សមត្ថកិច្ចបានឲ្យដឹងថា ជនរងគ្រោះទាំងពីរនាក់ ឈ្មោះ ចាន់ សុផល អាយុ ២១ឆ្នាំ មានទីលំនៅស្រុកស្ទឹងហាវ ខេត្តព្រះសីហនុ ត្រូវបាក់ជើងស្តាំពីរកំណាត់ និងឈ្មោះ ជា សេង អាយុ ២០ឆ្នាំ ត្រូវបាក់ជើងស្តាំ មួយកំណាត់ដែរ។
សូមបញ្ជាក់ថា សព្វថ្ងៃនៅខេត្តព្រះសីហនុ ករណីបង្ហោះម៉ូតូ និងយុវជនជិះម៉ូតូប្រដេញគ្នា ទាំងហ្វូងៗ នៅកើតមានឡើងយ៉ាងពេញបន្ទុក ដែលបង្កឡើងដោយកូនមន្ត្រីរាជការ និងកងកម្លាំងប្រដាប់អាវុធ ក្នុងខេត្ត។ ដូចនេះពួកគេ មិនគោរពច្បាប់ចរាចរណ៍អ្វីនោះទេ។ រីឯសមត្ថកិច្ចប៉ូលីសចរាចរណ៍ គប្បីមានវិធានការតឹងរ៉ឹងបន្តិច ដើម្បីរក្សាសុវត្តិភាព និងសណ្តាប់ធ្នាប់ជូនភ្ញៀវទេសចរ នៅខេត្តជាប់មាត់សមុទ្រមួយនេះ៕
