.jpg)
ភ្នំពេញ ៖ កាលពីរសៀលថ្ងៃទី២១ ខែកញ្ញា ឆ្នាំ២០១២ តំណាងអយ្យការលោក មាស ច័ន្ទពិសិដ្ឋ បានចោទប្រកាន់ម្ចាស់ហាងអ៊ុតសក់យីហោ មីកាហ្សា ពីបទ អន្ដរការីរវាងបុរសឬស្ដ្រីពេស្យា និងសញ្ចារិកឬសញ្ចារិកា ដែលអាចជាប់ ពន្ធនាគាររយៈពេល២ឆ្នាំទៅ៥ឆ្នាំ និង ពិន័យជាប្រាក់ពី១លានរៀលទៅ១០ លានរៀលយោងតាមមាត្រា២៨៥នៃ ក្រមព្រហ្មទណ្ឌនៃព្រះរាជាណាចក្រកម្ពុជា ប្រសិនបើចៅក្រមស៊ើបសួររកឃើញថា ថៅកែរូបនេះបានប្រព្រឹត្ដដូចការចោទប្រកាន់ ។
ជនត្រូវចោទ ចាន់ ស្រីណុច ហៅ មុំ ម្ចាស់ហាងអ៊ុតសក់យីហោមីកាហ្សាឋិត នៅតាមបណ្ដោយផ្លូវលេខ១១០ សង្កាត់ ផ្សារកណ្ដាល១ ខណ្ឌដូនពេញ ត្រូវបាន សមត្ថកិច្ចកងរាជអាវុធហត្ថលើផ្ទៃ ប្រទេសឃាត់ខ្លួន កាលពីល្ងាចថ្ងៃទី១៩ ខែកញ្ញាឆ្នាំ២០១២ ពាក់ព័ន្ធទៅនឹងករណី នាំស្រីស្អាត៥នាក់យកទៅឱ្យតាតា ដើម្បី ទាញយកប្រយោជន៍អំពើធ្វើជាអន្ដរការី រវាងបុរសឬស្ដ្រីពេស្យា និងសញ្ចារិក ឬសញ្ចារិកា ក្នុងការប្រព្រឹត្ដជាក់ស្ដែង ដែលបានធ្វើឡើងនៅក្នុងសណ្ឋាគារ១ក្នុង ខណ្ឌទួលគោក និងមួយកន្លែងទៀតនៅ ភោជនីយដ្ឋាន១ក្នុងខណ្ឌដូនពេញ ។
ការឃាត់ខ្លួនមេខ្លោងជួញដូរផ្លូវភេទ ឈ្មោះ ចាន់ ស្រីណុច ម្ចាស់ហាងអ៊ុតសក់ មីកាហ្សា រហូតដល់ឃាត់ខ្លួនស្ដ្រីស្រស់ ស្អាត៥នាក់ ដែលម៉ែយ៉ែមរូបនេះយក ទៅឱ្យភ្ញៀវ និងបុរសម្នាក់ទៀតជាសន្ដិសុខ គឺដឹកនាំដោយលោកឧត្ដមសេនីយ៍ត្រី សៀ សម្បត្ដិ ស្នងការរងស្រាវជ្រាវ និង យុត្ដិធម៌នៃកងរាជអាវុធហត្ថលើផ្ទៃ ប្រទេស និងលោក មាស ច័ន្ទពិសិដ្ឋ ព្រះរាជ អាជ្ញារងអមសាលាដំបូងរាជធានី ភ្នំពេញ ។ ស្ដ្រីរងគ្រោះទាំង៥នាក់ដែល ម្ចាស់ហាងអ៊ុតសក់យីហោ មីកាហ្សា នាំយកធ្វើជាម៉ឺនុយសម្រាប់តាតាភ្លក្ស ចម្លែកមាត់នោះ និងបុរសម្នាក់ដែលជា សន្ដិសុខ ត្រូវបានសមត្ថកិច្ចកងរាជអាវុធ ហត្ថដោះលែងនៅថ្ងៃបន្ទាប់ ខណៈដែល មិនពាក់ព័ន្ធនឹងការជួញដូរផ្លូវភេទជាមួយ មេខ្លោង ចាន់ ស្រីណុច ។
ជនត្រូវចោទ ចាន់ ស្រីណុច សាច់ ញាតិក្រុមគ្រួសារបានព្យាយាមរត់ការ ឱ្យមានការដោះលែងតាំងពីដំណាក់កាល សមត្ថកិច្ចកងរាជអាវុធហត្ថ តែមិន អាចធ្វើទៅរួច ព្រោះទង្វើរបស់មេខ្លោង រូបនេះដែលបានប្រព្រឹត្ដជះឥទ្ធិពលដល់ សង្គម ក៏ដូចជាប៉ះពាល់ទៅនឹងសេចក្ដី ថ្លៃថ្នូររបស់នារីខ្មែរ ហើយនៅដំណាក់ កាលសមត្ថកិច្ចបញ្ជូនខ្លួនទៅកាន់សាលា ដំបូង ក៏មានករណីរត់ការសុំឱ្យនៅក្រោម ការត្រួតពិនិត្យរបស់តុលាការ ប៉ុន្ដែ តំណាងអយ្យការ លោក មាស ច័ន្ទពិសិដ្ឋ រួចមកហើយកាលពីរសៀលថ្ងៃទី២១ ខែ កញ្ញា ឆ្នាំ២០១២ បញ្ជូនទៅឱ្យចៅក្រម ស៊ើបសួរលោកស្រី សែម សក្ដកូឡា បន្ដនីតិវិធី ប៉ុន្ដែមកទល់នឹងល្ងាចថ្ងៃ ដដែលនេះមិនទាន់ដឹងថា ចៅក្រមស៊ើប សួរសម្រេចឃុំឬមិនឃុំនៅឡើយទេ ។
