ខេត្ដកណ្ដាល ៖ យុវជនម្នាក់ត្រូវរថយន្ដម៉ាកឡង់គ្រីស័របុកពេញទំហឹងបណ្ដាល ឱ្យរងរបួសបាក់ជើងម្ខាង និងម៉ូតូធ្លាក់ ផ្លូវ ខណៈដែលរូបគេមកពីទិញទឹកកក ចំណែករថយន្ដបង្កក្រោយពីបុកជនរង គ្រោះឱ្យរបួស បានព្យាយាមបើកគេច ខ្លួនបានប្រមាណ៥០០ម៉ែត្រក៏ទុករថយន្ដ ចោលម្ចាស់រត់ចោលបាត់ ។
ហេតុការណ៍នេះបានកើតឡើងកាល ពីវេលាម៉ោង១៥និង៣០នាទីរសៀល ថ្ងៃទី២២ ខែកញ្ញា ឆ្នាំ២០១២ នៅតាម បណ្ដោយផ្លូវជាតិលេខ១ ក្នុងភូមិខ្សុំ ឃុំ បន្ទាយដែក ស្រុកកៀនស្វាយ ខេត្ដកណ្ដាល។
ជនរងគ្រោះមានឈ្មោះ ភិន នី ភេទប្រុស អាយុ២២ឆ្នាំ មានទីលំនៅភូមិ ឃុំកើតហេតុខាងលើ រងរបួសបាក់ជើងខាងស្ដាំ និងរយះសាច់ភ្លៅ ត្រូវបានដឹកទៅសង្គ្រោះ នៅមន្ទីរពេទ្យរាជធានីភ្នំពេញ ។ ជនរងគ្រោះជិះម៉ូតូម៉ាកគុប ពណ៌ទឹកសមុទ្រ គ្មានស្លាកលេខ ។ ចំណែករថយន្ដបង្ក ម៉ាកឡិនគ្រីស័រ ពណ៌កណ្ដុរល្មេះ ពាក់ស្លាកលេខ ភ្នំពេញ 2F-3594 ។
សមត្ថកិច្ចបានឱ្យដឹងថា មុនពេលកើតហេតុគេឃើញរថយន្ដបង្កខាងលើបើក ក្នុងល្បឿនលឿនតាមបណ្ដោយផ្លូវជាតិ លេខ១ពីអ្នកលឿងឆ្ពោះទៅរាជធានី ភ្នំពេញ លុះមកដល់ចំណុចកើតហេតុ រថយន្ដបង្កបានបើកជែងរថយន្ដ១គ្រឿង ទៀតដែលបើកពីខាងមុខ ហើយក៏បាន ជ្រុលចង្កូតទៅបុកម៉ូតូជនរងគ្រោះដែល កំពុងបើកបរបញ្ច្រាសទិសគ្នានៅចំណែក ផ្លូវម្ខាងពេញទំហឹង បណ្ដាលឱ្យម៉ូតូដួល ខ្ទាតធ្លាក់ពីផ្លូវ ។ ឯអ្នកបើកបរបាក់ ជើងខាងស្ដាំ ចំណែករថយន្ដបានបែកកង់ មុខផ្នែកខាងឆ្វេង ។ ក្រោយកើតហេតុ រថយន្ដបង្កព្យាយាមបើកគេចខ្លួនបាន ចម្ងាយប្រមាណ៥០០ម៉ែត្រ ម្ចាស់រថយន្ដ បានទុករថយន្ដចោលនៅកន្លែងកើត ហេតុ រួចគេចខ្លួនបាត់តែម្ដងទៅ ។
បច្ចុប្បន្ន រថយន្ដបង្កហេតុត្រូវបាននគរបាលចរាចរស្ទូចយកទៅរក្សាទុក នៅអធិការដ្ឋាននគរបាលស្រុកកៀនស្វាយ ដើម្បីដោះស្រាយនៅពេលក្រោយ ៕
