.jpg)
ភ្នំពេញ ៖ អំពើឃាតកម្មដ៏សាហាវ មួយបានកើតឡើងលើយុវជនពិការជើងម្នាក់ ដោយឃាតកចូលទៅអារ.កសម្លាប់ដល់ក្នុងផ្ទះ ខណៈដែលយុវជនពិការរូបនេះនៅចាំផ្ទះតែម្នាក់ឯងហើយម្ដាយនិងប្អូនស្រីទៅលក់ដូរ នៅឯផ្សារអូរឫស្សីអស់ ។
អំពើឃាតកម្មគួរឱ្យភ្ញាក់ផ្អើលនេះ បានកើតឡើងនៅវេលាម៉ោង៣និង៣០នាទីរសៀលថ្ងៃទី៣០ ខែសីហា ឆ្នាំ២០១២ នៅផ្ទះលេខ១៥E2 ផ្លូវលេខ១២៥ ក្រុមទី៨ សង្កាត់បឹងព្រលិត ខណ្ឌ៧មករា ខណៈម្ដាយមីងយកចំណីឱ្យជនរងគ្រោះហូប ហើយឃើញផ្ទះចាក់សោពីក្រៅខុសពី ធម្មតា ។
ប្រភពព័ត៌មានពីមន្ដ្រីនគរបាលព្រហ្ម ទណ្ឌខណ្ឌ៧មករាបានឱ្យដឹងថា ជនរង គ្រោះដែលត្រូវឃាតកអារ.កសម្លាប់ យ៉ាងអាណោចអាធ័មនេះឈ្មោះ ប៉ាត់ សុវណ្ណារ៉ា ភេទប្រុស អាយុ២២ឆ្នាំ មុខ របរនៅផ្ទះ និងជាជនពិការជើងទាំងសង ខាងតាំងពីអាយុ២ឆ្នាំមកម្ល៉េះ ។ ជនរង គ្រោះរស់នៅក្នុងបន្ទុកម្ដាយឈ្មោះ ជន បុប្ពាភួង អាយុ៤៥ឆ្នាំ ជាស្ដ្រីមេម៉ាយ និង មានប្អូនស្រីម្នាក់ឈ្មោះ ប៉ាន់ សេរីរ័ត្ន អាយុ២០ឆ្នាំ ជាអ្នកលក់មី កាហ្វេនៅ ផ្សារអូរឫស្សី ។
ប្រភពព័ត៌មានពីមន្ដ្រីនគរបាលព្រហ្ម ទណ្ឌខណ្ឌ៧មករាបានឱ្យដឹងថា ជនរង គ្រោះដែលត្រូវឃាតកអារ.កសម្លាប់ យ៉ាងអាណោចអាធ័មនេះឈ្មោះ ប៉ាត់ សុវណ្ណារ៉ា ភេទប្រុស អាយុ២២ឆ្នាំ មុខ របរនៅផ្ទះ និងជាជនពិការជើងទាំងសង ខាងតាំងពីអាយុ២ឆ្នាំមកម្ល៉េះ ។ ជនរង គ្រោះរស់នៅក្នុងបន្ទុកម្ដាយឈ្មោះ ជន បុប្ពាភួង អាយុ៤៥ឆ្នាំ ជាស្ដ្រីមេម៉ាយ និង មានប្អូនស្រីម្នាក់ឈ្មោះ ប៉ាន់ សេរីរ័ត្ន អាយុ២០ឆ្នាំ ជាអ្នកលក់មី កាហ្វេនៅ ផ្សារអូរឫស្សី ។
ប្រភពព័ត៌មានបានឱ្យដឹងទៀតថា នៅ មុនពេលកើតហេតុមានការភ្ញាក់ផ្អើល ដោយអំពើឃាតកម្មនេះម្ដាយមីងជនរងគ្រោះឈ្មោះមាស រដ្ឋា អាយុ៤០ឆ្នាំ បានយកចំណីអាហារឱ្យជនរងគ្រោះហូបដូច ថ្ងៃធម្មតាដោយពេលនោះបានពឹងស្ដ្រី ចំណាស់ម្នាក់នៅជាន់ក្រោមឱ្យយកចំណី អាហារទៅឱ្យជនរងគ្រោះ ។ ពេលស្ដ្រី ចំណាស់ឡើងទៅដល់ស្រាប់តែឃើញ ទ្វារផ្ទះត្រូវគេចាក់សោពីក្រៅខុសពីធម្មតា ព្រោះរាល់ថ្ងៃជនរងគ្រោះនៅចាំផ្ទះតែ ម្នាក់ឯងចាក់សោពីក្នុងទេ ។ ដោយកើត មានការសង្ស័យខ្លាំងពេកស្ដ្រីចំណាស់បានប្រាប់ម្ដាយមីងឱ្យដឹងរឿងនេះ ហើយ ពេលម្ដាយមីងមកដល់បានគោះទ្វារ ស្រែកហៅក្មួយតែគ្មានចម្លើយទើបដើរ ទៅអើតមើលតាមមាត់បង្អួចឃើញជនរង គ្រោះដេកស្លាប់លើកម្រាលឥដ្ឋមានឈាមក្រហមច្រាលក៏កើតការឆោឡោតែម្ដង ។
មន្ដ្រីនគរបាលដដែលបានឱ្យដឹងទៀតថា ជនរងគ្រោះត្រូវបានឃាតកអារ.ក នឹងកាំបិតចិតបន្លែមុខស្រួចដាច់បំពង់ ខ្យល់ និងចាក់ត្រង់ពោះ១កាំបិតស្លាប់ នៅលើកម្រាលឥដ្ឋ ហើយក្រោយសម្លាប់ រួចឃាតកទាញទ្វារផ្ទះបិទចាក់សោពីក្រៅ ទើបគេចខ្លួនបាត់ស្រមោលតែម្ដង ។
សមត្ថកិច្ចនៅមិនទាន់សន្និដ្ឋានជាក់លាក់ថា ការស្លាប់របស់យុវជនពិការជើងទាំង២នេះ ជាអំពើគំនុំឬជាអំពើ ប្លន់បែបណានោះទេ ព្រោះរហូតដល់ ម៉ោង៥និង៣០នាទីល្ងាចថ្ងៃកើតហេតុ នេះកំពុងត្រួតពិនិត្យទ្រព្យសម្បត្ដិក្នុងផ្ទះ និងពិនិត្យសពជនរងគ្រោះនៅឡើយ ។
ទោះជាយ៉ាងណាក្ដីឈ្មោះ ជន បុប្ពាភួង ជាម្ដាយជនរងគ្រោះបានលួចបង្ហើបឱ្យ ដឹងថា ក្នុងករណីនេះគាត់សង្ស័យជារឿង គំនុំដែលកើតឡើងរវាងអ្នកជិតខាងជា មួយគ្រួសារគាត់ ព្រោះថាកាលពី១ឆ្នាំ មុនគ្រួសារគាត់ធ្លាប់មានទំនាស់ជាមួយ គ្រួសារមួយនៅក្បែរផ្ទះ ហើយក្រោយ មកជនដែលបង្កទំនាស់នោះចេញពីផ្ទះ បាត់ទៅដោយយូរៗឃើញមកលេងម្ដាយ ម្ដងប៉ុណ្ណោះ ។ នេះគ្រាន់តែជាការសង្ស័យ ជំហានដំបូងប៉ុណ្ណោះ ។
រហូតដល់ម៉ោង៦ល្ងាចថ្ងៃដដែល សមត្ថកិច្ចបានត្រួតពិនិត្យក្នុងផ្ទះជនរង គ្រោះឃើញរបស់របរមួយចំនួនត្រូវជន សង្ស័យរើជជុះពេញផ្ទះ ដែលករណីនេះ ធ្វើឱ្យសមត្ថកិច្ចដាក់ការសង្ស័យថាជា អំពើប្លន់មិនមែនគំនុំ ប៉ុន្ដែមិនទាន់បាន បញ្ជាក់ថាជនរងគ្រោះបាត់បង់អ្វីខ្លះនៅឡើយទេ ៕
រហូតដល់ម៉ោង៦ល្ងាចថ្ងៃដដែល សមត្ថកិច្ចបានត្រួតពិនិត្យក្នុងផ្ទះជនរង គ្រោះឃើញរបស់របរមួយចំនួនត្រូវជន សង្ស័យរើជជុះពេញផ្ទះ ដែលករណីនេះ ធ្វើឱ្យសមត្ថកិច្ចដាក់ការសង្ស័យថាជា អំពើប្លន់មិនមែនគំនុំ ប៉ុន្ដែមិនទាន់បាន បញ្ជាក់ថាជនរងគ្រោះបាត់បង់អ្វីខ្លះនៅឡើយទេ ៕