មជ្ឈដ្ឋានទូទៅគាំទ្រចំពោះចំណាត់ ការរបស់សមត្ថកិច្ចកងរាជអាវុធហត្ថ បង្ក្រាបក្រុមមេខ្លោងជួញដូរផ្លូវភេទដែល ចូលចិត្ដមុខរបរមិនថ្លៃថ្នូរ យកស្រីស្អាត សម្រាប់ឱ្យតាតា ឧកញ៉ា ហើយទង្វើទាំង អស់នេះកន្លងទៅក៏មានបញ្ហាប្រេះឆា កើតជាជម្លោះនៅក្នុងក្រុមគ្រួសារ បន្ទាប់ ពីតាតា និងឧកញ៉ា ព្រមទាំងបុរសជ្រួល ជ្រើមមួយចំនួនទៀត ឈ្លក់វង្វេងនឹង សម្រស់ស្រីស្អាតភ្លេចប្រពន្ធ កូន បំផ្លាញ ទ្រព្យសម្បត្ដិ ដូច្នេះ ការបង្ក្រាបក្រុមម៉ែ យ៉ែមដើម្បីយកទៅផ្ដន្ទាទោសតាមផ្លូវ ច្បាប់ អាចជាការចូលរួមចំណែកមួយ យ៉ាងសំខាន់ក្នុងសង្គម ។
កន្លងមក ម្ចាស់ហាងអ៊ុតសក់យីហោ មីកាហ្សា មានក្រុមតារាស្រីៗស្រស់ស្អាត មួយចំនួនតែងតែនិយមចូលចិត្ដទៅកែ សម្ពស្សអ៊ុតសក់នៅទីនោះ ហើយបុគ្គលិក និយាយថា ថៅកែហាងច្រើនមិនយក ប្រាក់ពីតារាស្រស់ស្អាតមួយចំនួន អាច ជាការទាញយកផលប្រយោជន៍ណាផ្សេង ក្នុងការលួងលោមនិងទាក់ទាញនារីស្រស់ ស្អាតទាំងនោះធ្វើជាម៉ឺនុយឱ្យតាតា និង ឧកញ៉ា ទើបករណីជាក់ស្ដែងត្រូវបាន សមត្ថកិច្ចកងរាជអាវុធហត្ថឃាត់ខ្លួន ក្នុងបទល្មើសជាក់ស្ដែង ។ ដូច្នេះបើ ទោះជាមានការអន្ដរាគមន៍ ក៏ដូចជា សាច់ញាតិរបស់ជនត្រូវចោទ ចាន់ ស្រីណុច ចំណាយប្រាក់រត់ការដើម្បីសុំ នៅក្រោមការត្រួតពិនិត្យដោយតុលាការ ក៏ដោយ ប្រហែលជាមិនអាចធ្វើទៅរួច ព្រោះទង្វើដែលប្រព្រឹត្ដនេះ ធ្វើឱ្យអាប់ឱន កិត្ដិយសស្ដ្រីខ្មែរ និងជាប្រភពដែលនាំឱ្យ បង្កើតជាជម្លោះនៅក្នុងគ្រួសារអ្នកដទៃ ការបែកបាក់ ការក្បត់ទំនុកចិត្ដប្រពន្ធកូន ដោយសារតែការអូសទាញពីសម្រស់នារីៗ ដែលឋិតនៅក្រោមការនាំទៅធ្វើជាមីនុយ ឱ្យតាតារបស់ម្ចាស់ហាងអ៊ុតសក់ ចាន់ ស្រីណុច ។
ការឃាត់ខ្លួន ចាន់ ស្រីណុច ដែលជា ភរិយាប្រធានសាខាពន្ធដារខណ្ឌដូនពេញ ពិតជាមានមតិមហាជនមួយចំនួនធំបាន បញ្ចេញមតិរិះគន់ស្រដៀងគ្នាថា មិនគួរ ណាខ្លួនជាម្ចាស់ហាងមានលុយគ្រប់គ្រាន់ ហើយប្ដីជាប្រធានសាខាពន្ធដារខណ្ឌដូន ពេញ មានមុខមាត់កិត្ដិយស ធនធាន ទ្រព្យសម្បត្ដិធូរធារ សមនឹងភាពហ៊ឺហា ចុះហេតុអ្វីក៏មិនបានគិតអំពីសេចក្ដីថ្លៃថ្នូរ ក្នុង និងចាប់យកមុខរបរដែលសង្គមស្អប់ ខ្ពើម និងជាបទល្មើសដែលច្បាប់កំពុង រឹតបន្ដឹងធ្វើជាអាជីពទៅវិញ ។
ដូច្នេះការ ឃាត់ខ្លួនរហូតដល់ឈាន ទៅចោទប្រកាន់ពីតំណាងអយ្យការ និង កំពុងបន្ដទៅឱ្យចៅក្រមស៊ើបសួរ ថាតើ សម្រេចឃុំឬមិនឃុំនេះ គឺជាការគាំ ទ្រពីមជ្ឈដ្ឋានទូទៅរបស់ប្រជាពលរដ្ឋ ជាពិសេសភរិយា របស់អស់លោកដែល ធ្លាប់ឈឺក្បាលវិល មុខគ្រាំគ្រាបេះដូង ស្ទើរតែខ្សោះឈាមរឿងប្ដីលួចទៅមាន សហាយ ឬក៏ភ្លក្សម្ហូបក្រៅផ្ទះបានធូរ ស្បើយក្នុងអារម្មណ៍ខ្លះៗដែរ ៕
.jpg)
