លួន
។សមយុទ្ធនេះមានឈ្មោះថា ULCHI FREEDOM GUARDIAN
ប្រមូលផ្តុំទាហានកូរ៉េខាងត្បូងចំនួនប្រមាណជា៥៦.០០០នាក់
និងទាហានអាមេរិកប្រមាណជា៣០.០០០នាក់ ។
ក្នុងសេចក្តីប្រកាសមួយឧត្តមសេនីយ៍ JAMES
D.THURMAN មេបញ្ជាការកងទ័ពអាេមរិកថ្លែងថា ULCHI FREEDOM GUARDIAN
ជាសមយុទ្ធដ៏ធំមួយ ដើម្បីពង្រឹងការរៀបចំកងទ័ពកូរ៉េខាងត្បូង
និងកងទ័ពសហរដ្ឋអាេមរិក ។
សមយុទ្ធនេះនឹងផ្តោតលើបណ្តាសេណារីយ៉ូប្រាកដនិយមទាំងឡាយ
ហើយនឹងអាចឱ្យសម្ព័ន្ធមិត្តទាំង២ធ្វើការហ្វឹកហ្វឺនលើបណ្តា
ភារកិច្ចដែលសំខាន់បំផុតក្រោមបញ្ជាការឯកភាពក្នុងកម្រិត
រដ្ឋាភិបាលមួយ ។
កងទ័ពកូរ៉េខាងជើងត្រូវបានផ្តល់ព័ត៌មានពីការ
ធ្វើសមយុទ្ធនេះ ហើយប្រាប់ថា
សមយុទ្ធនោះពុំមានចេតនាបង្កហេតុណាមួយឡើយ ។លោកគីម ជុងអ៊ុន
មេដឹកនាំកំពូលកូរ៉េខាងជើងបានចុះទៅពិនិត្យកងឯកភាព
កាំភ្លើងធំទាំងឡាយនៅជួរមុខប៉ុន្មានថ្ងៃមុនក្រុងសេអ៊ូល
និងក្រុងវ៉ាស៊ីនតោន ចាប់ផ្តើមសមយុទ្ធយោធានេះ។
លោកគីម ជុងអ៊ុន
បានរិះគន់យ៉ាងខ្លាំងក្លាចំពោះសហរដ្ឋអាមេរិក និងកូរ៉េខាងត្បូង
ដែលលោកចោទប្រកាន់ថា គំរាមកំហែងដល់សន្តិភាព
និងស្ថិរភាពពុំត្រឹមតែកូរ៉េខាងជើងប៉ុណ្ណោះទេ
ក៏ប៉ុន្តែគំរាមកំហែងដល់តំបន់ និងពិភពលោកផងដែរ
ដោយតែងធ្វើជាទៀងទាត់នូវសមយុទ្ធយោធាបង្កហេតុ
។សមយុទ្ធយោធារួមលើកនេះ ត្រូវបញ្ចប់រហូតដល់ថ្ងៃទី៣១ សីហា ៕
