ខណៈដែលទស្សនិកជនមួយចំនួននៅតែមានការសង្ស័យលើការបកស្រាយរបស់កញ្ញា សុខពិសី តាមរយៈវីដេអូឃ្លីប ចំនួនពីរលើករួចមកនោះ ពេលនេះធ្លាយព័ត៌មានថា នាងត្រៀមចេញមុខនៅតាមប៉ុស្តិ៍វិញម្ដង ក្នុងពេលឆាប់ៗនេះ ដើម្បីរំងាប់ព័ត៌មានដែលកើតមានឡើង។
ព័ត៌មានធ្លាយចេញដែលថា កញ្ញា សុខ ពិសី ត្រៀមឡើងឆាកតន្រ្តីទូរទស្សន៍ក្នុងស្រុកមួយនេះ គឺបន្ទាប់ពីមុននេះ នាងបានចេញមុខបកស្រាយតាមវីដេអូឃ្លីបចំនួនពីរដងជា បន្តបន្ទាប់រួចមកហើយថា នាងគ្មានផ្ទៃពោះដូចព័ត៌មានចចាមអារ៉ាមនោះ ហាក់គ្មានទម្ងន់គ្រប់គ្រាន់សម្រាប់ឲ្យគេជឿ ស្របពេលដែលអ្នកខ្លះបានលើកឡើងថា ការបកស្រាយតាមវិដេអូឃ្លីបម្តងហើយម្តងទៀតនេះ គ្រាន់តែធ្វើឲ្យល្អមើលតែប៉ុណ្ណោះ ខណៈជាក់ស្តែងគឺគេមើលឃើញច្បាស់ថា ក្បាលពោះរបស់នាងប្រែប្រួលទំហំ តែត្រង់ថានាងឡើងគីឡូ ឬក៏មានគភ៌មែនឬមិនមែនមិនប្រាកដ។ យ៉ាងណាក៏ដោយ គេមិនជឿថា ការប្រែប្រួលទំហំពោះក្នុងពេលបាត់មុខក្រោមពាក្យចចាមអារ៉ាមថា មានផ្ទៃពោះនេះ ជាការឡើងទម្ងន់នោះឡើយ ព្រោះតែហេតុថា ការឡើងទម្ងន់នេះ គឺជាសត្រូវរបស់តារាដែលត្រូវការរាងស្វែលស្អាតគ្រប់ពេលទៅហើយ បែបនេះ សួរថា តារាល្បីដួចជា សុខ ពិសី សុខចិត្តឡើងទម្ងន់រហូតបាត់រាងរៅយ៉ាងនេះ? អីចឹងហើយទើបគេ ពិបាកដាក់ចិត្តជឿតាមការព្យាយាមបកស្រាយរបស់នាងដល់ទៅ២ដងក្នុ រយៈពេលមិនដល់មួយអាទិត្យបែបនេះ។
ដោយសារតែបែបនេះ ទើបមានព័ត៌មានថា កញ្ញា សុខ ពិសី ត្រៀមឡើងប៉ុស្តិ៍ទូរទស្សន៍ក្នុងពេលឆាប់ៗនេះ ដើម្បីជម្រះបញ្ហាថានាងមានផ្ទៃពោះ ជាមួយបុរសអាថ៌កំបាំងនោះ ឲ្យវាស្លាប់បង់តែម្ដងទៅ។
ព័ត៌មាននេះ ត្រូវបានបុគ្គលមានមុខមាត់ក្នុងសង្គមសិល្បៈមួយរូប បានបង្ហើបឲ្យដឹង។ បុគ្គលនោះ បានប្រាប់ Sabay ឲ្យដឹងថា កញ្ញា សុខ ពិសី កំពុងតែអន្ទះសាចង់ឡើងច្រៀងតាមប៉ុស្តិ៍ដើម្បីឈានចាប់អាជីពជា អ្នកចម្រៀងឡើងវិញតាមការសន្យា ម្យ៉ាងក៏ដើម្បីរំងាប់ព័ត៌មានមាត់ចាបមាត់ព្រាបដែលកើតមានចំពោះនាង ផងដែរ។
ព័ត៌មាននេះ ត្រូវបានបុគ្គលមានមុខមាត់ក្នុងសង្គមសិល្បៈមួយរូប បានបង្ហើបឲ្យដឹង។ បុគ្គលនោះ បានប្រាប់ Sabay ឲ្យដឹងថា កញ្ញា សុខ ពិសី កំពុងតែអន្ទះសាចង់ឡើងច្រៀងតាមប៉ុស្តិ៍ដើម្បីឈានចាប់អាជីពជា អ្នកចម្រៀងឡើងវិញតាមការសន្យា ម្យ៉ាងក៏ដើម្បីរំងាប់ព័ត៌មានមាត់ចាបមាត់ព្រាបដែលកើតមានចំពោះនាង ផងដែរ។
ប្រភពបានបន្តថា ព័ត៌មានដែលបានចុះផ្សាយកន្លងមក បានធ្វើឱ្យប៉ះពាល់ដល់កិត្តិយស និងប្រជាប្រិយភាពរបស់នាងក្នុងសង្គមសិល្បៈ អីចឹងហើយ ទើបនាងត្រៀមឡើងច្រៀងតាមប៉ុស្តិ៍នេះ ដើម្បីស្ដារមុខមាត់ឡើងវិញ ខណៈអ្នកគាំទ្រនាងជាច្រើន ក៏កំពុងតែទន្ទឹងពីការបកស្រាយរបស់នាងដោយផ្ទាល់ ជាងការចេញមុខតាមឃ្លីបដូចពេលកន្លងមកដែរ។
