រថយន្ត​​ដឹក​ដំឡូង​ជ្វា​​​​បុក​រះ​​ម៉ូតូ​3​គ្រឿង​​​ស្លាប់​​ស្ត្រី​​ពោះ​​ធំ​​ម្នាក់ និង​​របួស​ធ្ងន់​​​-ស្រាល​3នាក់​

រាជ​ធានីភ្នំពេញ​ ៖ ​ស្ត្រី​​មាន​ផ្ទៃ​ពោះ​​​​៣ខែ​​​ម្នាក់​បាន​​ស្លាប់​​​​បាត់​បង់​ជី​វិត​​​​ ភ្លាម​ៗ​​​ និង​មនុស្ស​​​​​៣នាក់​​ទៀត​​រង​របួស​​​ធ្ងន់​ និង​ស្រាល​​ ដោយ​សារ​តែ​​​រថយន្ត​​​ឈ្នួល​​ប្រភេទ​ទេសចរណ៍​​១២​កៅ​អី​​​ដឹក​​​ដំឡូង​​ ជ្វា​មួយ​គ្រឿង​​ បើក​បរ​​​ក្នុង​ល្បឿន​​​​​លឿន​​ជ្រុល​​​ទៅ​បុក​រះ​​​​ម៉ូតូ​​​​​​​៣គ្រឿង​​​ ​​​ជា​បន្ត​បន្ទាប់​​​​​ ហើយ​ក្រោយ​​​ពេល​កើត​ហេតុ​​​​​​អ្នក​​បើក​​​​រថយន្ត​​​​បង្ក​​ត្រូវ​​​​ សមត្ថ​កិច្ច​​​​ចាប់​ខ្លួន​​​ ។​ ឧបទ្ទវ​​ហេតុ​​គ្រោះ​ថ្នាក់​​ចរាចរណ៍​​​​នោះ​បាន​កើត​ឡើ​ង​កាល​ពី​វេលា​ម៉ោង ​​​១១​​​និង​​២០​នាទី​​​ព្រឹក​ថ្ងៃ​ទី​​​​៨ សីហា​​ ​​​នៅ​លើ​កំណាត់​​​ផ្លូវ​លេខ​​​២១៧ ត្រង់​ចំណុច​​​​មុខ​អនុវ​​ិ​ទ្យា​ល័យ​​​​ទួល​​​​​អំពិល​​ភូមិ​​​​បុរី​​កម្ម ​ករ​ សង្កាត់​​​​ជើង​ឯក​​​ ខណ្ឌ​​​ដង្កោ​​ ។

រថយន្ត​​​បង្ក​ម៉ាក​​​​ហ៊ី​យ៉ាស់​​ (HIACE) ពណ៌​ទឹក​ប្រាក់​​ ប្រភេទ​​ទេស​ចរណ៍​​​១២​កៅ​អី​​ អ្នក​បើក​បរ​​ឈ្មោះ អន សុភក្តី​ អាយ​២៨​ឆ្នាំ​​ មា​ន​ស្រុក​កំណើត​​​ភូមិ​​លំពែង​​ ឃុំ​​លំពែង​​ ស្រុក​គិ​រី​វង្ស​​​ ខេត្ត​តាកែវ​​​ត្រូវ​ចាប់​ខ្លួន​​​​បញ្ជូន​​ទៅ ​​កាន់​ការិយា​ល​័យ​​​ប៉ូលិស​​ចរាចរ​ផ្លូវ​គោក​​​រា​ជ​ធានី​​​ភ្នំ​ពេញ​​ ភា្លម​ៗ ។​តាម​​​ប្រភព​​​ព័ត៌​​​​មាន​​​បាន​ឱ្យ​ដឹង​​ថា ​រថយន្ត​​​នេះ​បាន​​​បើក​​​ជ្រុល​ទៅ​​​បុក​ម៉ូតូ​​​​មួយ​គ្រឿង​​​​ម៉ាក​​គុប ​​​​ជ្រុង​​ ពណ៌​​​ទឹក​សមុទ្រ​​​ ជិះ​​​​គ្នា​​២នាក់​​​​បើក​បរ​​​​​ដោយ​​បុរស​​​​ឈ្មោះ​​​អុំ ​សាវីន អាយុ​​​៣០​ឆ្នាំ ​​ ជា​កម្ម​​​​​​​​​​​​​ករ​រោង​ចក្រ​​​មាន​ទី​​លំ​​នៅ​​​​​ភូមិ​​​​ជើង​​ឯក​​​ សង្កាត់​​​​​ជើង​​ឯក​​ រង​​​របួស​​​ធ្ងន់​​​​​​ធ្ងរ​ ​ឯ​ស្ត្រី​ម្នាក់​​​ទៀត​ត្រូវ​​​ជា​សាច់​​ញាតិ​​​​ជិះ​​ពី​ក្រោយ​​​​​ឈ្មោះ​ ​​វ៉ាត​ ​ស្រី​សីុម​​ អាយុ​​​២៤​​ឆ្នាំ ​​មាន​ផ្ទៃ​ពោះ​​​​៣​ខែ​​ រស់​នៅ​​​​​ភូមិ​​ជា​ម​ួយ​គ្នា​​​​​​​ខ្ទាត​​ធ្លាក់​​​ពី​លើ​ម៉ូតូ ​​ដួល​បោក​បាក់​.ក​ស្លាប់​​​​បាត់​បង់​​ជីវិត​​​​ភ្លាម​ៗ​​​នៅ​នឹង​កន្លែង​​ ​ ។ បន្ទាប់​​​មក​រថយន្ត​​​​នោះ​បាន​​​ជ្រុល​​​ទៅ​បុក​​​​ម៉ូតូ​ពីរ​គ្រឿង​​​​ ទៀត​ គឺ​​​​មា៉ក​​​​សេ​​១០០​​​​កូរ៉េ​ ពណ៌​​ក្រហម​​ និង​ម៉ាក​ស៊ុយហ្ស៊ុយ​គីស្មា​​ស​ ពណ៌​ខៀវ​ ​ដែល​កំពុង​​​​​បើក​បរ​​ស្រប​​​ទិស​គ្នា​​​ បណ្តាល​ឱ្យ​​​អ្នក​ជិះ​ម៉ូតូ​​​​២នាក់​​​​​​​រង​របួស​​​ស្រាល​ ។ ​

