វគ្គគ្រូបង្វឹកបាល់ទាត់កម្រិតខ្ពស់បង្រៀនដោយគ្រូមកពី FIFA ដែលចាប់ផ្ដើមពីថ្ងៃទី ២០មកនោះបាន បញ្ចប់នៅថ្ងៃទី២៤សីហា ។
សិក្ខាកាមដែលចូលរៀនក្នុងវគ្គនេះសុទ្ធតែជាគ្រូបង្វឹក គ្រូជំនួយតាមក្លឹបធំៗដែលលេងនៅក្នុង League គ្រូ និង គ្រូជំនួយជម្រើសជាតិ គ្រូដែលកំពុងបង្ហាត់ក្រុមជម្រើសតាមប្រភេទអាយុនានាដែលមានចំនួន សរុប ៣០នាក់ ។
លោក Kelly Cross គឺជាគ្រូបង្វឹកដែល FIFA បញ្ជូនមក ។ វគ្គនេះមានលក្ខណៈពិសេសដោយសារការសិក្សាទោះបីជាការអនុវត្តន៍ផ្ទាល់ លើទីលាននៅតែមានរួមជាមួយនឹងការសិក្សាទៅលើទ្រឹស្ដីនោះក៏ពិតមែន តែយុទ្ធវិធីនៃការកសាងក្រុមមួយឲ្យខ្លាំង ការធ្វើឲ្យកីឡាករប្រកបដោយថាមភាព និងពោរពេញដោយកលល្បិច ត្រូវបានគ្រូបង្ហាត់រូបនេះលើកយកមកបង្រៀន ។
សិក្ខាកាមទាំងអស់សុទ្ធតែបានទទួលនូវវិញ្ញាបនប័ត្របញ្ជាក់ពីការសិក្សាគ្រប់ៗគ្នា ។