ប្រភពលាក់មុខខាងលើ បានបន្ថែមថា ទូរទស្សន៍ដែលកញ្ញា សុខ ពិសី ត្រៀមនឹងឡើងបកស្រាយមុនគេនោះ គឺទូរទស្សន៍មួយដែលមានទីតាំងនៅខាងលិចរាជធានី ដោយសារតែប៉ុស្តិ៍មួយនេះបានទាក់ទងនាងជាប់រហូត តាំងតែពីនាងបានដាក់ច្បាប់ឈប់សម្រាកពីការងាររយៈពេលបីខែ ពីផលិតកម្មសាន់ដេ ដើម្បីទៅសិក្សាផ្នែកសម្អាងការនៅសិង្ហបុរីមកម្ល៉េះ។ ដូច្នេះហើយទើបនាង សម្រេចតបតាមការអញ្ជើញនេះ ប្រយោជន៍បានរំលាយពាក្យចចាមអារ៉ាមផង។
ទោះជាយ៉ាងណាក៏ដោយ ប្រភពនេះ មិនបានបញ្ជាក់ថា សុខ ពិសី នឹងឡើងច្រៀងនៅស្ថានីយនោះនៅថ្ងៃណាឱ្យប្រាកដឡើយទេ គ្រាន់តែបញ្ជាក់ថា ក្នុងពេលឆាប់ៗប៉ុណ្ណោះ។
ដូចតែមុនៗ កញ្ញា សុខ ពិសី មិនអាចសុំការស្រាយបំភ្លឺបានទេនៅថ្ងៃនេះ ដោយសារតែទូរស័ព្ទរបស់នាងជាច្រើនខ្សែមិនអាចទាក់ទងបាន។ ដោយឡែកអ្នកចាត់ការទូទៅក្នុងផលិតកម្មសាន់ដេលោក ឡាយ សុកចំរើន ក៏មិនអាចសុំការបកស្រាយបាន ចំពោះព័ត៌មាន សុខ ពិសី ត្រៀមឡើងច្រៀង និងបកស្រាយតាមប៉ុស្តិ៍នេះ។
ទស្សនិកជន និងអ្នកគាំទ្រកញ្ញា សុខ ពិសី កំពុងតែទន្ទឹងរង់ចាំការបកស្រាយរបស់នាងពីបញ្ហាដែលបានកើតឡើងនាពេលកន្លងមក ម្យ៉ាងក៏ចង់ឃើញមុខមាត់ និងសុខទុក្ខរបស់នាងផ្ទាល់ដែរ។
យ៉ាងណាក៏ដោយ គេមិនដឹងថា ព័ត៌មានដែលបង្ហើបចេញនេះ មានការពិតកម្រិតណាឡើយ ប៉ុន្តែគេជឿថា ការចេញមុខបកស្រាយមុនលុកក្នុងអាជីពសិល្បៈចម្រៀងជាថ្មី គឺជារឿងដែល១០០ភាគរយ សុខ ពិសី នឹងធ្វើ មិនអាចវិលមកវិញឆ្កុយដូចកាលចាកចេញនោះទេ ព្រោះការធ្វើបែបនេះ មិនខុសអីនឹងការចិញ្ចឹមព័ត៌មានចចាមអារ៉ាមទុកឲ្យនៅរស់រាន ដែលវានឹងនៅតែតាមលងបន្លាចនាងនៅពេលបន្តបន្ទាប់ទៀតនោះឡើយ។
ដូច្នេះហើយ ស្របនឹងការព្រលយចេញពីប្រភពលាក់មុខខាងលើនេះ គេជឿថាមានការពិតក្នុងកម្រិតខ្ពស់ជាង ជាដំណឹងខ្យល់។ ម្យ៉ាងទស្សនិកជនក៏ជឿថា នាងនឹងចេញមុខវិញឆាប់ៗនេះដែរ ព្រោះនាងជាម្ចាស់ពានអាណាចក្រតារាឆ្នាំ ២០១១ ក្នុងនាមជាតារាចម្រៀងមានប្រជាប្រិយភាពប្រចាំឆ្នាំ។ ម្ល៉ោះហើយបើនាងមិនចេញមុខប្រមូលការងារសិល្បៈ ក៏ដូចជាប្រជាប្រិយភាពមកក្ដាប់ក្នុងដៃទេ នាងនឹងមិនមានគុណសម្បត្តិអ្វីសម្រាប់ការពារពានដែលពូនផ្ដុំដោយបេះដូង ក៏ដូចជាទឹកចិត្តស្រឡាញ់របស់អ្នកគាំទ្រចំពោះនាងនេះ បានឡើយ៕(Sabay)
ដូច្នេះហើយ ស្របនឹងការព្រលយចេញពីប្រភពលាក់មុខខាងលើនេះ គេជឿថាមានការពិតក្នុងកម្រិតខ្ពស់ជាង ជាដំណឹងខ្យល់។ ម្យ៉ាងទស្សនិកជនក៏ជឿថា នាងនឹងចេញមុខវិញឆាប់ៗនេះដែរ ព្រោះនាងជាម្ចាស់ពានអាណាចក្រតារាឆ្នាំ ២០១១ ក្នុងនាមជាតារាចម្រៀងមានប្រជាប្រិយភាពប្រចាំឆ្នាំ។ ម្ល៉ោះហើយបើនាងមិនចេញមុខប្រមូលការងារសិល្បៈ ក៏ដូចជាប្រជាប្រិយភាពមកក្ដាប់ក្នុងដៃទេ នាងនឹងមិនមានគុណសម្បត្តិអ្វីសម្រាប់ការពារពានដែលពូនផ្ដុំដោយបេះដូង ក៏ដូចជាទឹកចិត្តស្រឡាញ់របស់អ្នកគាំទ្រចំពោះនាងនេះ បានឡើយ៕(Sabay)
