សារសំខាន់នៃការថែរក្សាថ្លើមឱ្យមានសុខភាពល្អជារឿយៗត្រូវបានគេបំភ្លេចចោលក្នុងពេលដែលជីវិតមមាញឹកដោយការងារ ។ ទោះជាយ៉ាងនេះក្តី យើងសូមណែនាំនូវអាហារពីធម្មជាតិចំនួន១០មុខដែលមានអត្ថប្រយោជន៍ជួយឱ្យថ្លើមរបស់អស់លោកអ្នកមានសុខភាពល្អ ៖
១. មើមខ្ទឹម.ស ៖
ខ្ទឹមមួយកម្ពឹសមានកម្លាំងគ្រប់គ្រាន់ជួយការពារថ្លើមតាមរយៈការធ្វើឱ្យអង់ហ្ស៊ីមថ្លើមមានសកម្មភាព ។ អង់ហ្ស៊ីមទាំងនេះមាននាទីស្រូបយកសារធាតុចិញ្ចឹមនិងបញ្ចេញចោលសារធាតុពុលរបស់រាងកាយ ។ ខ្ទឹម.សត្រូវគេដឹងថា សំបូរទៅដោយ Allicinនិង Seleniumដែលជាសារធាតុមាននាទីសំខាន់ជួយរក្សាមុខងារថ្លើម ។
២. ផ្លែទំពាំងបាយជូ ៖
វីតាមីន Cដ៏សំបូរបែបនៅក្នុងទំពាំងបាយជូគឺជាអត្ថប្រយោជន៍យ៉ាងលើសលប់ជួយការពារថ្លើមពីការប៉ះពាល់ដោយការសឹករិចរិលរបស់រាងកាយ ។ វាមិនត្រឹមតែជួយជម្រុញការផលិតវត្ថុធាតុបន្សាបជាតិពុលប៉ុណ្ណោះទេ ប៉ុន្តែថែមទាំងជួយធ្វើឱ្យល្អប្រសើរនូវមុខងារសរីរាង្គទៀតផង ។
៣. ពពួកបន្លែមើម ៖
វត្តមានសារធាតុ Flavonoids នៅក្នុងពពួកបន្លែមើមដូចជា ការ៉ុត ដំឡូងបារាំង និងឆៃថាវក្រហមមានអត្ថប្រយោធន៍ដ៏លើសលប់ជួយបណ្តុះកោសិកាមុខងារក្នុងថ្លើម ។ និយាយជារួម ការទទួលទានប្រចាំថ្ងៃពពួកបន្លែមើមនឹងជួយធានាឱ្យថ្លើមបំពេញមុខងារបានល្អ ។
៤. ពពួកបន្លែស្លឹកពណ៌បៃតង ៖
បន្លែស្លឹកពណ៌បៃតងត្រូវគេចាត់ទុកថាជាអាហារល្អបំផុតជួយសំអាតសារធាតុពុលក្នុងថ្លើម ។ សមាសធាតុ Chlorophyllមាននាទីស្រូបយកសារធាតុអាក្រក់ពីរាងកាយនិងបន្សាបប្រសិទ្ធភាពគីមីពុល ។ ពពួកបន្លែដូចជា ម្រះ ស្ពៃស្លឹកម្យ៉ាង(Spinach)និងស្ពែក្តោបមានអត្ថប្រយោជន៍យ៉ាងលើសលប់ ។
៥.តែបៃតង ៖
វាមានសមាសធាតុប្រឆាំងអុកស៊ីដកម្មដ៏ខ្លាំងក្លាបំផុតឈ្មោះ Catechins។ សមាធាតុនេះមាននាទីកំចាត់រ៉ាឌីកាល់សេរីក្នុងថ្លើមព្រមទាំងសំអាតជាតិពុលបានរហ័សទៀតផង ។
៦. ផ្លែប៊័រ ៖
ផ្លែឈើនេះសំបូរទៅដោយសមាសធាតុ Glutathioneនិងអាស៊ីដខ្លាញ់ monounsaturated fats ដែលវាមិនត្រឹមតែជួយជម្រុញនិតិវិធីសំអាតថ្លើមប៉ុណ្ណោះទេ ប៉ុន្តែថែមទាំងជួយបង្កើតជាលិកានិងកោសិកាថ្មីផងដែរ ។
៧. ផ្លែប៉ោម ៖
ទទួលទានប៉ោមមួយផ្លែក្នុងមួយថ្ងៃនឹងធ្វើឱ្យថ្លើមមានសុខភាពល្អ ។
៨. ប្រេងអូលីវ ៖
ការប្រើប្រាស់ក្នុងកម្រិតមធ្យមនឹងផ្តល់នូវមូលដ្ឋានគ្រឹះលីពីតដ៏ល្អសម្រាប់ថ្លើមក្នុងការស្រូបយកសារធាតុពុលពីរាងកាយហើយដែលបញ្ហានេះនឹងជួយកាត់បន្ថយសារធាតុពុលធ្វើឱ្យថ្លើមបំពេញមុខងារកាន់តែល្អប្រសើរក្នុងរយៈពេលវែង ។
៩. គ្រាប់ធញ្ញជាតិ ៖
សំបូរទៅដោយវីតាមីន B-complex គ្រាប់ធញ្ញជាតិបានជួយជម្រុញសមត្ថភាពថ្លើមក្នុងការរំលាយជាតិខ្លាញ់និងជាលិកាដែលធ្វើឱ្យស្ទះ ។ អង្ករសម្រូបមានប្រយោជន៍យ៉ាងលើសលប់សម្រាប់ថ្លើម ។
១០. ខាត់ណាខៀវ ៖
ផ្កាស្ពៃប្រភេទនេះសំបូរទៅដោយ glucosinolatesដែលជួយលើផលិតកម្មអង់ហ្ស៊ីម ។ អង់ហ្ស៊ីមទាំងនេះមាននាទីលាងសំអាតជាតិពុលនិង carcinogensពីរាងកាយ ៕