ប្រជា​​​​ពល​រដ្ឋ​​​បាន​​ឱ្យ​ដឹង​ថា ​​មុន​ពេល​កើតហេតុ​​​គេ​​​​​​​ឃើ​ញ​​រថ​យ​ន្ត​​​​បង្ក​បើក​​​បរ​ក្នុង​ល្បឿន ​​លឿន​​​​​ពី​ត្បូង​​​​​​ទៅ​ជើង​​​ដឹក​ដំឡូង​​​ជ្វា​​ពេញ​​ ​​​​​ពេល​​​​ទៅ​ដល់​​​​ចំណុច​កើត​ហេតុ​​​ខាង​លើ រថយន្ត​​​​នោះបាន​បើក​​​វ៉ា​​រថយន្ត​​​​​មួយ​គ្រឿង​​​​​ទៀត​​ដែល​​នៅ​​​​ខា​ ​​​ង​មុខ​​ក៏​​ជ្រុល​ទៅ​​​​បុក​ម៉ូតូ​​​​ជន​រង​គ្រោះ​​​​ដែល​​កំពុង​​​​បើក​ ​បញ្ច្រាស​​​ទិស​គ្នា​​​ពេញ​ទំហឹង​​ បណ្តាល​​ឱ្យ​​​​​ស្ត្រី​ម្នាក់​​ដួល​បោក​​​​​បាក់​.កស្លាប់​​ រួច​​រថយន្ត​​​​ជ្រុល​​ទៅកៀរ​​ម៉ូតូ​​​​សេ​១០០​កូរ៉េ​​​ និង​ម៉ូតូ​​​​​ម៉ាក​ស៊ុយ​​ហ្សុ៊យ​​គី​ស្មាស​​ ដែល​កំពុង​​​​បើក​បរ​​​ស្រប​ទិស​​គ្នា​​ ពី​ក្រោយ​​​​​បណ្តាល​​ឱ្យ​​​​​មនុស្ស​​​​​​​ពីរ​នាក់​​​​ទៀត​របួស​​​​ស្រាល​ ​ ។​​ក្រោយ​ពេល​កើត​ហេតុ​ អ្នក​បើក​បរ​​​​រថយន្ត​បង្ក​​​បាន​ព្យា​យាម​​​បើក​​​រត​់តែ​​​ត្រូវ​​​​​ សមត្ថ​កិច្ច​​​​ដេញ​តាម​​​​ឃាត់​​​បាន​ទាំង​​រថយន្ត​​​​​​​និង​ចាប់​​​ខ្លួន ​ទាំង​​អ្នក​បើក​​​បរ​​​បញ្ជូន​ទៅ​​​ការ​ិយា​ល័យ​​​​​​​​បូ៉​លិស​​​​​​ចរាចរ ​​​ផ្លូវ​គោក​​​រា​ជ​ធានី​ភ្នំពេញ​ចាត់​ការ​តាម​ផ្លូវ​ច្បាប់​ ៕